Asebter amenzawi

26 n tmura ara yettekkin deg tfaska tagraɣlant n textatasin d tẓuriyin tidlaganin

TABATENT– 26 n tmura ara yettekkin deg teẓrigt tis 9 n tfaska n textatasin d tẓuriyin tidlaganin ara d-yilin gar 22 d 27 Ctembeṛ deg leqṣer n tzikknin n Moufdi-Zakaria n Lezzayer ɣef wakken ay aɣ-d-yenna deg Tbatent yemkellef s tfaska-a, Moussa Kechkeche.

Tafaska-a sdukklen-tt d tfaska n tkaligṛafit taɛṛabt, yernu ad d-tili s uttekki n tmura am Maṣer, Malizya, Indunisya, Ṭṭerk, Iṛan, Lhend d Pakistan, ɣef wakken ay d-yenna Mass Kechkeche.

Menɣir isaragen ara d-yilin ɣef umezruy n textatasin d tẓuriyin tissilɣanin (blastikiyya) ara d-gen yimazzagen (axiṣṣa’iyyin), ad d-ilint daɣ tsemsal i usselmed n tetwilin n teklut deg wahil n tfaska-a, ɣef akken ay d-yenna.

I lmend n waya, wid ara d-yerzun ɣef tzikkent-a ad zemren ad ẓren ixeddimen n wugar n 120 n yinaẓuren, yernu ixeddimen ara yawin arrazen ad rsen deg yisalayen (mataḥif) idzayriyen.

Yeckeṛ-d daɣ Mass Kechkeche taẓrigt ay yezrin, d tin ay d-yerran tudert i tẓuri-a deg Lezzayer, yernu tefka tagnit i yinaẓuren idzayriyen ad mbaddalen timuɣliwin d kra n yinaẓuren mechuṛen deg umaḍal.