Asebter amenzawi
Tadawsa deg uɣerbaz: azal n 40 n tiggtin n weḍfar d wekcaf n waḍḍanen deg Wad Suf
WAD SUF – Tenna-d tmehla n tdawsa (ṣiḥḥa) n Wad Suf, ass n ttlata, dakken 39 n tiggtin (waḥadat) n weḍfar d wekcaf n waḍḍanen ay yettwakellfen s weḍman n tdawsa i yiɣerbazen deg twilayt-a.
Imeẓla (xadamat) ay ḍemnent tiggtin-a llant-d i lfayda n yibalmuden n 3 n yeswiren (amenzu, alemmas d tesnawit) deg 30 n tɣiwanin yellan deg twilayt-a, ɣef wakken ay aɣ-d-yenna yemsujji n umeẓlu n uḥezzeb, Kamel Dif.
Tiggtin-a d tid aydeg ara yesɛeddi yemsujji ɣef ubalmud akken ad yessefqed tadawsa-nnes seg-a ɣer da, yernu tirzi-a ɣef yemsujji tettwaḥettem am wakken ay d-tettili baṭel. Aya yella-d i weḍfar n tdawsa n yigerdan, ladɣa arraw n twaculin ixuṣṣen d wid ay yeddren deg temnaḍin tuɛzilin. Ccɣel-a yella-d deg ukatar n wemtawa (ittifaq) ay yestenya weɣlif n ussegmi aɣelnaw d weɣlif n tdawsa, ɣef wakken ay d-yessefhem Mass Dif.
148 n yemsujjiyen d yefremliyen ay d-yelhan s ccɣel-a, gar-asen 36 n yemsujjiyen imesmuta, 36 n yemsujjiyen n tuɣmas, 28 n yimesnafsiyend 48 n yefremliyen, am wakken ay d-sbegsen imsujjiyen imazzagen (muxtaṣṣin) i yikayaden ilqayanen ugar, ɣef wakken ay d-yerna Mass Dib.
Tiggtin n weḍfar d wekcaf n waḍḍanen ttwaferqent ɣef temnaḍin ɣef leḥsab n wemḍan (ɛadad) n yimezdaɣen-nsent d weqrab n yimukan niḍen n udawi i lmend n usseqreb n yimeẓla n tdawsa ɣer yibalmuden, ɣef wakken ay d-yenna Mass Dif.
