ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ: ⴰⵄⴰⵇⴻⴱ ⵏ ⵜⴻⵖⵍⴰⵎⵉⵏ ⴰⵢ ⵉⵖⵓⵏⵣⴰⵏ ⴰⵎⵙⵉⵣⵡⴻⵔ (ⵜⴰⴼⵉⴷⵉⵕⴰⵍⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ,– ⵢⴰⵍ ⵜⴰⵖⵍⴰⵎⵜ ⵓⵔ ⵢⴻⵜⵜⵎⴻⵕⴽⵉⵏ ⴷⴻⴳ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ ⵜⵛⵉⵔⴹⴰⵔⵜ ⴰⴷ ⵜⵅⴻⵍⵍⴻⵚ ⵍⴻⵅⴹⴻⵢⵢⴰ ⵏ 50.000 ⵏ ⵢⵉⴷⵉⵏⴰⵕⴻⵏ ⵎⴰ ⵜⵄⴰⵡⴻⴷ ⵜⴳⴰ ⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵜⴻⵣⵎⴻⵔ ⴰⴷ ⵜⴻⵙⵕⵓⵃ ⵜⵉⵏⵇⵉⴹⵉⵏ ⴷⴻⴳ ⵜⴻⵍⵖⵓⵖⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵢ ⵜⴳⴰ ⵜⵏⴰⵔⵉⵜ-ⵏⵏⴻⵙ ⵜⴰⴼⵉⴷⵉⵕⴰⵍⵉⵜ ⴷⴻⴳ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⴷⵖⴰ, ⴷⴻⴳ ⵜⴻⵎⵍⵉⵍⵉⵜ-ⵏⵏⵉ, ⵡⴰⵍⴰⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵜⵏⴰⵔⵉⵜ ⵜⴰⴼⵉⴷⵉⵕⴰⵍⵉⵜ ⵙ ⵡⴻⵙⵃⵉⵙⵙⴻⴼ ⴷⴰⴽⴽⴻⵏ ⴰⵟⴰⵙ ⵏ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵉⵏ ⵏ ⵜⵡⵉⵍⴰⵢⵉⵏ ⵓⵔ ⵢⴻⵎⵎⴻⵕⴽⴰⵏ ⵉⵎⴰⵏ-ⵏⵙⴻⵏⵜ ⴰⴽⴽⴻⵏ ⴰⴷ ⵓⵔⴰⵔⴻⵏⵜ ⵜⵓⵣⵣⵢⵉⵡⵉⵏ ⵏ ⵓⵙⵙⴻⵡⵊⴻⴷ ⵉ ⵜⴻⵇⴱⵓⵛⵜ ⵏ ⵍⴷⵣⴰⵢⴻⵔ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵖⵍⴰⵎⵜ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵄⵓ ⵜⵉⴽⴼⵉ ⵏ ⵓⵜⵜⴻⴽⴽⵉ ⵏ 50.000 ⵏ ⵢⵉⴷⵉⵏⴰⵕⴻⵏ ⵎⵉ ⴰⵔⴰ ⵜⴻⵜⵜⵡⴰⴼⴻⵙ, ⵙⴰⴽⴽⵉⵏ, ⵎⴰ ⵜⴻⵡⵡⴻⴹ ⵖⴻⵔ ⵜⵉⵙ 32 ⵏ ⵜⵏⴻⴳⴳⴰⵔⵓⵜ, ⴰⴷ ⵜⴻⵔⵙ ⴷⴻⴳ ⵜⴻⵙⴽⴰⵍⴰ-ⵏⵏⵉ ⴰⵢⴷⴻⴳ ⴰⵔⴰ ⵔⵙⴻⵏⵜ ⵜⴻⵖⵍⴰⵎⵉⵏ ⵏⵉⴹⴻⵏ ⴰⵢ ⵉⵄⴻⴷⴷⴰⵏ ⵖⴻⵔ ⵜⵓⵣⵣⵢⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ.

ⵜⴰⵖⵍⴰⵎⵜ ⵏ ⵎⵓⵍⵓⴷⴻⵢⵢⴰ ⵏ ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⵉⵔⴻⴱⵃⴻⵏ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ 2016.