ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⴰⵙⴽⴰ ⵏ ⵕⵕⴰⵢ ⵎⴰⵣⴰⵍ ⵙⵙⴻⴼⵔⴰⵢⴻⵏ ⴰⴷ ⴷ-ⵜⵉⵍⵉ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ (ⴰⵏⴻⵖⵍⴰⴼ)
ⵙⵉⴷⵉ ⴱⴻⵍⵄⴻⴱⴱⴰⵙ – ⵜⴰⴼⴰⵙⴽⴰ ⵏ ⵕⵕⴰⵢ ⵎⴰⵣⴰⵍ ⵙⵙⴻⴼⵔⴰⵢⴻⵏ ⴰⴷ ⴷ-ⵜⵉⵍⵉ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⵢⴻⵔⵏⵓ ⴰⴷ ⵜ-ⴳⴻⵏ ⴷⴻⴳ ⵓⵣⴻⵎⵣ (ⵜⴰⵔⵉⵅ) ⴰⵔⴰ ⴷ-ⵢⴻⵙⵙⴻⴼⵔⵓ ⵓⵙⴻⵇⵇⴰⵎⵓ ⴰⵎⴰⵢⵏⵓ ⴰⵢ ⴷ-ⵢⴻⵍⵀⴰⵏ ⵙ ⵜⴼⴰⵙⴽⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⴷⵢⴰⵏⵜ-ⴰ ⵜⴰⴷⴻⵍⵙⴰⵏⵜ ⵢⴻⵙⵄⴰⵏ ⴰⵣⴰⵍ ⴰⴷ ⵜⵜ-ⵉⵄⴰⵡⴻⵏ ⵡⴻⵖⵍⵉⴼ-ⵏⵏⴻⵙ.
ⵎⵉ ⵉⴳⴰ ⴰⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⵣⵍⵉⵜ ⵏ ⵕⵕⴰⵢ ⴷ ⴰⵃⵔⵉⵛ ⵙⴻⴳ ⵜⴳⴻⵎⵎⵉ ⵏ ⵜⴻⵎⵏⴰⴹⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵢⴻⵔⵙ ⵓⴽⴰⵔⴰⵎ (ⵎⵉⵍⴰⴼ) ⵖⴻⵔ ⵓⵏⴻⵙⵛⵧ ⵉ ⵓⵚⴻⵏⵏⴻⴼ ⵏ ⵓⵥⴰⵡⴰⵏ-ⴰ ⴷ ⵜⴰⵥⵓⵔⵉ ⵜⴰⴷⵣⴰⵢⵔⵉⵜ ⵜⴰⵖⴻⵔⴼⴰⵏⵜ ⴷⴻⴳ ⵓⴽⴰⵜⴰⵔ ⵏ ⵜⵙⵓⴷⴷⴻⵙⵜ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴷⵣⴰⵢⵔⵉ ⵉ ⵡⴻⵃⵔⴰⵣ ⵏ ⵜⴳⴻⵎⵎⵉ-ⵏⵏⴻⵙ ».
« ⴰⵇⵍ-ⴰⵖ ⴷⴻⴳ ⵜⴰⵍⵍⵉⵜ ⴰⵢⴷⴻⴳ ⵍⴰ ⵏⴻⵙⵙⴻⵏⵇⴰⵙ ⵜⵉⴼⴰⵙⴽⵉⵡⵉⵏ ⵏ ⵚⵚⴻⵏⴼ-ⴰ ⴰⵢ ⴷ-ⵢⴻⵜⵜⵓⵖⴰⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⴷⴰⴽⴽⴻⵏ ⵢⴻⵍⵀⴰ ⴰⴷ ⴷ-ⵉⵍⵉⵏⵜ ⵜⴼⴰⵙⴽⵉⵡⵉⵏ ⴰⵎ ⵜⵉ ⵙ ⵏⵏⵓⴱⴰ ⴷⴻⴳ ⵓⴽⴰⵜⴰⵔ ⵏ ⵓⵄⴰⵡⴻⴷ ⵏ ⵓⵙⵙⴻⵎⵚⴻⴽ ⵏ ⵜⴻⴷⵔⵉⵎⵜ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵢⴻⵣⵎⴰⵣ-ⵏⵙⴻⵏ, ⴰⵎⴹⴰⵏ ⵏ ⵢⴻⵎⵜⵜⴻⴽⴽⵉⵢⴻⵏ ⵢⴻⵔⵏⵓ ⴰⴷ ⵢⴻⵜⵜⵡⴰⵡⴻⴽⴽⴻⵍ ⵓⵙⵙⵓⴷⴷⴻⵙ-ⵏⵙⴻⵏ ⵉ ⵢⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⵢⴻⵎⵎⵓⵣⵣⴳⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵣⴳⵓⵏ, ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⴰⵎⴻⵣⴳⵓⵏ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⴰⵢ ⵢⴻⵣⴳⴰⵏ ⵢⴻⵙⵄⴻⴷⴷⴰⵢ-ⴷ ⵜⵉⵎⴻⵣⴳⵓⵏⵉⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵄⴷⴰⵕ ⴰⵢ ⴷ-ⵉⵇⴻⴷⴷⵎⴻⵏ ⵉⵅⴻⴷⴷⵉⵎⴻⵏ ⵏ ⵓⵎⴻⵣⴳⵓⵏ ⵙ ⵜⵓⵜⵍⴰⵢⵜ ⵉⵛⴻⴱⵃⴻⵏ. « ⵜⴰ ⴷ ⵜⵜⴻⵊⵕⵉⴱⴰ ⵉ ⵢⵉⵎⴰⵏ-ⵏⵏⴻⵙ ⵢⴻⵔⵏⵓ ⵜⴻⵔⵔⴰ-ⴷ ⴰⵣⴰⵍ ⵉ ⵜⴻⵏⴹⴰ (ⵜⴰⵏⴰⵡⵡⵓⵄ) ⵏ ⵜⵓⵔⴰⵔⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵃⵡⴰⵊ ⵡⴰⵢⴰ ⵍⴻⵎⵄⴰⵡⵏⴰ ⴷ ⵓⵙⵙⴻⴱⵖⴻⵙ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵢⴻⵃⴷⴻⵕ ⴷⴰⵖ ⵎⴰⵙⵙ ⴰⵣⵣⴻⴷⴷⵉⵏⴻ ⵎⵉⵀⵧⵓⴱⵉ, ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⵉ ⵜⵎⴻⵣⴳⵓⵏⵜ ⵏ « ⴻⵍ-ⵎⴰⵍⵉⴽ ⵧⵓⴷⵉⴱ » (ⴰⴳⴻⵍⵍⵉⴷ ⵧⴻⴷⵉⵒⵓⵙ) ⵏ ⵜⵧⵓⴼⵉⴽ ⵀⴰⴽⵉⵎ, ⴷ ⵜⵉⵏ ⴰⵢ ⴷ-ⵇⴻⴷⴷⵎⴻⵏ ⵢⵉⵏⴰⵥⵓⵔⴻⵏ ⵉⵎⴻⵄⴷⴰⵕ.
