Asebter amenzawi

Asenfar n lqanun n tdawsa ad d-yessukk fell-as tiṭ useqqamu n yineɣlafen (aneɣlaf)

TABATENT – Asenfar n lqanun n tdawsa (ṣiḥḥa) ad d-yessukk fell-as tiṭ useqqamu n yineɣlafen ay d-yetteddun, ɣef wakken ay d-yenna, ass n lḥedd deg Tbatent, uneɣlaf n tdawsa, Abdelmalek Boudiaf.

« D ta ay d tasemmeskelt (iṣlaḥ) n tdawsa tahrawant akk deg Ldzayer, acku ad tefru aṭas n wuguren ay d-yemmuger weḥric n tdawsa ar ass-a », ɣef wakken ay d-yenna uneɣlaf deg yijifeṛ n tfugla n werẓam n useggas asensegman (bidaɣuǧi) amaynu n Usudu Aɣelnaw n Ussileɣ Imineg n Yefremliyen (INFSP).

Lqanun-a ad d-ddunt deg-s tsemmeskal d tilqayanin, aɣef wakken ay d-yenna Mass Boudiaf, ay d-yernan dakken aḥric-a llant-d yagi deg-s tsemmeskal ula deg wamek ay d-yettili uxeddim n yal ass d yimuḍinen.

Yenced-d daɣ uneɣlaf isaduranen (muḥtarifin) n tdawsa akken ad d-rren ɣef wezɣan (intiqad) ay d-yellan fell-asen, am wakken ay d-iwekked dakken isaduranen-a la ttgen lwajeb-nsen akken iwata, yernu ula ma llant kra n liḥalat n diri, ur yessefk ad tent-yesmatu wemdan.

Deg Tkukt, iḥettet-d uneɣlaf ɣef werẓam n yiwen n wesbiṭar n 60 n wusuten deg Yennayer i lmend n udawi n yimenqacen n yeẓra ay yettaḍnen tasilikuzt. Imuḍinen-a ur ttwattun yernu ad yettwarẓem yifer i udawi-nsen deg wesbiṭar-a aydeg ara xeddmen yimazzagen (muxtaṣṣin).

Yewweḍ uneɣlaf n tdawsa ɣer Tbatent ass n lḥedd anda ara yeg tirzi n sin n wussan i ussefqed n weḥric n tdawsa din.