ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵎⴻⵙⵙⴰⵀⴻⵍ ⴰⴷ ⵢⴻⴽⴽⵉ ⴷⴻⴳ ⵜⵇⴰⵛⵓⵛⵜ ⵓⵔ ⵏⴻⵍⵍⵉ ⴷ ⵜⴰⵎⴰⴳⵏⵓⵜ ⵏ ⵓⵙⵇⴰⵎⵓ ⵏ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵄⴻⵣⵍⴻⵏ-ⵜⵜ ⵉ ⵙⵙⵓⴷⴰⵏ ⵏ ⵓⵏⵥⵓⵍ
ⵏⴻⵡ ⵢⵧⵔⴽ – ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⴳⴻⵏⵙⴰⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⵔ ⵜⵇⴰⵛⵓⵛⵜ ⵓⵔ ⵏⴻⵍⵍⵉ ⴷ ⵜⴰⵎⴰⴳⵏⵓⵜ ⵏ ⵓⵙⵇⴰⵎⵓ ⵏ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵄⴻⵣⵍⴻⵏ-ⵜⵜ ⵉ ⵍⵉⵃⴰⵍⴰ ⵢⴻⵍⵍⴰⵏ ⴷⴻⴳ ⵜⴻⴳⴷⵓⴷⴰ ⵏ ⵙⵙⵓⴷⴰⵏ ⵏ ⵓⵏⵥⵓⵍ.
ⵢⴻⵙⵙⴻⵍⵡⵉ-ⵜⵜ ⵓⵖⴻⵍⵍⴰ ⵏ ⵓⵡⴰⵏⴻⴽ ⴰⵎⴰⵚⵔⵉ, ⴰⴱⴷⴻⵍⴼⴰⵜⵜⴰⵀ ⵙⵉⵙⵙⵉ, ⵙ ⵢⵉⵙⴻⵎ-ⵉⵙ ⴷ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⵏ ⵡⴰⵢⵢⵓⵔ-ⴰ ⵉⴷⴻⴳ ⵏⴻⵍⵍⴰ, ⵜⵉⵎⵍⵉⵍⵉⵜ-ⴰ, ⵉ ⵎⵎⵓⴳⴻⵏ ⵖⴻⵔ ⵜⴰⵎⴰ ⵏ ⵜⵖⵉⵎⵉⵜ ⵜⵉⵙ 71 ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⵢⴻⵙⵙⴻⴽⵢⴻⴷ ⵉⵎⵀⴰⵣⴻⵏ ⵉ ⴷ-ⵢⴻⴹⵔⴰⵏ ⴷⴻⴳ ⵙⵙⵓⴷⴰⵏ ⵏ ⵓⵏⵥⵓⵍ.
ⵓⴳⵓⵔⴻⵏ ⵉ ⴷ-ⵢⴻⵎⵎⴰⵄⴻⵔⴹⴻⵏ ⵉ ⵓⵙⴻⴷⴷⵓ ⵏ ⵓⵎⵜⴰⵡⴰ ⵏ ⴼⴻⵔⵔⵓ ⵏ ⵟⵔⴰⴷ ⴰⴽⴽⴻⴷ ⵡⵓⵙⵙⵓⵙⴻⵏ ⵉ ⴷ-ⵢⴻⵍⵍⴰⵏ ⴰⴽⴽⴻⵏ ⴰⴷ ⵜⴻⵔⵙ ⵜⴻⵍⵡⵉⵜ ⴰⴽⴽⴻⴷ ⵜⵖⴻⵍⵍⵉⵙⵜ ⴷⴻⴳ ⵜⵎⵓⵔⵜ-ⴰ, ⴷ ⵡⵉ ⵢⴰⴽⴽ ⵉ ⴷ-ⵢⴻⵔⵙⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⵢⵉⵎⵓⵀⴰⵍ ⵏ ⵜⵇⴰⵛⵓⵛⵜ-ⴰ.
