ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵜⴰⵡⴰ ⵏ ⵜⴽⴻⵔⵔⴰⵣⵜ ⴳⴰⵔ ⵜⴷⵓⴽⵍⵉ ⵜⴰⵢⵓⵔⵉⴱⵉⵜ ⴰⴽⴽⴻⴷ ⵎⴻⵔⵔⵓⴽ ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵜ-ⵏⴻⵙⵙⴻⴷⴷⵓ ⴷⴻⴳ ⵚⵚⴻⵃⵔⴰ ⵜⵓⵜⵔⵉⵎⵜ ⴰⵛⴽⵓ ⵓⵔ ⵜⴻⵍⵍⴰ ⴰⵔⴰ ⴷⴻⴳ ⵡⴰⴽⴰⵍ ⵏ ⵎⴻⵔⵔⵓⴽ
ⴱⵔⵓⵅⴻⵍⵍⴻⵙ – ⴰⴱⵓⴳⴰⵟⵓ ⴰⵎⴰⵜⵓ ⵏ ⵜⵙⴻⵏⴱⴻⵔⵜ ⵏ ⵜⴻⵖⴷⴻⵎⵜ ⵏ ⵜⴷⵓⴽⵍⵉ ⵜⴰⵢⵓⵔⵓⴱⵉⵜ (ⵛⵊⵓⴻ) ⵎⴻⵍⵛⵀⵉⵧⵔ ⵡⴰⵜⵀⴻⵍⴻⵜ ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴰⴽⴽⴻⵏ ⴰⵎⵜⴰⵡⴰ ⵏ ⵜⴽⴻⵔⵔⴰⵣⵜ ⴳⴰⵔ ⵜⴷⵓⴽⵍⵉ ⵜⴰⵢⵓⵔⵉⴱⵉⵜ ⴰⴽⴽⴻⴷ ⵎⴻⵔⵔⵓⴽ ⵖⴻⴼ ⵓⵎⴱⵉⴷⴷⴻⵍ ⴰⵍⴻⵍⵍⴰⵎ ⵏ ⵢⵉⴼⴰⵔⵉⵙⴻⵏ ⵏ ⵜⴽⴻⵔⵔⴰⵣⵜ ⴰⴽⴽⴻⴷ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵢⴻⵙⵙⴻⴷⴷⵓ ⴷⴻⴳ ⵚⵚⴻⵃⵔⴰ ⵜⵓⵜⵔⵉⵎⵜ ⴰⵛⴽⵓ ‘’ⵓⵔ ⵜⴻⵍⵍⴰ ⴰⵔⴰ ⴷⴻⴳ ⵡⴰⴽⴰⵍ ⵏ ⵎⴻⵔⵔⵓⴽ’’.
ⵚⵚⴻⵃⵔⴰ ⵜⵓⵜⵔⵉⵎⵜ ⵓⵔ ⵜⴻⵍⵍⴰ ⴰⵔⴰ ⴷⴻⴳ ⵡⴰⴽⴰⵍ ⵏ ⵎⴻⵔⵔⵓⴽ, ⵎⴰⵞⵞⵉ ⴷ ⴰⵢⴰ ⵉ ⵜⵡⴰⵍⴰ ⵜⵙⴻⵏⴱⴻⵔⵜ, ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⵙⵙⴻⴷⴷⵓ ⴰⵎⴰ ⴷ ⴰⵎⵜⴰⵡⴰ ⵓⵛⵔⵉⴽ ⴳⴰⵔ ⵜⴷⵓⴽⵍⵉ ⵜⴰⵢⵓⵔⵉⴱⵉⵜ ⴰⴽⴽⴻⴷ ⵎⴻⵔⵔⵓⴽ ⵏⴻⵖ ⴰⵎⵜⴰⵡⴰ ⴰⵍⴻⵍⵍⴰⵎ’’, ⴰⴽⴽⴰ ⵉ ⴷ-ⵢⵓⵔⴰ ⴷⴻⴳ ⵜⴰⴳⴳⴰⵔⴰ ⴰⵙⵙ ⵏ ⵜⵜⵍⴰⵜⴰ.
ⴷⴻⴳ ⵢⵉⵡⴻⵍⵍⵉⵀⴻⵏ-ⵉⵙ ⵉ ⵜⵙⴻⵏⴱⴻⵔⵜ ⴰⵔⴰ ⵜⵜ-ⵉⴳⴻⵣⵎⴻⵏ ⴷⴻⴳ ⵔⵔⴰⵢ ⵙⵢⴰ ⴷ ⴰⴼⴻⵍⵍⴰ, ⴰⴱⵓⴳⴰⵟⵓ ⴰⵎⴰⵜⵓ ⵏ ⵛⵊⵓⴻ ⵢⴻⵣⵣⵉⵔⴻⴳ-ⴷ ⴷⴰⴽⴽⴻⵏ ⴰⵎⴰ ⵜⴷⵓⴽⵍⵉ ⵜⴰⵢⵓⵔⵓⴱⵉⵜ ⵏⴻⵖ ⵉⵡⵓⵏⴰⴽ ⵢⴻⵍⵍⴰⵏ ⴷⴰⵅⴻⵍ, ⵓⵍⴰⵛ ⵡⵉⵏ ⵢⴻⵙⵟⴻⵄⴻⵔⴼⴻⵏ ⵙ ⵜⵏⴰⵢⴰ ⵏ ⵎⴻⵔⵔⵓⴽ ⵖⴻⴼ ⵚⵚⴻⵃⵔⴰ ⵜⵓⵜⵔⵉⵎⵜ, ⴷ ⵜⴰⵎⵓⵔⵜ ⵢⴻⵔⵙⴻⵏ ⵙⴻⴳ ⵓⵙⴻⴳⴳⴰⵙ ⵏ 1963 ⴷⴰⴽⴽⴻⵏ ⴷ ⴰⵎⴹⵉⵇ ⵓⵔ ⵏⴻⵍⵍⵉ ⴷ ⴰⴼⵓⵍⵎⴰⵏ.
