ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵒⵉⵟⵔⵓⵍ : ⵜⵜⵔⴰⴵⵓⵏ ⴱⵧⵓⵜⴰⵔⴼⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⵓⵙⴽⵓ ⴰⴽⴽⴻⵏ ⴰⴷ ⵢⴻⵎⵛⴰⵡⴰⵔ ⴰⴽⴽⴻⴷ ⵓⵎⵜⵉⵍ-ⵉⵙ ⴰⵔⵓⵙⵉ
ⵎⵓⵙⴽⵓ – ⴰⵏⴻⵖⵍⴰⴼ ⵏ ⵜⴻⵥⵡⴻⵔ ⵏⵧⵓⵔⴻⴷⴷⵉⵏⴻ ⴱⵧⵓⵜⴰⵔⴼⴰ ⵍⴰ ⵜ-ⵜⵜⵔⴰⴵⵓⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⵓⵙⴽⵓ ⴰⵏⴷⴰ ⴰⵔⴰ ⵢⴻⵎⵛⴰⵡⴰⵔ ⴰⴽⴽⴻⴷ ⵓⵎⵜⵉⵍ-ⵉⵙ ⴰⵔⵓⵙⵉ ⴰⵍⴻⵅⴰⵏⴷⵔⴻ ⵏⵧⵠⴰⴽ ⵖⴻⴼ ⵓⵎⴻⴷⵀⴻⵍ ⵓⵛⵔⵉⴽ ⴷⴻⴳ ⵜⴰⵖⵓⵍⵜ ⵏ ⵜⴻⵥⵡⴻⵔⵜ ⴰⴽⴽⴻⴷ ⵍⵉⵃⴰⵍⴰ ⵏ ⵡⵓⵍⵣⵓⵣ (ⵙⵙⵓⵇ) ⵏ ⵓⵒⵉⵟⵔⵓⵍ.
ⵜⵉⵎⵍⵉⵍⵉⵜ ⴳⴰⵔ ⵙⵉⵏ ⵢⵉⵏⴻⵖⵍⴰⴼⴻⵏ, ⴰⴷ ⵜⵉⵍⵉ ⴰⵙⵙ ⵏ ⵍⴵⴻⵎⵄⴰ, ⴰⴷ ⵜⴻⵔⵣⵓ ⵉⵎⴰⵍ ⵏ ⵓⵎⴻⴷⵀⴻⵍ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵔⵔⵓⵙ ⴷⴻⴳ ⵜⴰⵖⵓⵍⵜ ⵏ ⵜⴻⵥⵡⴻⵔⵜ, ⵎⴰⵛⴰ ⴷⴰⵖⴻⵏ ⵓⵍⴰ ⴷ ⴰⵀⴻⵢⵢⵉ ⵏ ⵜⴻⵎⵍⵉⵍⵉⵜ ⵜⴰⵔⵓⵏⵚⵉⴱⵜ ⵏ ⵧⵒⴻⵒ ⴰⵔⴰ ⴷ-ⵢⴻⴹⵔⵓⵏ ⴰⵙⵙ 27 ⵛⵜⴻⵎⴱⴻⵔ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ.
ⵉ ⵙⵉⵏ ⵢⴻⵃⵔⵉⵛⴻⵏ ⵉⵍⴰⵇ ⴰⴷ ⴳⴻⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵉⴷⵉⴱⵍⵓⵎⴰⵙⵉⵢⵉⵏ, ⵜⴰⵙⵍⴻⴹⵜ ⵏ ⵍⵉⵃⴰⵍⴰ ⵏ ⵡⵓⵍⵣⵓⵣ (ⵙⵙⵓⵇ) ⴰⴳⵔⴰⵖⵍⴰⵏ ⵏ ⵓⵒⵉⵟⵔⵓⵍ ⴰⴽⴽⴻⴷ ⵓⵎⵛⵉⵡⴻⵔ ⵖⴻⴼ ⵡⴰⵎⴻⴽ ⴰⵔⴰ ⴷⴷⵓⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵜⵉⴼⵔⴰⵜ ⵉⵖⴻⴼ ⴰⵔⴰ ⴷ-ⵎⵎⴻⵣⴳⴻⵏⵜ ⴰⴽⴽ ⵜⵎⵓⵔⴰ ⵜⵉⵏⴼⴰⵔⴰⵙⵉⵏ, ⴰⵔⴰ ⵢⴻⵙⵙⵉⵡⴹⴻⵏ ⵙ ⴰⵔⴽⴰⴷ ⵏ ⵡⵓⵍⵣⵓⵣ ⵏ ⵓⵒⵉⵟⵔⵓⵍ ⴷⴻⴳ ⵢⵉⵡⴻⵏ ⵏ ⵓⵙⵡⵉⵔ ⵢⴻⵜⵜⵡⴰⵇⴱⴰⵍⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵣⴰⵍ-ⵉⵙ.
