ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵃⵉⴵ ⵏ 2016: ⵓⵖⴰⵍ ⵏ ⵜⴻⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵢⴻⵎⵃⵓⴵⴵⴻⵏ ⵖⴻⵔ ⵓⵏⴰⴼⴰⴳ ⵏ ⵇⵙⴻⵏⵟⵉⵏⴰ
ⵇⵙⴻⵏⵟⵉⵏⴰ– ⵜⴻⵡⵡⴻⴹ-ⴷ ⵜⴻⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ 378 ⵏ ⵢⴻⵎⵃⵓⴵⴵⴻⵏ ⴷⴻⴳ ⵢⵉⴹ ⵏ ⵍⵃⴻⴷⴷ ⴷ ⵍⴻⵜⵏⵉⵢⴻⵏ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ ⵏ ⵇⵙⴻⵏⵟⵉⵏⴰ, ⴷⴻⴼⴼⵉⵔ ⵎⴰ ⴼⵓⴽⴻⵏ ⵍⵃⵉⴵⴵ-ⵏⵙⴻⵏ ⴷⴻⴳ ⵢⵉⵎⵓⴽⴰⵏ ⵉⵇⴻⴷⵙⴻⵏ ⵏ ⵍⵉⵙⵍⴰⵎ.
ⵎⵉ ⴷ-ⵡⵡⴹⴻⵏ ⵖⴻⵔ ⵓⵏⴰⴼⴰⴳ, ⵎⵎⵓⴳⴳⵔⴻⵏ-ⵜⴻⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ ⴰⵎⵎⴰⴳⴻⵔ ⵢⴻⵍⵀⴰⵏ, ⵢⴻⵔⵏⵓ ⵃⴻⴷⵕⴻⵏ ⴷⵉⵏ ⵢⵉⴳⴻⵏⵙⴰⵙⴻⵏ ⵏ ⵜⵎⴻⵀⵍⴰ ⵏ ⵜⵖⴰⵡⵙⵉⵡⵉⵏ, ⴰⵎ ⵡⴰⴽⴽⴻⵏ ⴰⵢ ⵙⵙⴰⴼⴻⵙⵙⴻⵏ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵏ ⵜⴻⴷⵡⴰⵏⵜ ⵉⵙⴻⴽⴽⵉⵔⴻⵏ (ⵉⴵⵔⴰ’ⴰⵜ) ⵏ ⵓⵙⵙⴻⴼⵇⴻⴷ ⵏ ⵍⴻⴽⵡⴰⵖⴻⴹ.
ⵜⴻⴷⴷⴻⵎ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵜⵍⵉⵙⴰ ⵉⵃⴻⵣⵣⵉⴱⴻⵏ ⵓⵣⵣⵉⴳⴻⵏ ⵉ ⵓⵙⵙⵉⴼⵙⴻⵙ ⵏ ⵓⵎⵎⴰⴳⴻⵔ ⵏ ⵢⴻⵎⵃⵓⴵⴵⴻⵏ. ⵙ ⵡⴰⵢⴰ, ⵔⴻⵥⵎⴻⵏ ⵉⴳⵏⵉⵔⴻⵏ (ⴰⵔⵡⵉⵇⴰ) ⴰⴽⴽⴻⵏ ⴰⴷ ⴽⴽⴻⵏ ⵙⴻⴳ-ⵙⴻⵏ ⵢⴻⵎⵖⴰⵔⴻⵏ, ⵉⵎⵓⴹⵉⵏⴻⵏ ⴷ ⵢⴻⵎⴷⴰⵏⴻⵏ ⴰⵢ ⵢⴻⵃⵡⴰⵊⴻⵏ ⵍⴻⵎⵄⴰⵡⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.
ⴳⴰⵔ ⵡⵉⴷ ⴰⵢ ⴷ-ⵢⴻⴷⴷⴰⵏ ⴷⴻⴳ ⵜⴻⴳⵔⴰⵡⵜ-ⴰ, ⵍⵍⴰⵏ ⵢⴻⵎⵃⵓⴵⴵⴻⵏ ⵙⴻⴳ ⵙⴹⵉⴼ, ⵜⵉⵅⴻⵏⵛⴻⵍⵜ, ⵜⴰⴱⴰⵜⴻⵏⵜ ⴷ ⵇⵙⴻⵏⵟⵉⵏⴰ.
17 ⵏ ⵡⴰⴼⴼⵓⴳⴻⵏ ⴰⵢ ⵙⵙⴰⵀⵍⴻⵏ (ⴱⵓⵔⵎⵉⴵⴰⵜ) ⴰⴽⴽⴻⵏ ⴰⴷ ⴷ-ⵙⵙⵉⵡⴹⴻⵏ ⵉⵎⵃⵓⴵⴵⴻⵏ ⵖⴻⵔ ⵓⵏⴰⴼⴰⴳ ⵏ ⵇⵙⴻⵏⵟⵉⵏⴰ. ⴰⴼⴼⵓⴳⴻⵏ-ⴰ ⴰⴷ ⵜⴻⵏ-ⵜⴻⴹⵎⴻⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ ⴰⵉⵔ ⴰⵍⴳⴻⵔⵉⴻ ⴷ ⴽⵔⴰ ⵏ ⵜⴻⵕⵎⵉⵙⵉⵏ ⵜⵉⵡⴻⵔⴷⴰⵏⵉⵢⵉⵏ.
