ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴻⵙⵙⴰⵀⴻⵍ: ⴰⴷⵉⵡⴻⵏⵏⵉ ⴰⴽⴽⴻⴷ ⵜⴻⴼⵔⵓⵜ ⴰⵙⴻⵔⵜⴰⵏ ⴰⵍⴰ ⴰⴱⵔⵉⴷ-ⴰ ⵉ ⵉⵣⴻⵎⵔⴻⵏ ⴰⴷ ⵢⴰⵡⵉ ⵜⴰⵍⵡⵉⵜ ⴷⴻⴳ ⵍⵉⴱⵢⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ - ⴰⴷⵉⵡⴻⵏⵏⵉ ⴰⴽⴽⴻⴷ ⵜⴻⴼⵔⵓⵜ ⵜⴰⵙⴻⵔⵜⴰⵏⵜ ‘’ⴰⵍⴰ ⴰⴱⵔⵉⴷ-ⴰ ⵉ ⵉⵣⴻⵎⵔⴻⵏ ⴰⴷ ⵢⴰⵡⵉ ⵜⴰⵍⵡⵉⵜ ⴰⴽⴽⴻⴷ ⵓⵔⴽⴰⴷ ⴷⴻⴳ ⵍⵉⴱⵢⴰ’’, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵏⴻⵖⵍⴰⴼ ⵢⴻⵜⵜⵡⴰⴽⴻⵍⴼⴻⵏ ⵙ ⵢⵉⵡⴻⵥⵍⴰ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵣⵣⵉⵔⴻⴳ-ⴷ ⵜⴰⵎⵍⵉⵍⵜ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ‘’ⵉ ⵢⴻⵙⵙⴻⴼⴽ ⴰⴷ ⵜⵜ-ⵢⵓⵔⴰⵔ ⵓⵏⴰⴱⴰⴹ ⴰⵍⵉⴱⵉ’’.

’ⴰⴷⵉⵡⴻⵏⵏⵉ ⴰⴽⴽⴻⴷ ⵜⴻⴼⵔⵓⵜ ⵜⴰⵙⴻⵔⵜⴰⵏⵜ ⴰⵍⴰ ⴰⴱⵔⵉⴷ-ⴰ ⵉ ⵉⵣⴻⵎⵔⴻⵏ ⴰⴷ ⵢⴰⵡⵉ ⵜⴰⵍⵡⵉⵜ ⴰⴽⴽⴻⴷ ⵓⵔⴽⴰⴷ ⴷⴻⴳ ⵍⵉⴱⵢⴰ’’ ⵉ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴰⵎⵙⴰ, ⴷⴻⴳ ⵓⵅⵅⴰⵎ ⵏ ⵓⵖⵍⵉⴼ ⵏ ⵢⵉⵡⴻⵥⵍⴰ ⵏ ⴱⴻⵔⵔⴰ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ, ⵉ ⵢⴻⵛⵔⴻⴽ ⴰⴽⴽⴻⴷ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵍⵉⴱⵢⴰ, ⵎⴰⵔⵜⵉⵏ ⴽⵧⴱⵍⴻⵔ.

ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ, ‘’ⵎⵉ ⴰⵔⴰ ⴷ-ⵏⴻⵎⵎⴻⵙⵍⴰⵢ ⵖⴻⴼ ⵓⴷⵉⵡⴻⵏⵏⵉ, ⵢⴻⵙⵙⴻⴼⴽ ⴰⴷ ⴰⴷ ⴽⴽⵉⵏ ⴰⴽⴽ ⵉⵙⴻⴳⴱⴰⵔⴻⵏ ⴰⵎⴰ ⵡⵉⴷ ⵢⴻⵍⵍⴰⵏ ⴷⴻⴳ ⵓⵎⵏⵉ ⵏⴻⵖ ⵡⵉⴷ ⵢⴻⵍⵍⴰⵏ ⴷⴻⴳ ⵓⵏⵏⴰⵔ’’.