Asebter amenzawi

Messahel ad yexdem di New York aṭaṣ n temliliyin ɣer yidis n tedwilt tis 71 n tseqqamutt tamatut n l'ONU

LEZZAYER TAMANAɣT – Aneɣlaf n tɣawsiwin timaɣribiyin, n tdukkli tafriqit akk d ujerrid n yiwunak aɛṛab, Abdelkader Messahel, ad yettekki, ɣer yidis n tedwilt tis 71 n tseqqamutt tamatut n Tuddsa n yeɣlanen yeddukklen di lecɣal unejmuɛ n temlilit mgal rrebrab, anda Lezzayer tella ger tmura d-yesbedden askasi-yagi, id-iwekked ass n ljemɛa yiwen n wulɣu n weɣlif n tɣawsiwin n wezɣaṛ.

Lawan n unejmuɛ-agi, Mas Messahel ad d-iqeddem ladɣa, iwellihen n wesqerdec d-yellan di Lezzayer, id-tenna teɣbalut-agi.

Askasi ageraɣlan amezwaru, id-yellan di Lezzayer tamanaɣt ussan n 27 d 28 yebrir 2016, yemmeslayen ɣef wazal n internet d uẓeṭṭa anmettan deg usaḥbiber d ibeddi mgal tacyber tarebrabit, ma d askasi wissin, yettwasuddsen ussan n 7 d 8 ctamber 2016, yerza asqerdec-ines "azal n tugdut deg usaḥbiber d ibeddi mgal tiṭṭuṛfa tamkeṛḍant akk d rrebrab".