Asebter amenzawi

Aɣerbaz ur yelli d adeg n ’’uzegged n wawal’’ akked ‘’turart’’ tasertant

SƐIDA - Aɣerbaz ur yelli ara d adeg n ’’uzegged n wawal’’ akked ‘’turart’’ tasertant, i d-yenna ass n larebɛa deg Sɛida, uneɣlaf Amezwaru, Abdelmalek Sellal, yezzireg-d dakken timezgiwin n Uɣlan d nitenti i d ’’lsisan n uɣerbaz-nneɣ’’. Aɣerbaz ur yelli d adeg n uzegged n wawal akked turart tasertant’’, i d-yenna Mass Sellal i tɣamsa ɣer tama n tirzi n umahil deg twilayt n Sɛida. Nebɣa yiwen n uɣerbaz yeẓẓan deg Tinneslemt, Tiɛɛerbit akked Timmuzɣa iwehhan ɣer tetrara akked uswir afellan’’, i yerna yenna-d.

Teslalli Lezzayer s Tmenḍawt-is, i d-yenna Mass Sellal, ‘’tuttriwin yerzan tutlayt, asɣan (ddin) akked tmagit, seg umruj asertan akken ad tent-ssali s aswir afellan ussnan akked win n tkadimit anda i d-lhan yid-sent yimuzzag s tmuɣli tuɣdimt, tussnant i lfayda n tmurt akked tdukli n uɣref’’.

Yerna yenna-d, ‘’aɣerbaz ur yessefk ara ad yili d adeg n umennuɣ asnaktan’’, , yesmekti-d dakken aseggas yezrin, ‘’yekker ssuq ɣef tutlayt n uselmed, aseggas-a ɣef tussniwin tislamanin’’.