Asebter amenzawi

Yessefk ad ttwaferqen akk ttawilat i weḍman n tɣellist n medden (tamsetla)

SKIKDA – Iger-d tiɣri umenzaḍ n wenzaḍ amnaḍan wis 5 n temsetla (darak) taɣelnat, aknaner Tahar Moralent, ass n letniyen i lmend n wezraɛ n wakk ussisen (maǧhudat) yessefken i weḍman n tɣellist n medden.

Mi d-yessawel deg tfugla (ḥafl) n ussenṣeb n ugenses-aknaner Salim Messai ɣef yiɣef n wemsegraw n temsetla taɣelnawt deg twilayt n Skikda, yenna-d weknaner Tahar Moralent dakken yessefk ad yali weswir n tzemmar d tugrint (inḍibaṭ) deg temsetla s uɣellet « ummid » n wakk tiɣbula talsanin d ttawilat yellan i yimenɣi mgal akk leṣnaf n tejrimt d weḥraz n ummizwer d tɣellist tanagdudt d yimenɣi mgal yisehwa n webrid.

Iger-d daɣ tiɣri weknaner Moralent i wemɛawen meɣɣren, yettkemmilen gar tsuda n teɣdemt, n tedbelt d tɣellist i lmend n weḍman n tɣellist ara idumen.

Deg tfugla-a ay d-yellan s weḥdaṛ n yiduba idiganen (maḥalliyya) iɣarimen d yiserdasanen ay d-yellan deg wexxam n wemsegraw n temsetla taɣelnawt n Skikda, yers ugenses-aknaner Salim Messai deg wemkan n ugenses-aknaner Tayeb Lakhmissi ay yettwaznen ad d-yelhu s lecɣal niḍen, dɣa i lmend n waya, iɛuhed Messai ad yeg ayen yezmer akken ad yeḍmen taɣellist n yiɣermanen (muwaṭinin) d wayla-nsen.