Asebter amenzawi

Tafaska n ṛṛay mazal ssefrayen ad d-tili deg Sidi Belɛebbas (aneɣlaf)

SIDI BELƐEBBAS – Tafaska n ṛṛay mazal ssefrayen ad d-tili deg Sidi Belɛebbas, yernu ad t-gen deg uzemz (tarix) ara d-yessefru useqqamu amaynu ay d-yelhan s tfaska-a, ɣef wakken ay d-yenna ass n lḥedd deg Sidi Belɛebbas uneɣlaf n yedles, Azzedine Mihoubi, am wakken ay d-yenna dakken tadyant-a tadelsant yesɛan azal ad tt-iɛawen weɣlif-nnes.

Mi iga asarag n tɣemsa deg yijifeṛ n terzi-nnes ɣef twilayt-a, yenna-d uneɣlaf dakken tizlit n ṛṛay d aḥric seg tgemmi n temnaḍt-a, am wakken ay d-yerna dakken « yers ukaram (milaf) ɣer UNESCO i uṣennef n uẓawan-a d taẓuri tadzayrit taɣerfant deg ukatar n tsuddest n uwanak (dawla) adzayri i weḥraz n tgemmi-nnes ».

« Aql-aɣ deg tallit aydeg la nessenqas tifaskiwin n ṣṣenf-a ay d-yettuɣalen », ɣef wakken ay d-yenna, am wakken ay d-yessefhem dakken yelha ad d-ilint tfaskiwin am ti s nnuba deg ukatar n uɛawed n ussemṣek n tedrimt n tmurt, am wakken ay yessefk ad d-yili uɛawed n tmuɣli deg yezmaz-nsen, amḍan n yemttekkiyen yernu ad yettwawekkel ussuddes-nsen i yisaduranen (muḥtarifin) yemmuzzgen.

Deg wayen yerzan amezgun, yeckeṛ-d uneɣlaf amezgun n Sidi Belɛebbas ay yezgan yesɛedday-d timezgunin, ladɣa deg wayen yerzan imeɛdaṛ ay d-iqeddmen ixeddimen n umezgun s tutlayt icebḥen. « Ta d ttejṛiba i yiman-nnes yernu terra-d azal i tenḍa (tanawwuɛ) n turart, am wakken ay yeḥwaj waya lemɛawna d ussebɣes-nneɣ », ɣef wakken ay d-yenna uneɣlaf.

Yeḥdeṛ daɣ Mass Azzeddine Mihoubi, deg umezgun amnaḍan n Sidi Belɛebbas, i tmezgunt n « El-Malik Oudib » (Agellid Oedipus) n Toufik Hakim, d tin ay d-qeddmen yinaẓuren imeɛdaṛ.