ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵜⴷⴰⵡⵙⴰ ⴰⴷ ⴷ-ⵢⴻⵙⵙⵓⴽⴽ ⴼⴻⵍⵍ-ⴰⵙ ⵜⵉⵟ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ (ⴰⵏⴻⵖⵍⴰⴼ)
ⵜⴰⴱⴰⵜⴻⵏⵜ – ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵜⴷⴰⵡⵙⴰ (ⵚⵉⵃⵃⴰ) ⴰⴷ ⴷ-ⵢⴻⵙⵙⵓⴽⴽ ⴼⴻⵍⵍ-ⴰⵙ ⵜⵉⵟ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⴱⴰⵜⴻⵏⵜ, ⵓⵏⴻⵖⵍⴰⴼ ⵏ ⵜⴷⴰⵡⵙⴰ, ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ.
« ⴷ ⵜⴰ ⴰⵢ ⴷ ⵜⴰⵙⴻⵎⵎⴻⵙⴽⴻⵍⵜ (ⵉⵚⵍⴰⵃ) ⵏ ⵜⴷⴰⵡⵙⴰ ⵜⴰⵀⵔⴰⵡⴰⵏⵜ ⴰⴽⴽ ⴷⴻⴳ ⵍⴷⵣⴰⵢⴻⵔ, ⴰⵛⴽⵓ ⴰⴷ ⵜⴻⴼⵔⵓ ⴰⵟⴰⵙ ⵏ ⵡⵓⴳⵓⵔⴻⵏ ⴰⵢ ⴷ-ⵢⴻⵎⵎⵓⴳⴻⵔ ⵡⴻⵃⵔⵉⵛ ⵏ ⵜⴷⴰⵡⵙⴰ ⴰⵔ ⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵡⴻⵔⵥⴰⵎ ⵏ ⵓⵙⴻⴳⴳⴰⵙ ⴰⵙⴻⵏⵙⴻⴳⵎⴰⵏ (ⴱⵉⴷⴰⵖⵓⴵⵉ) ⴰⵎⴰⵢⵏⵓ ⵏ ⵓⵙⵓⴷⵓ ⴰⵖⴻⵍⵏⴰⵡ ⵏ ⵓⵙⵙⵉⵍⴻⵖ ⵉⵎⵉⵏⴻⴳ ⵏ ⵢⴻⴼⵔⴻⵎⵍⵉⵢⴻⵏ (ⵉⵏⴼⵙⵒ).
ⵍⵇⴰⵏⵓⵏ-ⴰ ⴰⴷ ⴷ-ⴷⴷⵓⵏⵜ ⴷⴻⴳ-ⵙ ⵜⵙⴻⵎⵎⴻⵙⴽⴰⵍ ⴷ ⵜⵉⵍⵇⴰⵢⴰⵏⵉⵏ, ⴰⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴷⵉⴰⴼ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵃⵔⵉⵛ-ⴰ ⵍⵍⴰⵏⵜ-ⴷ ⵢⴰⴳⵉ ⴷⴻⴳ-ⵙ ⵜⵙⴻⵎⵎⴻⵙⴽⴰⵍ ⵓⵍⴰ ⴷⴻⴳ ⵡⴰⵎⴻⴽ ⴰⵢ ⴷ-ⵢⴻⵜⵜⵉⵍⵉ ⵓⵅⴻⴷⴷⵉⵎ ⵏ ⵢⴰⵍ ⴰⵙⵙ ⴷ ⵢⵉⵎⵓⴹⵉⵏⴻⵏ.
ⵢⴻⵏⵛⴻⴷ-ⴷ ⴷⴰⵖ ⵓⵏⴻⵖⵍⴰⴼ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ) ⵏ ⵜⴷⴰⵡⵙⴰ ⴰⴽⴽⴻⵏ ⴰⴷ ⴷ-ⵔⵔⴻⵏ ⵖⴻⴼ ⵡⴻⵣⵖⴰⵏ (ⵉⵏⵜⵉⵇⴰⴷ) ⴰⵢ ⴷ-ⵢⴻⵍⵍⴰⵏ ⴼⴻⵍⵍ-ⴰⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵉⵙⴰⴷⵓⵔⴰⵏⴻⵏ-ⴰ ⵍⴰ ⵜⵜⴳⴻⵏ ⵍⵡⴰⵊⴻⴱ-ⵏⵙⴻⵏ ⴰⴽⴽⴻⵏ ⵉⵡⴰⵜⴰ, ⵢⴻⵔⵏⵓ ⵓⵍⴰ ⵎⴰ ⵍⵍⴰⵏⵜ ⴽⵔⴰ ⵏ ⵍⵉⵃⴰⵍⴰⵜ ⵏ ⴷⵉⵔⵉ, ⵓⵔ ⵢⴻⵙⵙⴻⴼⴽ ⴰⴷ ⵜⴻⵏⵜ-ⵢⴻⵙⵎⴰⵜⵓ ⵡⴻⵎⴷⴰⵏ.
ⴷⴻⴳ ⵜⴽⵓⴽⵜ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵖⴻⴼ ⵡⴻⵔⵥⴰⵎ ⵏ ⵢⵉⵡⴻⵏ ⵏ ⵡⴻⵙⴱⵉⵟⴰⵔ ⵏ 60 ⵏ ⵡⵓⵙⵓⵜⴻⵏ ⴷⴻⴳ ⵢⴻⵏⵏⴰⵢⴻⵔ ⵉ ⵍⵎⴻⵏⴷ ⵏ ⵓⴷⴰⵡⵉ ⵏ ⵢⵉⵎⴻⵏⵇⴰⵛⴻⵏ ⵏ ⵢⴻⵥⵔⴰ ⴰⵢ ⵢⴻⵜⵜⴰⴹⵏⴻⵏ ⵜⴰⵙⵉⵍⵉⴽⵓⵣⵜ. ⵉⵎⵓⴹⵉⵏⴻⵏ-ⴰ ⵓⵔ ⵜⵜⵡⴰⵜⵜⵓⵏ ⵢⴻⵔⵏⵓ ⴰⴷ ⵢⴻⵜⵜⵡⴰⵔⵥⴻⵎ ⵢⵉⴼⴻⵔ ⵉ ⵓⴷⴰⵡⵉ-ⵏⵙⴻⵏ ⴷⴻⴳ ⵡⴻⵙⴱⵉⵟⴰⵔ-ⴰ ⴰⵢⴷⴻⴳ ⴰⵔⴰ ⵅⴻⴷⴷⵎⴻⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ).
ⵢⴻⵡⵡⴻⴹ ⵓⵏⴻⵖⵍⴰⴼ ⵏ ⵜⴷⴰⵡⵙⴰ ⵖⴻⵔ ⵜⴱⴰⵜⴻⵏⵜ ⴰⵙⵙ ⵏ ⵍⵃⴻⴷⴷ ⴰⵏⴷⴰ ⴰⵔⴰ ⵢⴻⴳ ⵜⵉⵔⵣⵉ ⵏ ⵙⵉⵏ ⵏ ⵡⵓⵙⵙⴰⵏ ⵉ ⵓⵙⵙⴻⴼⵇⴻⴷ ⵏ ⵡⴻⵃⵔⵉⵛ ⵏ ⵜⴷⴰⵡⵙⴰ ⴷⵉⵏ.
