Asebter amenzawi

Amennuɣ mgal Taremmiɣt : ‘’yeǧhed’’ umedhel gar Lezzayer akked Marikan (Malinowski)

LEZZAYER TAMANEɣT – Amaray anmazul n Uwanek amarikani i tugdut, izerfan n umdan akked umahil, Tom Malinowski, yenna-d ass n larebɛa deg tiɣremt n Lezzayer dakken ’’yeǧhed’’ umedhel gar Lezzayer akked Marikan deg wayen yerzan amennuɣ mgal taremmiɣt. wunak Yedduklen akked Lezzayer yesdukel-iten ucrak yellan gar-asen deg waṭas n tiɣula, rnu-d ula d amennuɣ mgal taremmiɣt ideg yeǧhed umedhel’’, i d-yenna Mass Malinowski i Tnegga n APS ɣer tama n yiwet n tnemselt tagraɣlant ɣef ‘’temlilt n tugdut deg tazert akked umennuɣ mgal taẓriɣeft tukriḍt akked tremmiɣt’’.

Ulac tamurt i izemren ad temneɣ, i yiman-is, akked waṭan-a n tremmiɣt war tallalt akked ucrak n tmura nniḍen’’, i d-yezzireg umasay amarikani, yerna yenna-d daɣen yefreḥ s beḍḍu n termit tamarikanit deg taɣult n umennuɣ mgal iremmaɣen akked ulmad seg termit ‘’ɣezzifen’’ n yizzayriyen.