ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵖⵉⵍⵉⵣⴰⵏ: ⴰⵔⵥⴰⵎ ⵏ 16 ⵏ ⵜⵏⴻⵖⵔⵉⵢⵉⵏ ⵉ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ

ⵖⵉⵍⵉⵣⴰⵏ- 16 ⵏ ⵜⵏⴻⵖⵔⵉⵢⵉⵏ (ⴰⵇⵙⴰⵎ) ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴰⵢ ⵢⴻⵜⵜⵡⴰⵔⴻⵥⵎⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵏ ⵜⵡⵉⵍⴰⵢⵜ ⵏ Ɣⵉⵍⵉⵣⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⴻⵎⴽⴻⵍⵍⴻⴼ ⵙ ⵓⵙⵙⴻⵍⵖⵓ (ⵉⵄⵍⴰⵎ) ⴷⴻⴳ ⵜⵎⴻⵀⵍⴰ ⵏ ⵓⵙⵙⴻⴳⵎⵉ.

ⵜⵜⵡⴰⵔⴻⵥⵎⴻⵏⵜ ⵜⵏⴻⵖⵔⵉⵢⵉⵏ-ⴰ ⵉ ⵍⵎⴻⵏⴷ ⵏ ⵡⵓⵖⴰⵍ ⵖⴻⵔ ⵓⵖⴻⵔⴱⴰⵣ, ⵢⴻⵔⵏⵓ 500 ⵏ ⵢⵉⴱⴰⵍⵎⵓⴷⴻⵏ ⴰⵔⴰ ⵉⵍⴻⵎⴷⴻⵏ ⴷⴻⴳ-ⵙⴻⵏⵜ ⵜⴰⵎⴰⵣⵉⵖⵜ ⴷⴻⴳ ⵜⵖⵉⵡⴰⵏⵉⵏ ⵏ ⵄⴻⵎⵎⵉ ⵎⵓⵙⴰ, ⵃⵎⴰⴷⵏⴰ, ⵙⵉⴷⵉ ⵎⵃⴻⵎⵎⴻⴷ ⴱⴻⵏⴻⵄⵍⵉ ⴷ ⵖⵉⵍⵉⵣⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⵀⴰⴼⵉⴷ ⵙⴰⴰⴷⵉ.

ⴰⴷ ⵜⴻⵜⵜⵡⴰⵙⵙⴻⵍⵎⴻⴷ ⵜⵎⴰⵣⵉⵖⵜ ⴷⴻⴳ ⵜⵏⴻⵖⵔⵉⵢⵉⵏ-ⴰ ⵉ ⵢⵉⴱⴰⵍⵎⵓⴷⴻⵏ ⵏ ⵢⵉⵙⴻⴳⴳⴰⵙⴻⵏ ⵡⵉⵙ 3 ⴷ ⵡⵉⵙ 4 ⵏ ⵡⴻⵙⵡⵉⵔ ⴰⵎⴻⵏⵣⵓ, 4 ⵏ ⵜⵙⴰⵄⵜⵉⵏ ⵉ ⴷⴷⵓⵕⵜ. 4 ⵏ ⵢⵉⵙⴻⵍⵎⴰⴷⴻⵏ ⴰⵔⴰ ⴷ-ⵢⴻⵍⵀⵓⵏ ⵙ ⵓⵙⵙⴻⵍⵎⴻⴷ-ⵏⵙⴻⵏ.

ⴰⵔⵥⴰⵎ ⵏ ⵜⵏⴻⵖⵔⵉⵢⵉⵏ-ⴰ ⵢⴻⵍⵍⴰ-ⴷ ⴷⴻⴼⴼⵉⵔ ⵍⴻⵡⵚⴰⵢⴰⵜ ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⵢ ⴷ-ⵉⵛⴻⵔⴹⴻⵏ ⵙⴻⴳ ⵢⵉⵏⴻⵎⵀⴰⵍⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵡⴻⵙⵡⵉⵔ ⴰⵍⴻⵎⵎⴰⵙ ⴷ ⵡⴻⵙⵏⴰⵡⴰⵏ ⴰⴷ ⴷ-ⵃⴻⵙⴱⴻⵏ ⵉⴱⴰⵍⵎⵓⴷⴻⵏ ⴰⵢ ⵢⴻⴱⵖⴰⵏ ⴰⴷ ⵍⴻⵎⴷⴻⵏ ⵜⴰⵎⴰⵣⵉⵖⵜ ⵓⵇⴱⴻⵍ ⵎⴰ ⵔⴻⵥⵎⴻⵏ ⵜⵉⵏⴻⵖⵔⵉⵢⵉⵏ, ⴷ ⴰⵛⵓ ⴽⴰⵏ, ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵉⵏ ⵢⴻⵇⵇⴱⴻⵏ ⴷⴰⵖ ⵖⴻⵔ ⵓⵙⵙⵓⵜⴻⵔ ⵏ ⵢⵉⵎⴰⵡⵍⴰⵏ ⵏ ⵢⵉⴱⴰⵍⵎⵓⴷⴻⵏ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵙⴰⴰⴷⵉ ⴷⴰⴽⴽⴻⵏ ⵜⴰⵎⴻⵀⵍⴰ ⵏ ⵓⵙⵙⴻⴳⵎⵉ ⵜⴻⵜⵜⴻⵎⵄⴰⵡⴰⵏ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⴰⴽⴽⴻⵏ ⴰⴷ ⴷ-ⵜⴰⴼ ⵉⵙⴻⵍⵎⴰⴷⴻⵏ ⴰⵔⴰ ⵢⴻⵙⵍⴻⵎⴷⴻⵏ ⵜⵓⵜⵍⴰⵢⵜ-ⴰ ⴷⴻⴳ ⵣⴻⵎⵎⵓⵔⴰ ⴷ ⵎⴰⵣⵓⵏⴰ.