Asebter amenzawi

Taqbuct tafriqit n waɣlan-2017 (aɛaddi) Lezzayer : Benaser d Ferhani, sin imaynuten d usrirem muqqṛen

LEZZAYER TAMANAɣT – Sin imyurar imaynuten n teɣlamt taɣelnawt n tcirḍaṛt : Ismael Bennacer d Houari Ferhani, beggnen-d ass n ttlata "ummar-sen" mi llan ger wid yettufernen di terbaɛt-agi taɣelnawt, ɛezzmen d akken ad d-beggnen akk tizemmar-nsen akken ad ilin ger wid ara yettufernen i wurar ladɣa ma neẓeṛa belli aṭaṣ n wid yettwassnen ay yellan yakan.

"D lfeṛḥ amuqqṛan mi lliɣ dagi, ufiɣ iman-iw akken iwata ladɣa mi ɣ-d-fkan afus n tegmatt ladɣa lqebṭan Medjani, ger wid iyi-d-yemmuggren akken ilaq.

S lebɣi amuqqṛan ay ferneɣ ad urareɣ i terbaɛt n Lezzayer, d lebɣi n wul u ferḥeɣ s yess", id-iwekked i tnegga isallen n Lezzayer Bennaser, win yellan di teɣlamt n Arsenal (tamɣunt 1u n tcirḍaṛt n legliz).

Bennaser d Ferhani llan ger 23 n yemyuraren i yextaṛ aslaɣmay amaynut, aserbi Milovan Rajevac, di laɛḍil ad yurar timlilit taneggarut zdat n Lesotho ass n lḥedd d-iteddun di Leblida (20h30) deg wayen yerzan timlilit taneggarut n teqbuct tafriqit n waɣlan (tagrawt.J).