Asebter amenzawi

Hudden kraḍ tnaffarin n yiremmaɣen akked lbumbat yettwaxedmen s ufus deg Clef akked Tizi Wezzu (aɣlif n Temḥaddit taɣelnawt)

LEZZAYER TAMANEɣT – Huddent tsensirin n Tredsa taɣelnawt taɣerfant, ass n ttlata deg Clef akked Tizi Wezzu, kraḍ (3) tnaffarin n yiremmaɣen, lbumbat yettwaxedmen s ufus akked yiwen n umrud, i d-yenna ass n larebɛa yiwen n welɣu n uɣlif n Temḥaddit taɣelnawt.

‘’Deg ukatar n umennuɣ mgal n yiremmaɣen, tisensirin n Tredsa taɣelnawt taɣerfant huddent ass n 30 ɣuct 2016, kraḍ (3) tnaffarin  n yiremmaɣen, yiwen (1) n umrud, kuẓ (4) n lbumbat yettwaxedmen s ufus akked yiwet (1) n lbumba n uciri, deg Clef akked Tizi Wezzu (Tamnaḍt taserdasant tamezwarut)’’, i d-sseddi uɣlif n Temḥaddit taɣelnawt.

Seg yidis nniḍen, deg ukatar n umennuɣ mgal tinnɣi tuddist, yiwet n tsensirt n Tredsa taɣelnawt taɣerfant, teṭṭef deg Lwad Wezzu (Tamnaḍt taserdasant tis 4), yiwen (1) n umsetti tekkes-as sin (2) n yikamyunen iɛebban 3.396 n tqerɛunin n tissit yemmeẓlen deg tsekkiwin’’, rnan yiferdisen n Temsetla taɣelnawt ‘’ṭṭfen sin (2) yemsettiyen deg Meɣniya (Tamnaḍt taserdasant tis 2), kksen-as 298 n ɛeqqacin n ddwa’’.