ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⴰⵡⵙⴰ ⴷⴻⴳ ⵓⵖⴻⵔⴱⴰⵣ: ⴰⵣⴰⵍ ⵏ 40 ⵏ ⵜⵉⴳⴳⵜⵉⵏ ⵏ ⵡⴻⴹⴼⴰⵔ ⴷ ⵡⴻⴽⵛⴰⴼ ⵏ ⵡⴰⴹⴹⴰⵏⴻⵏ ⴷⴻⴳ ⵡⴰⴷ ⵙⵓⴼ

ⵡⴰⴷ ⵙⵓⴼ – ⵜⴻⵏⵏⴰ-ⴷ ⵜⵎⴻⵀⵍⴰ ⵏ ⵜⴷⴰⵡⵙⴰ (ⵚⵉⵃⵃⴰ) ⵏ ⵡⴰⴷ ⵙⵓⴼ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ 39 ⵏ ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⵏ ⵡⴻⴹⴼⴰⵔ ⴷ ⵡⴻⴽⵛⴰⴼ ⵏ ⵡⴰⴹⴹⴰⵏⴻⵏ ⴰⵢ ⵢⴻⵜⵜⵡⴰⴽⴻⵍⵍⴼⴻⵏ ⵙ ⵡⴻⴹⵎⴰⵏ ⵏ ⵜⴷⴰⵡⵙⴰ ⵉ ⵢⵉⵖⴻⵔⴱⴰⵣⴻⵏ ⴷⴻⴳ ⵜⵡⵉⵍⴰⵢⵜ-ⴰ.

ⵉⵎⴻⵥⵍⴰ (ⵅⴰⴷⴰⵎⴰⵜ) ⴰⵢ ⴹⴻⵎⵏⴻⵏⵜ ⵜⵉⴳⴳⵜⵉⵏ-ⴰ ⵍⵍⴰⵏⵜ-ⴷ ⵉ ⵍⴼⴰⵢⴷⴰ ⵏ ⵢⵉⴱⴰⵍⵎⵓⴷⴻⵏ ⵏ 3 ⵏ ⵢⴻⵙⵡⵉⵔⴻⵏ (ⴰⵎⴻⵏⵣⵓ, ⴰⵍⴻⵎⵎⴰⵙ ⴷ ⵜⴻⵙⵏⴰⵡⵉⵜ) ⴷⴻⴳ 30 ⵏ ⵜⵖⵉⵡⴰⵏⵉⵏ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵢⴻⵎⵙⵓⵊⵊⵉ ⵏ ⵓⵎⴻⵥⵍⵓ ⵏ ⵓⵃⴻⵣⵣⴻⴱ, ⴽⴰⵎⴻⵍ ⴷⵉⴼ.

ⵜⵉⴳⴳⵜⵉⵏ-ⴰ ⴷ ⵜⵉⴷ ⴰⵢⴷⴻⴳ ⴰⵔⴰ ⵢⴻⵙⵄⴻⴷⴷⵉ ⵢⴻⵎⵙⵓⵊⵊⵉ ⵖⴻⴼ ⵓⴱⴰⵍⵎⵓⴷ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⵜⴰⴷⴰⵡⵙⴰ-ⵏⵏⴻⵙ ⵙⴻⴳ-ⴰ ⵖⴻⵔ ⴷⴰ, ⵢⴻⵔⵏⵓ ⵜⵉⵔⵣⵉ-ⴰ ⵖⴻⴼ ⵢⴻⵎⵙⵓⵊⵊⵉ ⵜⴻⵜⵜⵡⴰⵃⴻⵜⵜⴻⵎ ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵜⵜⵉⵍⵉ ⴱⴰⵟⴻⵍ. ⴰⵢⴰ ⵢⴻⵍⵍⴰ-ⴷ ⵉ ⵡⴻⴹⴼⴰⵔ ⵏ ⵜⴷⴰⵡⵙⴰ ⵏ ⵢⵉⴳⴻⵔⴷⴰⵏ, ⵍⴰⴷⵖⴰ ⴰⵔⵔⴰⵡ ⵏ ⵜⵡⴰⵛⵓⵍⵉⵏ ⵉⵅⵓⵚⵚⴻⵏ ⴷ ⵡⵉⴷ ⴰⵢ ⵢⴻⴷⴷⵔⴻⵏ ⴷⴻⴳ ⵜⴻⵎⵏⴰⴹⵉⵏ ⵜⵓⵄⵣⵉⵍⵉⵏ. ⵛⵛⵖⴻⵍ-ⴰ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴰⵢ ⵢⴻⵙⵜⴻⵏⵢⴰ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵡⴻⵖⵍⵉⴼ ⵏ ⵜⴷⴰⵡⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵎⴰⵙⵙ ⴷⵉⴼ.

148 ⵏ ⵢⴻⵎⵙⵓⵊⵊⵉⵢⴻⵏ ⴷ ⵢⴻⴼⵔⴻⵎⵍⵉⵢⴻⵏ ⴰⵢ ⴷ-ⵢⴻⵍⵀⴰⵏ ⵙ ⵛⵛⵖⴻⵍ-ⴰ, ⴳⴰⵔ-ⴰⵙⴻⵏ 36 ⵏ ⵢⴻⵎⵙⵓⵊⵊⵉⵢⴻⵏ ⵉⵎⴻⵙⵎⵓⵜⴰ, 36 ⵏ ⵢⴻⵎⵙⵓⵊⵊⵉⵢⴻⵏ ⵏ ⵜⵓⵖⵎⴰⵙ, 28 ⵏ ⵢⵉⵎⴻⵙⵏⴰⴼⵙⵉⵢⴻⵏⴷ 48 ⵏ ⵢⴻⴼⵔⴻⵎⵍⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵙⴱⴻⴳⵙⴻⵏ ⵉⵎⵙⵓⵊⵊⵉⵢⴻⵏ ⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⵉ ⵢⵉⴽⴰⵢⴰⴷⴻⵏ ⵉⵍⵇⴰⵢⴰⵏⴻⵏ ⵓⴳⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴷⵉⴱ.

ⵜⵉⴳⴳⵜⵉⵏ ⵏ ⵡⴻⴹⴼⴰⵔ ⴷ ⵡⴻⴽⵛⴰⴼ ⵏ ⵡⴰⴹⴹⴰⵏⴻⵏ ⵜⵜⵡⴰⴼⴻⵔⵇⴻⵏⵜ ⵖⴻⴼ ⵜⴻⵎⵏⴰⴹⵉⵏ ⵖⴻⴼ ⵍⴻⵃⵙⴰⴱ ⵏ ⵡⴻⵎⴹⴰⵏ (ⵄⴰⴷⴰⴷ) ⵏ ⵢⵉⵎⴻⵣⴷⴰⵖⴻⵏ-ⵏⵙⴻⵏⵜ ⴷ ⵡⴻⵇⵔⴰⴱ ⵏ ⵢⵉⵎⵓⴽⴰⵏ ⵏⵉⴹⴻⵏ ⵏ ⵓⴷⴰⵡⵉ ⵉ ⵍⵎⴻⵏⴷ ⵏ ⵓⵙⵙⴻⵇⵔⴻⴱ ⵏ ⵢⵉⵎⴻⵥⵍⴰ ⵏ ⵜⴷⴰⵡⵙⴰ ⵖⴻⵔ ⵢⵉⴱⴰⵍⵎⵓⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵉⴼ.