Asebter amenzawi

Tamguri n tuččit: iniɣman d zzit n uzemmur n Lezzayer frurin-d deg tmesrit n Musku

MUSKU– Frurin-d yifarisen (mantuǧat) n tuččit idzayriyen deg tmesrit (ṣalun) n « World Food Moscow » (12-15 Ctembeṛ), yernu jebden-d lwelha n yecriken iwerdaniyen, dɣa d aya ay d-yettakfen assirem akken ad sɛun yifarisen-a azekka yelhan deg ssuq arusi.

Zik, ala d tini n Deglet Nuṛ ay d lɣella tadzayrit ay yettwassnen deg Rrus, maca aseggas-a, ufan-d yinerzafen daɣ iniɣman n Ayt Meɛɛuc (Bgayet) d zzit n uzemmur n udawi n Sig.

Iniɣman n Ayt Meɛɛuc rsen-d dlen s ccikula deg tenkulin n 200 n yegṛamen i yiwet, yernu d aya ay d-ijebden lwelha n yinerzafen. « Irusiyen d yemttekkiyen iwerdaniyen niḍen usan-d ad ɛerḍen afaris-a n ugama », ɣef wakken ay aɣ-d-yenna Fares Alem, asefrak n « Naamet Bladi » ay d-yewwin daɣ yid-s, menɣir iniɣman, ccikula n uxerrub.

« Nessefhem-asen-d i yinerzafen azalen n tuččit ay sɛan yiniɣman d usseqdec-nsen deg udawi n waṭas n waḍḍanen. D aya ay d-ijebden ugar lwelha-nsen ɣer ufaris-a », ɣef wakken ay d-yenna.

Afaris niḍen ay yewwin cciɛa deg tmesrit-a d zzit n udawi n Sig. « Azemmur n Sig d lɣella ay sfulluḥen deg unezwi (manax) ameẓyan n temnaḍt n Messerɣin yernu ẓẓaden-tt-id war ma rran-as ifarisen ikruranen (kimyawiyya). Ala zzit-nni n tidet ay yettnuzun deg tqerɛunin », ɣef wakken ay d-yenna Said Bekhtaoui, agensas n SARL Acide Olmed d uselway n Tiddukla Taɣelnawt i Wesnefli n Wesfulleḥ n Uzemmur.