ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⴷⵉ ⴱⴻⵍⵄⴻⴱⴱⴰⵙ : ⵎⵎⵓⵜⴻⵏ ⵙⵉⵏ ⵢⴻⵎⴷⴰⵏⴻⵏ ⴰⴽⴽⴻⴷ ⴽⵔⴰⴹ ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ ⵙⵉⵏ ⵉⵙⴻⵀⵡⴰ ⵏ ⵓⴱⵔⵉⴷ

ⵙⵉⴷⵉ ⴱⴻⵍⵄⴻⴱⴱⴰⵙ - ⵎⵎⵓⵜⴻⵏ ⵙⵉⵏ ⵢⴻⵎⴷⴰⵏⴻⵏ ⴰⴽⴽⴻⴷ ⴽⵔⴰⴹ ⵏⵏⵉⴹⴻⵏ ⴷ ⵉⵎⴻⵊⵔⴰⵃ ⴷⴻⴳ ⵙⵉⵏ ⵏ ⵢⵉⵙⴻⵀⵡⴰ ⵏ ⵓⴱⵔⵉⴷ, ⴷⵔⴰⵏ-ⴷ ⴷⴻⴳ 24 ⵡⴰⵙⵔⴰⴳⴻⵏ ⵢⴻⵣⵔⵉⵏ, ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⵉ ⴰⵖ-ⴷ-ⵏⵏⴰⵏ ⴰⵙⵙ ⵏ ⵍⵃⴻⴷⴷ ⵢⵉⵎⴻⵥⵍⴰ ⵏ ⵓⵎⴻⵙⵜⴻⵏ ⴰⵖⴰⵔⵉⵎ.

ⴰⵙⴻⵀⵡⵓ ⴰⵎⴻⵣⵡⴰⵔⵓ ⵢⴻⴹⵔⴰ-ⴷ ⴷⴻⴳ ⵓⴱⵔⵉⴷ ⵏ ⵜⵡⵉⵍⴰⵢⵜ ⵡⵉⵙ 14 ⴳⴰⵔ ⵜⵏⵉⵔⴰ ⴰⴽⴽⴻⴷ ⵡⴰⴷ ⵙⵉⴼⵉⵢⵓⵏ. ⵜⴻⵃⵏⵓⵛⵛⴻⴹ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵙⴰⴽⵉⵏ ⵜⴻⵡⵡⴻⵜ ⵙ ⵜⴻⴽⵔⵉⴹⵜ ⵢⵉⵡⴻⵏ ⵏ ⵓⴽⴰⵎⵢⵓⵏ. ⵢⴻⵎⵎⵓⵜ ⵢⵉⵡⴻⵏ ⴷⵉⵏ ⴷⴻⴳ ⵍⴻⵄⵎⴻⵔ-ⵉⵙ 30 ⵏ ⵢⵉⵙⴻⴳⴳⴰⵙⴻⵏ.

ⴰⵙⴻⵀⵡⵓ ⵡⵉⵙ ⵙⵉⵏ ⵉ ⴷ-ⵙⴽⴻⵍⵙⴻⵏ ⵢⴻⴹⵔⴰ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵡⵉⵙ 7 ⴷⴻⴳ ⵓⵏⴻⴽⵛⵓⵎ ⵏ ⵜⵉⵖⵔⴻⵎⵜ ⵏ ⵙⴼⵉⵣⴻⴼ. ⵜⴻⵃⵏⵓⵛⵛⴻⴹ ⵢⵉⵡⴻⵜ ⵏ ⵜⴽⴻⵔⵔⵓⵙⵜ ⵙⴰⴽⵉⵏ ⵜⴻⴽⵛⴻⵎ ⴷⴻⴳ ⵢⵉⵡⴻⵏ ⵏ ⵓⵙⴻⴽⵍⵓ.

ⵢⴻⵎⵎⵓⵜ ⴷⵉⵏ ⵓⵏⴻⵀⵀⴰⵔ, ⵎⴰ ⴷ ⴽⵔⴰⴹ ⵢⴻⵎⴷⴰⵏⴻⵏ-ⵏⵏⵉ ⵉ ⵢⴻⴷⴷⴰⵏ ⴷⴻⴳ ⵜⴽⴻⵔⵔⵓⵙⵜ ⴷ ⴰⵊⵔⴰⵃ ⴽⴰⵏ ⵉ ⵊⴻⵔⵃⴻⵏ, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵡⵡⵉⵏ ⵜⵉⴼⴻⴽⴽⵉⵡⵉⵏ-ⵏⵏⵉ ⵏ ⵍⵎⴻⴳⵜⵉⵏ ⵖⴻⵔ ⵓⵚⴱⵉⵟⴰⵔ ⵏ ⵙⴼⵉⵣⴻⴼ. ⵍⴷⵉⵏ ⵙⵏⴰⵜ ⵜⵙⴻⵙⵜⴰⵏⵉⵏ ⴰⴽⴽⴻⵏ ⴰⴷ ⵥⵔⴻⵏ ⴰⵎⴻⴽ ⵉ ⴷ-ⴹⵔⴰⵏ ⵢⵉⵙⴻⵀⵡⴰ-ⵏⵏⵉ.