ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴳⵓⵔⵉ ⵏ ⵜⵓⵞⵞⵉⵜ: ⵉⵏⵉⵖⵎⴰⵏ ⴷ ⵣⵣⵉⵜ ⵏ ⵓⵣⴻⵎⵎⵓⵔ ⵏ ⵍⴻⵣⵣⴰⵢⴻⵔ ⴼⵔⵓⵔⵉⵏ-ⴷ ⴷⴻⴳ ⵜⵎⴻⵙⵔⵉⵜ ⵏ ⵎⵓⵙⴽⵓ
ⵎⵓⵙⴽⵓ– ⴼⵔⵓⵔⵉⵏ-ⴷ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵏ ⵜⵓⵞⵞⵉⵜ ⵉⴷⵣⴰⵢⵔⵉⵢⴻⵏ ⴷⴻⴳ ⵜⵎⴻⵙⵔⵉⵜ (ⵚⴰⵍⵓⵏ) ⵏ « ⵡⵧⵔⵍⴷ ⴼⵧⵧⴷ ⵎⵧⵙⵛⵧⵡ » (12-15 ⵛⵜⴻⵎⴱⴻⵕ), ⵢⴻⵔⵏⵓ ⵊⴻⴱⴷⴻⵏ-ⴷ ⵍⵡⴻⵍⵀⴰ ⵏ ⵢⴻⵛⵔⵉⴽⴻⵏ ⵉⵡⴻⵔⴷⴰⵏⵉⵢⴻⵏ, ⴷⵖⴰ ⴷ ⴰⵢⴰ ⴰⵢ ⴷ-ⵢⴻⵜⵜⴰⴽⴼⴻⵏ ⴰⵙⵙⵉⵔⴻⵎ ⴰⴽⴽⴻⵏ ⴰⴷ ⵙⵄⵓⵏ ⵢⵉⴼⴰⵔⵉⵙⴻⵏ-ⴰ ⴰⵣⴻⴽⴽⴰ ⵢⴻⵍⵀⴰⵏ ⴷⴻⴳ ⵙⵙⵓⵇ ⴰⵔⵓⵙⵉ.
ⵣⵉⴽ, ⴰⵍⴰ ⴷ ⵜⵉⵏⵉ ⵏ ⴷⴻⴳⵍⴻⵜ ⵏⵓⵕ ⴰⵢ ⴷ ⵍⵖⴻⵍⵍⴰ ⵜⴰⴷⵣⴰⵢⵔⵉⵜ ⴰⵢ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵔⵔⵓⵙ, ⵎⴰⵛⴰ ⴰⵙⴻⴳⴳⴰⵙ-ⴰ, ⵓⴼⴰⵏ-ⴷ ⵢⵉⵏⴻⵔⵣⴰⴼⴻⵏ ⴷⴰⵖ ⵉⵏⵉⵖⵎⴰⵏ ⵏ ⴰⵢⵜ ⵎⴻⵄⵄⵓⵛ (ⴱⴳⴰⵢⴻⵜ) ⴷ ⵣⵣⵉⵜ ⵏ ⵓⵣⴻⵎⵎⵓⵔ ⵏ ⵓⴷⴰⵡⵉ ⵏ ⵙⵉⴳ.
ⵉⵏⵉⵖⵎⴰⵏ ⵏ ⴰⵢⵜ ⵎⴻⵄⵄⵓⵛ ⵔⵙⴻⵏ-ⴷ ⴷⵍⴻⵏ ⵙ ⵛⵛⵉⴽⵓⵍⴰ ⴷⴻⴳ ⵜⴻⵏⴽⵓⵍⵉⵏ ⵏ 200 ⵏ ⵢⴻⴳⵕⴰⵎⴻⵏ ⵉ ⵢⵉⵡⴻⵜ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵉⵊⴻⴱⴷⴻⵏ ⵍⵡⴻⵍⵀⴰ ⵏ ⵢⵉⵏⴻⵔⵣⴰⴼⴻⵏ. « ⵉⵔⵓⵙⵉⵢⴻⵏ ⴷ ⵢⴻⵎⵜⵜⴻⴽⴽⵉⵢⴻⵏ ⵉⵡⴻⵔⴷⴰⵏⵉⵢⴻⵏ ⵏⵉⴹⴻⵏ ⵓⵙⴰⵏ-ⴷ ⴰⴷ ⵄⴻⵔⴹⴻⵏ ⴰⴼⴰⵔⵉⵙ-ⴰ ⵏ ⵓⴳⴰⵎⴰ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⴼⴰⵔⴻⵙ ⴰⵍⴻⵎ, ⴰⵙⴻⴼⵔⴰⴽ ⵏ « ⵏⴰⴰⵎⴻⵜ ⴱⵍⴰⴷⵉ » ⴰⵢ ⴷ-ⵢⴻⵡⵡⵉⵏ ⴷⴰⵖ ⵢⵉⴷ-ⵙ, ⵎⴻⵏⵖⵉⵔ ⵉⵏⵉⵖⵎⴰⵏ, ⵛⵛⵉⴽⵓⵍⴰ ⵏ ⵓⵅⴻⵔⵔⵓⴱ.
« ⵏⴻⵙⵙⴻⴼⵀⴻⵎ-ⴰⵙⴻⵏ-ⴷ ⵉ ⵢⵉⵏⴻⵔⵣⴰⴼⴻⵏ ⴰⵣⴰⵍⴻⵏ ⵏ ⵜⵓⵞⵞⵉⵜ ⴰⵢ ⵙⵄⴰⵏ ⵢⵉⵏⵉⵖⵎⴰⵏ ⴷ ⵓⵙⵙⴻⵇⴷⴻⵛ-ⵏⵙⴻⵏ ⴷⴻⴳ ⵓⴷⴰⵡⵉ ⵏ ⵡⴰⵟⴰⵙ ⵏ ⵡⴰⴹⴹⴰⵏⴻⵏ. ⴷ ⴰⵢⴰ ⴰⵢ ⴷ-ⵉⵊⴻⴱⴷⴻⵏ ⵓⴳⴰⵔ ⵍⵡⴻⵍⵀⴰ-ⵏⵙⴻⵏ ⵖⴻⵔ ⵓⴼⴰⵔⵉⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⴼⴰⵔⵉⵙ ⵏⵉⴹⴻⵏ ⴰⵢ ⵢⴻⵡⵡⵉⵏ ⵛⵛⵉⵄⴰ ⴷⴻⴳ ⵜⵎⴻⵙⵔⵉⵜ-ⴰ ⴷ ⵣⵣⵉⵜ ⵏ ⵓⴷⴰⵡⵉ ⵏ ⵙⵉⴳ. « ⴰⵣⴻⵎⵎⵓⵔ ⵏ ⵙⵉⴳ ⴷ ⵍⵖⴻⵍⵍⴰ ⴰⵢ ⵙⴼⵓⵍⵍⵓⵃⴻⵏ ⴷⴻⴳ ⵓⵏⴻⵣⵡⵉ (ⵎⴰⵏⴰⵅ) ⴰⵎⴻⵥⵢⴰⵏ ⵏ ⵜⴻⵎⵏⴰⴹⵜ ⵏ ⵎⴻⵙⵙⴻⵔⵖⵉⵏ ⵢⴻⵔⵏⵓ ⵥⵥⴰⴷⴻⵏ-ⵜⵜ-ⵉⴷ ⵡⴰⵔ ⵎⴰ ⵔⵔⴰⵏ-ⴰⵙ ⵉⴼⴰⵔⵉⵙⴻⵏ ⵉⴽⵔⵓⵔⴰⵏⴻⵏ (ⴽⵉⵎⵢⴰⵡⵉⵢⵢⴰ). ⴰⵍⴰ ⵣⵣⵉⵜ-ⵏⵏⵉ ⵏ ⵜⵉⴷⴻⵜ ⴰⵢ ⵢⴻⵜⵜⵏⵓⵣⵓⵏ ⴷⴻⴳ ⵜⵇⴻⵔⵄⵓⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴰⵉⴷ ⴱⴻⴽⵀⵜⴰⵧⵓⵉ, ⴰⴳⴻⵏⵙⴰⵙ ⵏ ⵙⴰⵔⵍ ⴰⵛⵉⴷⴻ ⵧⵍⵎⴻⴷ ⴷ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵉ ⵡⴻⵙⵏⴻⴼⵍⵉ ⵏ ⵡⴻⵙⴼⵓⵍⵍⴻⵃ ⵏ ⵓⵣⴻⵎⵎⵓⵔ.
