Asebter amenzawi

Amtawa n Lezzayer ɣef Mali, yekka-d seg tuqqna ‘’ineǧḥen’’ gar Lezzayer akked Fransa (Bensalah)

PARIS – Aselway n Usqamu n uɣlan, Abdelkader Bensalah, yenna-d ass n letniyen deg Paris dakken Amtawa n tiɣremt n Lezzayer i telwit akked umsuɣal deg Mali d agmuḍ n tuqqna ‘’ineǧḥen’’ n wussisen n Lezzayer akked Fransa

‘’Amtawa n tlwit akked umsuɣal deg Mali, i d-yekkan seg ukala i d-yeḍra deg tiɣremt n Lezzayer, d ttbut, d agmuḍ n umahil ucrik ineǧḥen n wussisen n sin-a n yinabaḍen akked wakk tumura n umaḍal’’, i d-yenna, deg yiwen n yinaw n ulgay n umyiger azziri-afransi n uswir unnig gar Usqamu aɣelnaw akked Texxamt tis snat n fransa.

Yesseddi-d dakken amtawa-a ‘’yers deg yiwet n tmuɣli n umsuɣal aɣelnaw, aqader n wakal, n tdukli taɣelnawt akked n telɣa talakant akked tegdudant n Mali, maca daɣen aseḍru yisutren n yimezdaɣ n ugafa’’.