Asebter amenzawi
Tiɣri i texxamin n tkerrazt i usselhu n uxeddim i ussetrer n weḥric-a
LDZAYER – Iger-d uneɣlaf n tkerrazt, Abdesslam Chelgham, ass n lexmis, tiɣri i texxamin n tkerrazt akken ad sselhunt axeddim-nsent yernu ad beddlent kra n lɛeqleyyat i uqabel n yecqirrwen imeqranen d yiweɛṛanen ay tettmagar tdamsa taɣelnawt i lmend n ussetrer n tkerrazt.
« Icqirrwen ay la aɣ-yettṛajun d ixataren yernu d imeẓda (muɛaqqada), yernu ɣef waya ay yessefk ad neg ugar n wussisen (maǧhudat) deg wenrar-a », ɣef wakken ay d-yenna Mass Chelgham deg tgara n wegraw amatu anuman n texxamt taɣelnawt n tkerrazt.
« Tixxamin n tkerrazt ur yessefk ad ilint d tideblin kan », ɣef wakken ay d-iwekked. « Yessefk ad yettunefk wegbur d ljehd i tuɣdaḍin d yermuden n texxamin n tkerrazt akken ad d-ilint i lmend n ussetrer n weḥric n tkerrazt », ɣef wakken ay d-yenna.
Agraw amatu anuman yella-d i uqeyyem n lewṣaya n useqqamu n tedbelt n texxamt n tkerrazt i lmend n ussewjed i tefranin ay d-yetteddun ara d-yilin deg Tubeṛ i ussiney (taǧdid) n yimaslaḍen n useqqamu n tedbelt d yiseqquma ideblanen n texxamin n tkerrazt n yal tawilayt.
