Asebter amenzawi
Asemmi n yinemhalen imaynuten deg wacḥal n yisalayen iɣelnawen (aɣlif)
LEZZAYER TAMANEɣT – Acḥal n yinemhalen ay d-yettwasemman, ass n lexmis, akken ad sferken isalayen (mataḥif) inagduden, ɣef wakken ay d-ixebber yiwen n welɣu (bayan) n weɣlif.
Iḥuza ubeddel-a 13 n yisalayen deg Lezzayer Tamaneɣt, Qsenṭina d Sḍif gar tiyaḍ, am wakken ay iḥuza Ammas n Tẓuriyin d Yedles n Leqṣer n Ṛṛeyyas (Bastion 23).
S waya, d Zahir Harichene ay yuɣalen d anemhal n Usalay Anagdud Aɣelnaw n Bardo (Lezzayer Tamaneɣt), Rabah Drif d anemhal n Usalay n Nasr-Eddine-Dinet n Msila, ma d Samir Dendane yettwasemma-d d anemhal amaynu n Usalay Anagdud Aɣelnaw n Wedlal d Wextatas n Lezzayer deg wemkan n Mustapha Benkahla.
Seg yidis niḍen, Meriem Bouabdellah ters d timkelleft s ussefrek n Usalay Anagdud Aɣelnaw n Tẓuri Tatrart d Tmirant n Lezzayer (Mama) deg wemkan n Mohamed Djehiche, ma d Chadia Ben Khardfallah, ay yellan d tanemhalt n Usalay n Tẓuriyin d Tenfaliyin Tidelsanin n Qsenṭina, tuɣal d tanemhalt n Usalay Anagdud Aɣelnaw n Sḍif.
Seg yidis niḍen, tettwasemma-d Hadja Boukhames d timkelleft s ussefrek n Usalay Anagdud Aɣelnaw n Wegles deg wemkan n Houria Cherrid, ma d Boualem Belacheb, anemhal aqbur n Usalay n Tẓuriyin d Yensayen Iɣerfanen n Lemdeyya yuɣal d anemhal n Wammas n Tẓuriyin d Yedles n Leqṣer n Ṛṛeyyas deg wemkan n Azzedine Antri.
