ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⴰⴱⵙⵓⵏⵜ ⵊⵓⵏⵧ ⵜⵄⴻⴷⴷⴰ ⵖⴻⴼ ⵢⵉⴷⵉⵙ ⵏ ⵓⵎⵜⵉⵡⴻⴳ ⵢⴻⴱⵟⴻⵔ

ⵡⴰⵙⵀⵉⵏⴳⵜⵏ - ⵜⴰⴽⴰⴱⵙⵓⵏⵜ ⵊⵓⵏⵧ ⵏ ⵜⵏⴻⴳⴳⴰ ⵜⴰⵍⵍⵓⵏⴰⵏⵜ ⵜⴰⵎⴰⵔⵉⴽⴰⵏⵉⵜ ⵜⵄⴻⴷⴷⴰ ⴰⵙⵙ ⵏ ⵙⵙⴻⴱⵜ ⵖⴻⴼ ⵢⵉⴷⵉⵙ ⵏ ⵓⵎⵜⵉⵡⴻⴳ ⵢⴻⴱⵟⴻⵔ, ⴷ ⴰⵎⵜⵉⵡⴻⴳ ⴰⵎⴻⵇⵇⵔⴰⵏ ⵉ ⵢⴻⵍⵍⴰⵏ ⴷⴻⴳ ⵓⵏⴰⴳⵔⴰⵡ ⴰⴼⵓⴽⴰⵏ, ⵉⵙⵡⵉ ⵏ ⵜⴽⴰⴱⵙⵓⵏⵜ ⵊⵓⵏⵧ ⴷ ⴰⴳⵣⴰⵢ-ⵉⵙ.

ⴷⴻⴳ ⵜⵓⵖⴷⴰⴹⵜ ⵏ ⵜⴽⴰⴱⵙⵓⵏⵜ ⵊⵓⵏⵧ, ⴷ ⴰⵄⴻⴷⴷⵉ ⵖⴻⴼ ⵢⴻⴱⵟⴻⵔ ⵉⵇⴻⵔⴱⴻⵏ ⵓⴳⴰⵔ ⵖⴻⴼ ⵉⵄⴻⴷⴷⵉⵢⴻⵏ ⵏⵏⵉⴹⴻⵏ, ⴰⴷ ⵜⴻⵇⵇⵉⵎ ⵜⴻⵜⵜⴻⵣⵣⵉ ⵖⴻⴼ ⵓⵎⵜⵉⵡⴻⵏ ⴰⵣⴰⵍ ⵏ ⵙⵏⴰⵜ ⵜⴻⵎⵔⴰⵡⵉⵏ ⵏ ⵡⴰⵢⵢⵓⵔⴻⵏ, ⵉ ⴷ-ⵜⴻⵙⵙⴻⴷⴷⵉ ⵏⴰⵙⴰ ⴷⴻⴳ ⵓⴷⴻⴳ-ⵉⵙ ⵏ ⵉⵏⵜⴻⵔⵏⴻⵜ.

ⵜⴻⴽⵛⴻⵎ ⵊⵓⵏⵧ ⵙ ⴰⵃⴱⵓ ⵏ ⵓⵎⵜⵉⵡⴻⴳ ⵢⴻⴱⵟⴻⵔ ⴰⵙⵙ ⵏ 4 ⵢⵓⵍⵢⵓ ⵙⴻⴳ ⵜⴳⴰ ⵢⵉⵡⴻⵏ ⵏ ⵓⵙⵉⴽⴻⵍ ⵏ 5 ⵏ ⵢⵉⵙⴻⴳⴳⴰⵙⴻⵏ, ⵙⴰⴽⵉⵏ ⵜⵓⴼⴰ-ⴷ ⵉⵎⴰⵏ-ⵉⵙ ⴰⵙⵙ ⵏ ⵙⵙⴻⴱⵜ ⵖⴻⴼ ⵓⵙⵔⴰⴳ ⵡⵉⵙ 12 :51 ⴳⵎⵜ ⴷⴻⴳ 4.200 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴻⴳ ⵓⵙⵉⴳⵏⴰ ⵏ ⵓⵎⵜⵉⵡⴻⴳ.

‘’D tikkelt tamezwarut i ngerreb annet-a, nwali agellid n unagraw afukan akked wamek iteddu’’, i d-yenna umazzay agejdan n JUNO, Scott Bolton, seg usadur Southwest Research deg tiɣremt n San Antonio (anẓul n uwanek n Texas), deg yiwen n welɣu n Nasa.

ⵜⴰⵥⴻⵢⵜ ⵏ ⵊⵓⵏⵧ ⵙⴻⵙⵙⴰⵡⴻⴹ ⵖⴻⵔ 3,6 ⵏ ⵢⵉⵟⵓⵏⴻⵏ, ⵜⴻⵜⵜⴻⴷⴷⵓ ⵙ ⵢⵉⵡⴻⵏ ⵏ ⵓⵔⵓⵔⴻⴷ ⵏ 208.000 ⴽⵎ/ⵀ. ⵎⵉ ⵜⴻⵡⵡⴻⴹ ⵊⵓⵏⵧ ⴰⵙⵙ ⵏ ⵙⵙⴻⴱⵜ, ⵜⴻⵙⵙⴰⴽⵉ-ⴷ ⵟⴰⵎ ⵙⴻⴳ ⵡⴰⵍⵍⴰⵍⴻⵏ-ⵉⵙ ⵓⵙⵙⵏⴰⵏⴻⵏ ⴰⴽⴽⴻⵏ ⴰⴷ ⵜⴻⵣⵔⴻⵡ ⵢⴻⴱⵟⴻⵔ, ⴳⵔⴰⵏ-ⴷ 35 ⵏⵏⵉⴹⴻⵏ ⴰⴷ ⵜⴻⵏ-ⵉⴷ-ⵜⴻⵙⵙⴰⴽⵉ ⴷⴻⴳ ⵜⵓⵖⴷⴰⴹⵜ-ⵉⵙ.

ⴰⵃⴱⵓ-ⴰ, ⵢⴻⵍⵍⴰⵏ ⴳⴰⵔ 4.200 ⴻⵜ 10.000 ⴽⵎ ⵏⵏⵉⴳ ⵓⵙⵉⴳⵏⴰ ⵏ ⵢⴻⴱⵟⴻⵔ, ⵇⴻⵔⴱⴻⵏ ⵏⴻⵣⵣⴻⵀ ⵎⴰ ⵏⵇⵓⵔⴻⵏ-ⵉⵜ ⵖⴻⵔ 43.000 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵜⴽⴰⴱⵙⵓⵏⵜ ⵜⴰⵎⴰⵔⵉⴽⴰⵏⵉⵜ ⵒⵉⵧⵏⴻⴻⵔ 11 ⵉ ⴷ-ⵜⴳⴰ ⴷⴻⴳ ⵓⵙⴻⴳⴳⴰⵙ ⵏ 1974.

ⵜⴻⴱⴷⴰ ⵊⵓⵏⵧ ⵜⵓⵣⵣⵢⴰ-ⴰⵙ ⵜⴰⵎⴻⵣⵡⴰⵔⵓⵜ, ⵉⴷⴻⴳ ⵜⴻⵇⵇⵉⵎ 53,5 ⵡⵓⵙⵙⴰⵏ, ⴷⴻⴳ ⵜⴰⵣⵡⴰⵔⴰ ⵏ ⵡⴰⵢⵢⵓⵔ ⵏ ⵢⵓⵍⵢⵓ. ⵙⴻⴳ ⵜⵓⴱⴻⵔ ⴷ ⴰⴼⴻⵍⵍⴰ, ⴰⴷ ⵙⴻⵔⵙ ⵉⵎⴰⵏ-ⵉⵙ ⵊⵓⵏⵧ ⴷⴻⴳ ⵢⵉⵡⴻⵏ ⵏ ⵓⵃⴱⵓ ⵏ 14 ⵡⵓⵙⵙⴰⵏ.

ⵜⵓⵖⴷⴰⴹⵜ ⵏ ⵊⵓⵏⵧ, ⵉ ⴷ-ⵢⴻⵜⵜⴻⵏⵇⴰⵎⴻⵏ 1,1 ⵏ ⵢⵉⵎⴻⵍⵢⴰⵔⴻⵏ ⵉⴷⵓⵍⴰⵔⴻⵏ ⵉ ⵛⴰⵔⴻⵏ ⴰⵙⵙ ⵏ 5 ⵖⵓⵛⵜ 2011, ⵜⴻⵜⵜⵏⴰⴷⵉ ⴰⴷ ⵜⵥⴻⵔ ⵎⴰ ⵢⴻⵍⵍⴰ ⵢⴻⵙⵄⴰ ⵓⵎⵜⵉⵡⴻⴳ ⵢⴻⴱⵟⴻⵔ ⵢⵉⵡⴻⵏ ⵏ ⵢⵉⵖⴻⵙ ⴰⵇⵓⵔⴰⵏ.

ⵉⵎⴰⵙⵙⴰⵏⴻⵏ ⵜⵜⵡⴰⵍⵉⵏ ⴷⴰⴽⴽⴻⵏ ⵢⴻⴱⵟⴻⵔ ⴷ ⵏⴻⵜⵜⴰ ⵉ ⴷ ⴰⵎⵜⵉⵡⴻⴳ ⴰⵎⴻⵣⵡⴰⵔⵓ ⵉ ⴷ-ⵉⵍⵓⵍⴻⵏ ⴷⴻⴳ ⵓⵏⴰⴳⵔⴰⵡ ⴰⴼⵓⴽⴰⵏ ⵎⴰⵛⴰ ⵓⵔ ⵥⵔⵉⵏ ⴰⵔⴰ ⴰⵎⴻⴽ.