ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵖⴰⵍⴻⵏ ⵢⵉⵍⴻⵎⵥⵉⵢⴻⵏ ⵓⵔ ⴷ-ⵛⵍⵉⴳⴻⵏ ⵙⴻⴳ ⵜⵜⴰⵡⵉⵍ ⵏ ⴰⵏⵙⴻⵊ ⴷⴻⴳ ⵜⴱⴻⵙⵙⴰ

ⵜⴱⴻⵙⵙⴰ, – ⵢⴻⵏⵇⴻⵙ ⵡⴻⵎⴹⴰⵏ (ⵄⴰⴷⴰⴷ) ⵏ ⵢⵉⵍⴻⵎⵥⵉⵢⴻⵏ ⴰⵢ ⵢⴻⵙⵙⵓⵜⵓⵔⴻⵏ ⵍⴻⵎⵄⴰⵡⵏⴰ ⵙ ⵜⵜⴰⵡⵉⵍ ⵏ ⴰⵏⵙⴻⵊ ⵙ ⵇⵔⵉⴱ ⴰⵣⴳⴻⵏ ⴷⴻⴳ 7 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016 ⴷⴻⴳ ⵜⵡⵉⵍⴰⵢⵜ ⵏ ⵜⴱⴻⵙⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵍⴻⵜⵏⵉⵢⴻⵏ, ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵜⴻⵙⴽⴰ ⵜⴰⴷⵉⴳⴰⵏⵜ ⵏ ⵜⵏⴻⴳⴳⴰ-ⴰ, ⵀⴰⵍⵉⵎ ⵛⵀⴻⵔⴰⴷ.

232 ⵏ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴰⵢ ⵢⴻⵔⵙⴻⵏ ⴷⴻⴳ ⵜⴻⵙⴽⴰ-ⴰ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⴷⵀⴰⵍ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ ⴳⴰⵔ ⵢⴻⵏⵏⴰⵢⴻⵔ ⴷ ⵢⵓⵍⵢⵓ ⵏ 2016, ⴷⴻⴳ ⵡⴰⴽⵓⴷ ⴰⵢⴷⴻⴳ 413 ⵏ ⵢⵉⴽⴰⵔⴰⵎⴻⵏ ⴰⵢ ⵢⴻⵔⵙⴻⵏ ⵖⴻⵔ-ⵙ ⴷⴻⴳ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵛⵀⴻⵔⴰⴷ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.

93 ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⴰⵙⴻⴳⴳⴰⵙ-ⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ 185 ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵉⵍⵉⵏⴷⵉ ⴷⴻⴳ ⵜⴰⵍⵍⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ), ⴰⵢ ⴷ-ⵢⴻⵙⴼⴻⵀⵎⴻⵏ ⴷⴰⴽⴽⴻⵏ ⵙⵙⴻⴱⴱⴰ ⵏ ⵜⴰⴳⴰⵢⵜ ⵏ ⵡⴰⵟⴰⵙ ⵏ ⵢⵉⴽⴰⵔⴰⵎⴻⵏ ⵜⴻⵇⵇⴻⵏ ⵖⴻⵔ ⵜⴻⴳⵏⵉⵜ ⴰⵢⴷⴻⴳ ⵜⵜⵡⴰⵇⴻⴱⵍⴻⵏ ⵢⴰⴳⵉ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵢⴻⵃⵔⵉⵛⴻⵏ ⵏ ⵓⵎⴻⵙⵏⵉ (ⵏⴰⵇⵍ), ⵜⴰⵔⴷⴰ ⵏ ⵢⵉⵛⴻⴹⴹⵉⴹⴻⵏ ⴷ ⵜⵓⵞⵞⵉⵜ ⵜⴰⴼⴻⵙⵙⴰⵙⵜ.

4.902 ⵏ ⵢⵉⵙⴻⵏⴼⴰⵔⴻⵏ ⴰⵢ ⵜⴻⵙⵙⴰⴷⵔⴻⵎ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⴷⵀⴰⵍ (ⴷⴰⵄⵎ) ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ ⵏ ⵜⴱⴻⵙⵙⴰ ⴳⴰⵔ 1997 ⴷ 2016, ⵢⴻⵔⵏⵓ ⵅⴻⵍⵇⴻⵏ-ⴷ 8.550 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ. 75% ⵙⴻⴳ ⵢⵉⵙⴻⵏⴼⴰⵔⴻⵏ-ⴰ ⵔⵣⴰⵏ ⵉⵎⴻⵥⵍⴰ (ⵅⴰⴷⴰⵎⴰⵜ), ⵎⴰ 10% ⵔⵣⴰⵏ ⵜⵉⵏⴹⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵛⵀⴻⵔⴰⴷ.

ⵢⴻⵏⵏⴰ-ⴷ ⴷⴰⵖ ⵓⵎⴰⵙⴰⵢ-ⴰ ⴷⴰⴽⴽⴻⵏ ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⴷⵀⴰⵍ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ ⵜⴻⵔⵔⴰ-ⴷ 35% ⵙⴻⴳ ⵢⴻⴷⵔⵉⵎⴻⵏ ⴰⵢ ⵜⴻⵜⵜⴰⵍⴰⵙ ⵉ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⵛⵓⵕⴻⵄ ⵜⵏⴻⴳⴳⴰ, ⴷⴻⴳ 2016, 44 ⵏ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ ⵉⵎⵉ ⴰⵢ ⴱⴻⴷⴷⵍⴻⵏ ⴰⵅⴻⴷⴷⵉⵎ-ⵏⵙⴻⵏ ⵏⴻⵖ ⵙⵙⴻⵏⵣⴻⵏ ⵜⵜⴰⵡⵉⵍ-ⵏⵙⴻⵏ.