ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⴻⵔⵜ ⵏ ⵢⵉⵙⴻⵏⵜⴰⵍ ⴷⴻⴳ ⵍⴱⴰⴽ : ⵍⵍⴰⵏ 15 ⵏ ⵢⵉⵎⴷⴰⵏⴻⵏ ⵉⴷⴻⴳ ⵍⵍⴰⵏⵜ 3 ⵜⵓⵍⴰⵡⵉⵏ ⴷ ⵉⵎⴻⴷⵏⵓⴱⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ ⵜⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ ⵍⵍⴰⵏ 15 ⵏ ⵢⵉⵎⴷⴰⵏⴻⵏ ⵉⴷⴻⴳ ⵍⵍⴰⵏⵜ 3 ⵜⵓⵍⴰⵡⵉⵏ ⴷ ⵉⵎⴻⴷⵏⵓⴱⴻⵏ ⴷⴻⴳ ⵓⵡⴻⵥⵍⵓ ⵜⴽⴻⵔⴹⴰ ⵏ ⵢⵉⵙⴻⵏⵜⴰⵍ ⵏ ⵍⴱⴰⴽ.

ⴷⴻⴳ ⵢⵉⵡⴻⵏ ⵏ ⵓⵎⵢⵉⴳⴻⵔ ⴰⴽⴽⴻⴷ ⵢⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ, ⴷⴻⴳ ⵓⵏⴻⴽⵛⵓⵎ-ⴰ ⴰⵖⵓⵔⴱⵉⵣ ⵏ 2016-2017 ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵡⵡⵉ-ⴷ ⵜⵉⵍⵖⴰ ⵙⴻⴳ ⵓⵖⵍⵉⴼ ⵏ ⵜⴻⵖⴷⴻⵎⵜ ⵉ ⴷ-ⵢⴻⵏⵏⴰⵏ ⴷⴰⴽⴽⴻⵏ 16 ⵏ ⵢⵉⵎⴷⴰⵏⴻⵏ ⵉ ⵟⵟⴼⴻⵏ ⵜⵓⵟⵟⴼⴰ ⵏ ⵍⴻⵄⴹⵉⵍ, 15 ⵏ ⵢⵉⵎⴷⴰⵏⴻⵏ ⵉⴷⴻⴳ ⵍⵍⴰⵏⵜ 3 ⵜⵓⵍⴰⵡⵉⵏ ⴷ ⵉⵎⴻⴷⵏⵓⴱⴻⵏ ⴷⴻⴳ ⵓⵡⴻⵥⵍⵓ ⵏ ⵜⴽⴻⵔⴹⴰ ⵏ ⵢⵉⵙⴻⵏⵜⴰⵍ ⵏ ⵍⴱⴰⴽ.

ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏⵜ ⵜⴻⵍⵖⴰ ⵉ ⴷ-ⵢⴻⴽⴽⴰⵏ ⵙⴻⴳ ⵓⵖⵍⵉⴼ ⵏ ⵜⴻⵖⴷⴻⵎⵜ, ⴳⴰⵏ ⵜⵉⵙⴻⵙⵜⴰⵏⵉⵏ ⴷⴻⴳ 22 ⵜⵡⵉⵍⴰⵢⵉⵏ ⵓⴼⴰⵏ ⴽⴽⵉⵏ ⴷⴻⴳ-ⵙ 137 ⵏ ⵢⵉⵎⴷⴰⵏⴻⵏ ⵉⴷⴻⴳ ⵍⵍⴰⵏ 12 ⵏ ⵢⵉⵎⴰⴽⵜⴰⵔⴻⵏ ⴰⴽⴽⴻⴷ 77 ⵏ ⵢⵉⵎⵣⵉⵣⵡⵉⵔⴻⵏ, ⵉ ⴷ-ⵜⴻⵙⵙⴻⴳⵣⵉ ⵜⵏⴻⵖⵍⴰⴼⵜ ⵜⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵡⵉⴷ ⵢⴻⴽⴽⵉⵏ ⴰⴷ ⵜⴻⵏ-ⵜⵅⴻⵍⵍⴻⵚ ⵜⴻⵖⴷⴻⵎⵜ.