ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵜⴻⵅⵅⴰⵎⵉⵏ ⵏ ⵜⴽⴻⵔⵔⴰⵣⵜ ⵉ ⵓⵙⵙⴻⵍⵀⵓ ⵏ ⵓⵅⴻⴷⴷⵉⵎ ⵉ ⵓⵙⵙⴻⵜⵔⴻⵔ ⵏ ⵡⴻⵃⵔⵉⵛ-ⴰ
ⵍⴷⵣⴰⵢⴻⵔ – ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⴰⴱⴷⴻⵙⵙⵍⴰⵎ ⵛⵀⴻⵍⴳⵀⴰⵎ, ⴰⵙⵙ ⵏ ⵍⴻⵅⵎⵉⵙ, ⵜⵉⵖⵔⵉ ⵉ ⵜⴻⵅⵅⴰⵎⵉⵏ ⵏ ⵜⴽⴻⵔⵔⴰⵣⵜ ⴰⴽⴽⴻⵏ ⴰⴷ ⵙⵙⴻⵍⵀⵓⵏⵜ ⴰⵅⴻⴷⴷⵉⵎ-ⵏⵙⴻⵏⵜ ⵢⴻⵔⵏⵓ ⴰⴷ ⴱⴻⴷⴷⵍⴻⵏⵜ ⴽⵔⴰ ⵏ ⵍⵄⴻⵇⵍⴻⵢⵢⴰⵜ ⵉ ⵓⵇⴰⴱⴻⵍ ⵏ ⵢⴻⵛⵇⵉⵔⵔⵡⴻⵏ ⵉⵎⴻⵇⵔⴰⵏⴻⵏ ⴷ ⵢⵉⵡⴻⵄⵕⴰⵏⴻⵏ ⴰⵢ ⵜⴻⵜⵜⵎⴰⴳⴰⵔ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵉ ⵍⵎⴻⵏⴷ ⵏ ⵓⵙⵙⴻⵜⵔⴻⵔ ⵏ ⵜⴽⴻⵔⵔⴰⵣⵜ.
« ⵉⵛⵇⵉⵔⵔⵡⴻⵏ ⴰⵢ ⵍⴰ ⴰⵖ-ⵢⴻⵜⵜⵕⴰⵊⵓⵏ ⴷ ⵉⵅⴰⵜⴰⵔⴻⵏ ⵢⴻⵔⵏⵓ ⴷ ⵉⵎⴻⵥⴷⴰ (ⵎⵓⵄⴰⵇⵇⴰⴷⴰ), ⵢⴻⵔⵏⵓ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⵏⴻⴳ ⵓⴳⴰⵔ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴷⴻⴳ ⵡⴻⵏⵔⴰⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵛⵀⴻⵍⴳⵀⴰⵎ ⴷⴻⴳ ⵜⴳⴰⵔⴰ ⵏ ⵡⴻⴳⵔⴰⵡ ⴰⵎⴰⵜⵓ ⴰⵏⵓⵎⴰⵏ ⵏ ⵜⴻⵅⵅⴰⵎⵜ ⵜⴰⵖⴻⵍⵏⴰⵡⵜ ⵏ ⵜⴽⴻⵔⵔⴰⵣⵜ.
« ⵜⵉⵅⵅⴰⵎⵉⵏ ⵏ ⵜⴽⴻⵔⵔⴰⵣⵜ ⵓⵔ ⵢⴻⵙⵙⴻⴼⴽ ⴰⴷ ⵉⵍⵉⵏⵜ ⴷ ⵜⵉⴷⴻⴱⵍⵉⵏ ⴽⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ. « ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴻⴳⴱⵓⵔ ⴷ ⵍⵊⴻⵀⴷ ⵉ ⵜⵓⵖⴷⴰⴹⵉⵏ ⴷ ⵢⴻⵔⵎⵓⴷⴻⵏ ⵏ ⵜⴻⵅⵅⴰⵎⵉⵏ ⵏ ⵜⴽⴻⵔⵔⴰⵣⵜ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵉ ⵍⵎⴻⵏⴷ ⵏ ⵓⵙⵙⴻⵜⵔⴻⵔ ⵏ ⵡⴻⵃⵔⵉⵛ ⵏ ⵜⴽⴻⵔⵔⴰⵣⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⴳⵔⴰⵡ ⴰⵎⴰⵜⵓ ⴰⵏⵓⵎⴰⵏ ⵢⴻⵍⵍⴰ-ⴷ ⵉ ⵓⵇⴻⵢⵢⴻⵎ ⵏ ⵍⴻⵡⵚⴰⵢⴰ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴻⵅⵅⴰⵎⵜ ⵏ ⵜⴽⴻⵔⵔⴰⵣⵜ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵉ ⵜⴻⴼⵔⴰⵏⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵓⴱⴻⵕ ⵉ ⵓⵙⵙⵉⵏⴻⵢ (ⵜⴰⴵⴷⵉⴷ) ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⴷ ⵢⵉⵙⴻⵇⵇⵓⵎⴰ ⵉⴷⴻⴱⵍⴰⵏⴻⵏ ⵏ ⵜⴻⵅⵅⴰⵎⵉⵏ ⵏ ⵜⴽⴻⵔⵔⴰⵣⵜ ⵏ ⵢⴰⵍ ⵜⴰⵡⵉⵍⴰⵢⵜ.
