ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⵡⴰⴹ ⵏ ⵍⴻⵙⵍⴰⵃⴰⵜ ⵉⴽⵔⵓⵔⴰⵏⴻⵏ ⵉⵏⴻⴳⴳⵓⵔⴰ ⵏ ⵍⵉⴱⵢⴰ ⵖⴻⵔ ⵍⴰⵍⵎⴰⵏ ⴰⴽⴽⴻⵏ ⴰⴷ ⵜⴻⵏ-ⵙⴼⴻⵙⵅⴻⵏ

ⵍⴰ ⵀⴰⵢⴻ – ⵜⴻⵡⵡⴻⴹ ⵜⵜⴻⵄⴱⴻⵢⵢⴰ ⵜⴰⵏⴻⴳⴳⴰⵔⵓⵜ ⵏ ⵢⵉⴼⴰⵔⵉⵙⴻⵏ (ⵎⴰⵡⴰⴷ) ⵉⵍⵉⴱⵉⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵚⴻⵍⵃⴻⵏ ⵉ ⵡⴻⵅⴷⴰⵎ ⵏ ⵍⴻⵙⵍⴰⵃⴰⵜ ⵉⴽⵔⵓⵔⴰⵏⴻⵏ (ⴽⵉⵎⵢⴰⵡⵉⵢⵢⴰ) ⵖⴻⵔ ⵍⴰⵍⵎⴰⵏ ⴰⵏⴷⴰ ⴰⵔⴰ ⵜⴻⵏ-ⵙⴼⴻⵙⵅⴻⵏ, ⴷⴻⴼⴼⵉⵔ ⵎⴰ ⵢⴻⵙⵙⴰⵡⴻⴹ-ⵉⵜⴻⵏ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⴰⵢ ⵉⵇⴻⵍⵄⴻⵏ ⵙⴻⴳ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵜⵓⴷⴷⵙⴰ ⵏ ⵡⴻⴳⴷⴰⵍ ⵏ ⵢⴻⵎⵔⵉⴳⴻⵏ ⵉⴽⵔⵓⵔⴰⵏⴻⵏ.

« ⵢⴻⵍⵍⴰ-ⴷ ⵓⵙⵓⵔⵉⴼ ⴰⵎⴻⵇⵔⴰⵏ ⵏⵉⴹⴻⵏ ⴷⴻⴳ ⵜⵓⴽⴽⵙⴰ ⵏ ⵢⵉⴼⴻⵔⴷⵉⵙⴻⵏ ⴰⵢ ⴷ-ⵢⴻⴳⴳⵔⴰⵏ » ⴰⵢ ⵉⵣⴻⵎⵔⴻⵏ ⴰⴷ ⵚⴻⵍⵃⴻⵏ ⴷⴻⴳ ⵡⴻⵅⴷⴰⵎ ⵏ ⵢⴻⵎⵔⵉⴳⴻⵏ (ⴰⵙⵍⵉⵃⴰ) ⵉⴽⵔⵓⵔⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵀⵎⴻⵜ ⵓⵣⵓⵎⵛⵓ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵓⴷⴷⵙⴰ-ⴰ ⵜⴰⴳⵔⴰⵖⵍⴰⵏⵜ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

ⵍⵄⵓⵍⴰ-ⴰ 23 ⵏ ⵍⵅⴻⵣⵏⴰⵜ ⵏ ⵢⵉⴼⴰⵔⵉⵙⴻⵏ ⵉⴽⵔⵓⵔⴰⵏⴻⵏ ⵢⴻⵙⵙⴰⵡⴻⴹ-ⵉⵜⵜ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⴰⴷⴰⵏⵎⴰⵕⴽⵉ ⴰⵢ ⵉⵇⴻⵍⵄⴻⵏ ⴰⵙⵙ ⵏ 30 Ɣⵓⵛⵜ ⵙⴻⴳ ⵓⵙⴰⴳⴻⵏ (ⵎⵉⵏⴰ’) ⵏ ⵎⴻⵙⵔⴰⵟⴰ ⴰⵢ ⴷ-ⵢⵓⵙⴰⵏ 200 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⴳⵎⵓⴹ (ⵛⴰⵔⵇ) ⵏ ⵟⵔⴰⴱⵍⴻⵙ, ⵢⴻⵔⵏⵓ ⵢⴻⵍⵍⴰ-ⴷ ⵓⵙⵙⵉⵡⴻⴹ-ⴰ ⴷⴷⴰⵡ ⵓⵙⵉⴳⴳⵉ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⵛⵛⵖⴻⵍ-ⴰ ⴰⵢⴷⴻⴳ ⵜⵜⴻⴽⴽⴰⵏⵜ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⵢⴻⵍⵍⴰ-ⴷ ⵙ ⵕⵕⴰⵢ ⵏ ⴷⴰⵏⵎⴰⵕⴽ.

ⵍⵍⴰⵏ ⵏⴰⵇⴰⵍ ⵢⵉⴼⴰⵔⵉⵙⴻⵏ-ⴰ ⵔⵙⴻⵏ ⴷⴻⴳ ⵢⵉⵡⴻⵏ ⵏ ⵍⵎⴻⵅⵣⴻⵏ ⴰⵢ ⴷ-ⵢⵓⵙⴰⵏ 200 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⵏⵥⵓⵍ ⵏ ⵙⵉⵔⵜ, ⴰⵢⴷⴻⴳ ⵍⴰ ⴷ-ⵢⴻⵜⵜⵉⵍⵉ ⵢⵉⵎⴻⵏⵖⵉ ⴳⴰⵔ ⵢⵉⵖⴰⵍⵍⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵍⵉⴱⵢⴰ ⴷ ⵜⴻⴳⵔⴰⵡⵜ ⵜⴰⵔⴻⵎⵎⴰⵖⵜ (ⵉⵔⵀⴰⴱⵉⵢⵢⴰ) ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ).

ⵉⴼⴰⵔⵉⵙⴻⵏ ⵉⴽⵔⵓⵔⴰⵏⴻⵏ ⵉⵏⴻⴳⴳⵓⵔⴰ « ⵡⵡⴹⴻⵏ ⵡⴰⵔ ⵓⴳⵓⵔ ⵢⴻⵔⵏⵓ ⴷⴻⴳ ⵜⵖⴻⵍⵍⵉⵙⵜ (ⴰⵎⴰⵏ) ⵖⴻⵔ ⵢⵉⵡⴻⵜ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵢⴻⵎⵎⵓⵣⵣⴳⴻⵏ ⴷⴻⴳ ⵓⵙⵙⴻⴼⵙⴻⵅ-ⵏⵙⴻⵏ ⴷⴻⴳ ⵎⵓⵏⵙⵜⴻⵔ (ⵏⵉⴻⴷⴻⵔⵙⴰⵛⵀⵙⴻⵏ, ⴷⴻⴳ ⵓⴳⴰⴼⴰ ⵏ ⵍⴰⵍⵎⴰⵏ), » ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⵓⵣⵓⵎⵛⵓ.