ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴱⵓⵕⵊ ⴱⵓⵄⵕⵉⵕⵉⴵ: ⵜⴰⵖⵉⵡⴰⵏⵜ ⵏ ⵡⵍⴰⴷ ⵙⵉⴷⵉ ⴱⵕⴰⵀⵉⵎ ⴰⴷ ⴰⵙ-ⴷ-ⵙⵙⵉⵡⴹⴻⵏ ⴰⵎⴰⵏ ⵙⴻⴳ ⵡⵓⴳⴳⵓⴳ ⵏ ⵜⵍⴻⵙⴷⵉⵜ

ⵍⴱⵓⵕⵊ ⴱⵓⵄⵕⵉⵕⵉⴵ – ⵢⴻⵏⵏⴰ-ⴰⵖ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ, ⵓⵏⴻⵎⵀⴰⵍ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⴰⴱⴷⴻⵍⴰⵍⵉ ⴳⵀⴷⵉⵔⵉ, ⴷⴰⴽⴽⴻⵏ ⵉⵎⴻⵣⴷⴰⵖⴻⵏ ⵏ ⵜⵖⵉⵡⴰⵏⵜ ⵏ ⵡⵍⴰⴷ ⵙⵉⴷⵉ ⴱⵕⴰⵀⵉⵎ (ⴰⵜⴰⵔⴰⵎ ⵏ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ) ⵡⵡⴹⴻⵏ-ⵜⴻⵏ ⵡⴰⵎⴰⵏ ⵏ ⵜⵉⵙⵙⵉⵜ ⵙⴻⴳ ⵡⵓⴳⴳⵓⴳ (ⵙⴰⴷⴷ) ⵏ ⵜⵍⴻⵙⴷⵉⵜ (ⵜⴰⵡⵉⵍⴰⵢⵜ ⵏ ⵜⵓⴱⵉⵔⴻⵜ).

ⴷⴻⴼⴼⵉⵔ ⵎⴰ ⴳⴰⵏ ⵉⵏⴻⵄⵔⵓⴹⴻⵏ ⵉⵜⵡⵉⵍⴰⵏⴻⵏ (ⵜⵉⵇⵏⵉⵢⵢⴰ) ⵢⴻⵙⵙⴻⵇⵏⴰⵄⴻⵏ, ⵙⴻⵔⵔⵃⴻⵏ-ⴷ ⵉ ⵡⴰⵎⴰⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵜⵖⵉⵡⴰⵏⵜ ⵏ ⵡⵍⴰⴷ ⵙⵉⴷⵉ ⴱⵕⴰⵀⵉⵎ, ⵢⴻⵔⵏⵓ ⴰⴷ ⵜⵓⵖⴰⵍ ⵜⵖⵉⵡⴰⵏⵜ-ⴰ ⵜⴻⵙⵄⴰ ⴰⵎⴰⵏ ⴷⴻⴳ ⵢⵉⴹ, ⴷⴻⴳ ⵡⴰⵙⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⴷⵉⵔⵉ, ⴰⵢ ⴷ-ⵢⴻⵙⵎⴻⴽⵜⵉⵏ ⴷⴰⴽⴽⴻⵏ ⵛⵛⵖⴻⵍ-ⴰ ⵢⴻⵍⵍⴰ-ⴷ ⴰⵃⵔⵉⵛ ⵙⴻⴳ ⵓⵙⴻⵏⴼⴰⵔ ⵏ ⵓⵙⵙⵉⵡⴻⴹ ⵏ ⵡⴰⵎⴰⵏ ⵙⴻⴳ ⵡⵓⴳⴳⵓⴳ ⵏ ⵜⵍⴻⵙⴷⵉⵜ ⵉ 5 ⵏ ⵜⵖⵉⵡⴰⵏⵉⵏ ⵏ ⵜⴷⴰⵢⵕⴰ ⵏ ⵍⵎⴻⵏⵚⵓⵔⴰ (ⵍⵎⴻⵏⵚⵓⵔⴰ, ⵡⵍⴰⴷ ⵙⵉⴷⵉ ⴱⵕⴰⵀⵉⵎ, ⵍⴻⵎⵀⵉⵔ, ⵃⴻⵔⵔⴰⵣⴰ ⴷ ⴱⴻⵏⴷⴰⵡⴻⵏ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⵉⵖⵉⵡⴰⵏⵉⵏ ⵏ ⵍⴻⵎⵀⵉⵔ ⴷ ⵍⵎⴻⵏⵚⵓⵔⴰ ⵓⵔ ⵜⵜⵄⴻⴹⴹⵉⵍⴻⵏⵜ ⴰⴷ ⵜⵜⵡⴰⵇⵇⵏⴻⵏⵜ ⵖⴻⵔ ⵓⵥⴻⴹⴹⴰ ⵏ ⵡⴰⵎⴰⵏ ⵎⵉ ⴰⵔⴰ ⴼⴰⴽⴻⵏ ⵢⵉⵅⴻⴷⴷⵉⵎⴻⵏ ⵍⴻⴱⵏⵉ ⵏ ⵓⵥⴻⴹⴹⴰ ⵏ ⵡⴰⵎⴰⵏ ⵏ ⵜⵖⵉⵡⴰⵏⵉⵏ ⵏ ⵃⴻⵔⵔⴰⵣⴰ ⴷ ⴱⴻⵏⴷⴰⵡⴻⵏ. ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ (ⵎⴰⵙ’ⵓⵍ), ⵍⴻⵛⵖⴰⵍ-ⴰ ⴰⴷ ⴵⴵⴻⵏ ⵉⵎⴻⵣⴷⴰⵖⴻⵏ ⵏ ⵜⵖⵉⵡⴰⵏⵉⵏ-ⴰ ⴰⴷ ⵀⴻⵏⵏⵉⵏ ⵙⴻⴳ ⵡⵓⴳⵓⵔⴻⵏ ⵏ ⵍⴻⵅⵚⴰⵚ ⵏ ⵡⴰⵎⴰⵏ, ⵍⴰⴷⵖⴰ ⵉⵎⵉ ⴰⵢ ⵏⴻⵇⵙⴻⵏ ⵡⴰⵎⴰⵏ ⵏ ⴷⴷⴰⵡ ⵜⵎⵓⵔⵜ ⵢⴻⵔⵏⵓ ⵇⵇⵓⵔⴻⵏ 21 ⵏ ⵡⵓⵏⴰⵏ (ⴰⴱⵢⴰⵔ) ⴷⴻⴳ ⵜⴻⵎⵏⴰⴹⵜ-ⴰ ⴷⴻⴳ ⵓⵏⴻⴱⴷⵓ ⵏ 2016.

ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⵜⴻⵙⵇⴰⵎ-ⴷ 10 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⵓ ⴷ ⵜⵉⵏ ⴰⵢⴷⴻⴳ ⵙⵙⴻⵔⵙⴻⵏ 198 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⵊⴻⵄⴱⵓⴱⴻⵏ, 12 ⵏ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵡⴻⵊⵖⴰⵔ ⴷ 14 ⵏ ⵍⵅⴻⵣⵏⴰⵜ ⵏ ⵡⴰⵎⴰⵏ ⵢⴻⵙⵄⴰⵏ ⵜⴰⵣⵎⴻⵔⵜ ⵏ 27.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ.