Asebter amenzawi

Tacirfust / Taqbuct Tafriqit n Yiɣlanen (ddaw-21) : Asleɣmay Rabah Gherbi yezzaken-d umuɣ n 18, ulac Abdi

LEZZAYER TAMANEɣT – Asleɣmay n teɣlamt tazzayrit n tcirfust n ddaw 21 n yiseggasen (ddaw-21) Rabah Gherbi yezzaken-d umuɣ n 18 n yimcirfusen ara yekkin deg teɣlamt ara yuraren taqbuct Tafriqit n yiɣlanen n useggas 2016 ara d-yeḍrun deg Bamaku (Mali) seg wass n 11 ɣer 18 ctember.

Taɣlamt n GS Pétroliers seg-s i d-yeddem uga n yimariren, llan kuẓ (4) : Ghedbane Khelifa, Boudaoui Hichem, Hammad Merouane akked Djedid Yacine, teḍfer-itt-id teɣlamt n CRB Baraki s kraḍ (3) n yiferdisen : Damir Riadh, Hadj Sadok Tahar Yassine, akked Belkaid Othmane.

Ayen iɣeḍmen umuɣ-a d iba n yidis ayeffus Ayoub Abdi, ssufɣen-t imi ‘’ur iquder ara ilugan n teɣlamt’’, ɣef wakken i d-yenna uselway n Tfidiralit tazzayrit n tcirfust (FAHB), Saïd Bouamra.

Yiwen n umarir yuraren akked yimeqqranen deg teqbuct Tafriqit n yiɣlanen deg useggas n 2016 deg Lqahira sseddan-t-id deg teɣlamt n ddaw-21, d ɛessas n tcebbakt n teɣlamt GS Pétroliers Khelifa Ghedbane.

Bu wuṭṭun ‘’Sa aɣelnaw) ha-t-an tura deg tennant deg tiɣremt n Lezzayer, din ara yeqqim alamma d ass n larebɛa 9 ctember, azemz n usikel-is ɣer Bamaku.

Deg tallit-nsen n uheyyi, taɣlamt taɣelnawt ad texdem yiwet n tezrart n tannanin deg Lezzayer akked berra, amedya n Slovénie akked Hongrie, akked d wurar n ddeqs n temliliyin.

Umuɣ n yimariren n teɣlamt :

Ghedbane Khelifa, Boudaoui Hichem, Hammad Merouane, Djedid Yacine (GS Pétroliers), Damir Riadh, Hadj Sadok Tahar Yassine, Belkaid Othmane (CRB Baraki), Meklout Rafik, Benmessaoud Yacine (MAJD Blida), Naim Zoheir, Chebli Djaber (JSE Skikda), Djeghaba Nidhal (ES Ain Touta), Torchi Mohamed (CB Mila) Kouri Mokhtar (MC Saida), Hellal Nour Eddine (NRB Djemila), Fredj El Hadj Abderrahmane (O El Oued), Segueni Abderraouf (CR Bordj Bou Areridj), Hadj Sadaok Mustapha (HBC Ain Defla).