ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴻⵙⵙⴰⵀⴻⵍ ⴰⴷ ⵢⴻⵅⴷⴻⵎ ⴷⵉ ⵏⴻⵡ ⵢⵧⵔⴽ ⴰⵟⴰⵚ ⵏ ⵜⴻⵎⵍⵉⵍⵉⵢⵉⵏ ⵖⴻⵔ ⵢⵉⴷⵉⵙ ⵏ ⵜⴻⴷⵡⵉⵍⵜ ⵜⵉⵙ 71 ⵏ ⵜⵙⴻⵇⵇⴰⵎⵓⵜⵜ ⵜⴰⵎⴰⵜⵓⵜ ⵏ ⵍ'ⵧⵏⵓ

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⵏ ⵢⵉⵡⵓⵏⴰⴽ ⴰⵄⵕⴰⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⴷ ⵢⴻⵜⵜⴻⴽⴽⵉ, ⵖⴻⵔ ⵢⵉⴷⵉⵙ ⵏ ⵜⴻⴷⵡⵉⵍⵜ ⵜⵉⵙ 71 ⵏ ⵜⵙⴻⵇⵇⴰⵎⵓⵜⵜ ⵜⴰⵎⴰⵜⵓⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⵉ ⵍⴻⵛⵖⴰⵍ ⵓⵏⴻⵊⵎⵓⵄ ⵏ ⵜⴻⵎⵍⵉⵍⵉⵜ ⵎⴳⴰⵍ ⵔⵔⴻⴱⵔⴰⴱ, ⴰⵏⴷⴰ ⵍⴻⵣⵣⴰⵢⴻⵔ ⵜⴻⵍⵍⴰ ⴳⴻⵔ ⵜⵎⵓⵔⴰ ⴷ-ⵢⴻⵙⴱⴻⴷⴷⴻⵏ ⴰⵙⴽⴰⵙⵉ-ⵢⴰⴳⵉ, ⵉⴷ-ⵉⵡⴻⴽⴽⴻⴷ ⴰⵙⵙ ⵏ ⵍⵊⴻⵎⵄⴰ ⵢⵉⵡⴻⵏ ⵏ ⵡⵓⵍⵖⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ.

ⵍⴰⵡⴰⵏ ⵏ ⵓⵏⴻⵊⵎⵓⵄ-ⴰⴳⵉ, ⵎⴰⵙ ⵎⴻⵙⵙⴰⵀⴻⵍ ⴰⴷ ⴷ-ⵉⵇⴻⴷⴷⴻⵎ ⵍⴰⴷⵖⴰ, ⵉⵡⴻⵍⵍⵉⵀⴻⵏ ⵏ ⵡⴻⵙⵇⴻⵔⴷⴻⵛ ⴷ-ⵢⴻⵍⵍⴰⵏ ⴷⵉ ⵍⴻⵣⵣⴰⵢⴻⵔ, ⵉⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰⴳⵉ.

ⴰⵙⴽⴰⵙⵉ ⴰⴳⴻⵔⴰⵖⵍⴰⵏ ⴰⵎⴻⵣⵡⴰⵔⵓ, ⵉⴷ-ⵢⴻⵍⵍⴰⵏ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⵙⵙⴰⵏ ⵏ 27 ⴷ 28 ⵢⴻⴱⵔⵉⵔ 2016, ⵢⴻⵎⵎⴻⵙⵍⴰⵢⴻⵏ ⵖⴻⴼ ⵡⴰⵣⴰⵍ ⵏ ⵉⵏⵜⴻⵔⵏⴻⵜ ⴷ ⵓⵥⴻⵟⵟⴰ ⴰⵏⵎⴻⵜⵜⴰⵏ ⴷⴻⴳ ⵓⵙⴰⵃⴱⵉⴱⴻⵔ ⴷ ⵉⴱⴻⴷⴷⵉ ⵎⴳⴰⵍ ⵜⴰⵛⵢⴱⴻⵔ ⵜⴰⵔⴻⴱⵔⴰⴱⵉⵜ, ⵎⴰ ⴷ ⴰⵙⴽⴰⵙⵉ ⵡⵉⵙⵙⵉⵏ, ⵢⴻⵜⵜⵡⴰⵙⵓⴷⴷⵙⴻⵏ ⵓⵙⵙⴰⵏ ⵏ 7 ⴷ 8 ⵛⵜⴰⵎⴱⴻⵔ 2016, ⵢⴻⵔⵣⴰ ⴰⵙⵇⴻⵔⴷⴻⵛ-ⵉⵏⴻⵙ "ⴰⵣⴰⵍ ⵏ ⵜⵓⴳⴷⵓⵜ ⴷⴻⴳ ⵓⵙⴰⵃⴱⵉⴱⴻⵔ ⴷ ⵉⴱⴻⴷⴷⵉ ⵎⴳⴰⵍ ⵜⵉⵟⵟⵓⵕⴼⴰ ⵜⴰⵎⴽⴻⵕⴹⴰⵏⵜ ⴰⴽⴽ ⴷ ⵔⵔⴻⴱⵔⴰⴱ".