Asebter amenzawi

Tullya n tesmilt tageraɣlant yerzan afud n tugdut deg yibeddi mgal tiṭṭuṛfa takeṛḍayant

LEZZAYER TAMANAɣT- Lecɣal n yiwet n tesmilt tageraɣlant takeṛḍayant yerzans "ibeddi n tugdut deg wudem n tiṭṭuṛfa takeṛḍayant akk d rrebrab", i tessuddes Lezzayer, bdan ass n laṛebɛa deg lbeṛj n yeɣlanen di Lezzayer tamanaɣt.

Tallit n beddu tella-d s uselwi n uneɣlaf n tɣawsiwin timaɣribiyin, n tdukkli tafriqit akk d ujerrid n yiwunak aɛṛaben, Abdelkader Messahel.

Timlilit-agi n sin n wussan "tella-d almend n wayen akk txeddem Lezzayer, ɣef laḥsab n wayen yellan di tzemmar-ines deg wayen yerzan amennuɣ mgal tiṭṭuṛfa takeṛḍayant akk d rrebrab", id-wekkden seg yidis n weɣlif n tɣawsiwin n wezɣaṛ, d usmekti belli timlilit-agi tella-d deg usurrif n temliliyin-nniḍen d-yettwaheggan daɣen sɣur Lezzayer yerzan tarmit tazzayrit deg usaɣḍel n rrebrab neɣ azal n internet akk d uẓeṭṭa anmettan deg umennuɣ d yibeddi deg udem n cyber-rrebrab.