ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵜⴰⵡⴰ ⵏ ⵍⴻⵣⵣⴰⵢⴻⵔ ⵖⴻⴼ ⵎⴰⵍⵉ, ⵢⴻⴽⴽⴰ-ⴷ ⵙⴻⴳ ⵜⵓⵇⵇⵏⴰ ‘’ⵉⵏⴻⴵⵃⴻⵏ’’ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⴼⵔⴰⵏⵙⴰ (ⴱⴻⵏⵙⴰⵍⴰⵀ)

ⵒⴰⵔⵉⵙ – ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵒⴰⵔⵉⵙ ⴷⴰⴽⴽⴻⵏ ⴰⵎⵜⴰⵡⴰ ⵏ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ ⵉ ⵜⴻⵍⵡⵉⵜ ⴰⴽⴽⴻⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴷ ⴰⴳⵎⵓⴹ ⵏ ⵜⵓⵇⵇⵏⴰ ‘’ⵉⵏⴻⴵⵃⴻⵏ’’ ⵏ ⵡⵓⵙⵙⵉⵙⴻⵏ ⵏ ⵍⴻⵣⵣⴰⵢⴻⵔ ⴰⴽⴽⴻⴷ ⴼⵔⴰⵏⵙⴰ

‘’ⴰⵎⵜⴰⵡⴰ ⵏ ⵜⵍⵡⵉⵜ ⴰⴽⴽⴻⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⵉ ⴷ-ⵢⴻⴽⴽⴰⵏ ⵙⴻⴳ ⵓⴽⴰⵍⴰ ⵉ ⴷ-ⵢⴻⴹⵔⴰ ⴷⴻⴳ ⵜⵉⵖⵔⴻⵎⵜ ⵏ ⵍⴻⵣⵣⴰⵢⴻⵔ, ⴷ ⵜⵜⴱⵓⵜ, ⴷ ⴰⴳⵎⵓⴹ ⵏ ⵓⵎⴰⵀⵉⵍ ⵓⵛⵔⵉⴽ ⵉⵏⴻⴵⵃⴻⵏ ⵏ ⵡⵓⵙⵙⵉⵙⴻⵏ ⵏ ⵙⵉⵏ-ⴰ ⵏ ⵢⵉⵏⴰⴱⴰⴹⴻⵏ ⴰⴽⴽⴻⴷ ⵡⴰⴽⴽ ⵜⵓⵎⵓⵔⴰ ⵏ ⵓⵎⴰⴹⴰⵍ’’, ⵉ ⴷ-ⵢⴻⵏⵏⴰ, ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵏ ⵓⵍⴳⴰⵢ ⵏ ⵓⵎⵢⵉⴳⴻⵔ ⴰⵣⵣⵉⵔⵉ-ⴰⴼⵔⴰⵏⵙⵉ ⵏ ⵓⵙⵡⵉⵔ ⵓⵏⵏⵉⴳ ⴳⴰⵔ ⵓⵙⵇⴰⵎⵓ ⴰⵖⴻⵍⵏⴰⵡ ⴰⴽⴽⴻⴷ ⵜⴻⵅⵅⴰⵎⵜ ⵜⵉⵙ ⵙⵏⴰⵜ ⵏ ⴼⵔⴰⵏⵙⴰ.

ⵢⴻⵙⵙⴻⴷⴷⵉ-ⴷ ⴷⴰⴽⴽⴻⵏ ⴰⵎⵜⴰⵡⴰ-ⴰ ‘’ⵢⴻⵔⵙ ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ, ⴰⵇⴰⴷⴻⵔ ⵏ ⵡⴰⴽⴰⵍ, ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⴽⴽⴻⴷ ⵏ ⵜⴻⵍⵖⴰ ⵜⴰⵍⴰⴽⴰⵏⵜ ⴰⴽⴽⴻⴷ ⵜⴻⴳⴷⵓⴷⴰⵏⵜ ⵏ ⵎⴰⵍⵉ, ⵎⴰⵛⴰ ⴷⴰⵖⴻⵏ ⴰⵙⴻⴹⵔⵓ ⵢⵉⵙⵓⵜⵔⴻⵏ ⵏ ⵢⵉⵎⴻⵣⴷⴰⵖ ⵏ ⵓⴳⴰⴼⴰ’’.