Asebter amenzawi

Takabsunt Juno tɛedda ɣef yidis n umtiweg Yebṭer

WASHINGTN - Takabsunt Juno n tnegga tallunant tamarikanit tɛedda ass n ssebt ɣef yidis n umtiweg Yebṭer, d amtiweg ameqqran i yellan deg unagraw afukan, iswi n tkabsunt Juno d agzay-is.

Deg tuɣdaḍt n tkabsunt Juno, d aɛeddi ɣef Yebṭer iqerben ugar ɣef iɛeddiyen nniḍen, ad teqqim tettezzi ɣef umtiwen azal n snat temrawin n wayyuren, i d-tesseddi Nasa deg udeg-is n Internet.

Tekcem Juno s aḥbu n umtiweg Yebṭer ass n 4 yulyu seg tga yiwen n usikel n 5 n yiseggasen, sakin tufa-d iman-is ass n ssebt ɣef usrag wis 12 :51 GMT deg 4.200 n yikilumitren seg usigna n umtiweg.

D tikkelt tamezwarut i ngerreb annet-a, nwali agellid n unagraw afukan akked wamek iteddu’’, i d-yenna umazzay agejdan n JUNO, Scott Bolton, seg usadur Southwest Research deg tiɣremt n San Antonio (anẓul n uwanek n Texas), deg yiwen n welɣu n Nasa.

Taẓeyt n Juno sessaweḍ ɣer 3,6 n yiṭunen, tetteddu s yiwen n urured n 208.000 km/h. Mi tewweḍ Juno ass n ssebt, tessaki-d ṭam seg wallalen-is ussnanen akken ad tezrew Yebṭer, gran-d 35 nniḍen ad ten-id-tessaki deg Tuɣdaḍt-is.

Aḥbu-a, yellan gar 4.200 et 10.000 km nnig usigna n Yebṭer, qerben nezzeh ma nquren-it ɣer 43.000 n yikilumitren n tkabsunt tamarikanit Pioneer 11 i d-tga deg useggas n 1974.

Tebda Juno tuzzya-as tamezwarut, ideg teqqim 53,5 wussan, deg tazwara n wayyur n yulyu. Seg tuber d afella, ad sers iman-is Juno deg yiwen n uḥbu n 14 wussan.

Tuɣdaḍt n Juno, i d-yettenqamen 1,1 n yimelyaren idularen i caren ass n 5 ɣuct 2011, tettnadi ad tẓer ma yella yesɛa umtiweg Yebṭer yiwen n yiɣes aquran.

Imassanen ttwalin dakken Yebṭer d netta i d amtiweg amezwaru i d-ilulen deg unagraw afukan maca ur ẓrin ara amek.