Asebter amenzawi

Yermes Sellal amaray amatu n Tuddsa n tmura n usnirem n upiṭrul (OPEP)

LEZZAYER TAMANEɣT – Yermes uneɣlaf Amezwaru, Abdelmalek Sellal, ass n lḥedd deg tiɣremt n Lezzayer amaray amatu n Tuddsa n tmura n usnirem n upiṭrul (OPEP), Mohammed Barkindo, i d-yenna yiwedn n welɣu n yiweẓla n uneɣlaf Amezwaru.

Tessaweḍ temlilit ‘’akken ad bedren tuttriwin icudden ɣer liḥala ideg yella wulzuz n upiṭrul almend n temlilit ur nelli d tunṣibt n Tuddsa n tmura n usnirem n upiṭrul (OPEP) deg tmaneɣt n Lezzayer’’, i d-tesseddi teɣbalut-nni, terna tenna-d dakken ‘’mmeslayen ɣef wallalen i d-heyyan akken ad tenǧeḥ temlilit-a yesɛan azal ameqqran akken ad nessiweḍ s aserked n wulzuz akked uzal n upiṭrul.

Yeḍra-d udiwenni s tihawt n uneɣlaf n Teẓwert, Noureddine Boutarfa.