ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

26 ⵏ ⵜⵎⵓⵔⴰ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵅⵜⴰⵜⴰⵙⵉⵏ ⴷ ⵜⵥⵓⵔⵉⵢⵉⵏ ⵜⵉⴷⵍⴰⴳⴰⵏⵉⵏ

ⵜⴰⴱⴰⵜⴻⵏⵜ– 26 ⵏ ⵜⵎⵓⵔⴰ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 9 ⵏ ⵜⴼⴰⵙⴽⴰ ⵏ ⵜⴻⵅⵜⴰⵜⴰⵙⵉⵏ ⴷ ⵜⵥⵓⵔⵉⵢⵉⵏ ⵜⵉⴷⵍⴰⴳⴰⵏⵉⵏ ⴰⵔⴰ ⴷ-ⵢⵉⵍⵉⵏ ⴳⴰⵔ 22 ⴷ 27 ⵛⵜⴻⵎⴱⴻⵕ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ ⵏ ⵎⵧⵓⴼⴷⵉ-ⵣⴰⴽⴰⵔⵉⴰ ⵏ ⵍⴻⵣⵣⴰⵢⴻⵔ ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⴷⴻⴳ ⵜⴱⴰⵜⴻⵏⵜ ⵢⴻⵎⴽⴻⵍⵍⴻⴼ ⵙ ⵜⴼⴰⵙⴽⴰ-ⴰ, ⵎⵧⵓⵙⵙⴰ ⴽⴻⵛⵀⴽⴻⵛⵀⴻ.

ⵜⴰⴼⴰⵙⴽⴰ-ⴰ ⵙⴷⵓⴽⴽⵍⴻⵏ-ⵜⵜ ⴷ ⵜⴼⴰⵙⴽⴰ ⵏ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ, ⵢⴻⵔⵏⵓ ⴰⴷ ⴷ-ⵜⵉⵍⵉ ⵙ ⵓⵜⵜⴻⴽⴽⵉ ⵏ ⵜⵎⵓⵔⴰ ⴰⵎ ⵎⴰⵚⴻⵔ, ⵎⴰⵍⵉⵣⵢⴰ, ⵉⵏⴷⵓⵏⵉⵙⵢⴰ, ⵟⵟⴻⵔⴽ, ⵉⵕⴰⵏ, ⵍⵀⴻⵏⴷ ⴷ ⵒⴰⴽⵉⵙⵜⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵛⵀⴽⴻⵛⵀⴻ.

ⵎⴻⵏⵖⵉⵔ ⵉⵙⴰⵔⴰⴳⴻⵏ ⴰⵔⴰ ⴷ-ⵢⵉⵍⵉⵏ ⵖⴻⴼ ⵓⵎⴻⵣⵔⵓⵢ ⵏ ⵜⴻⵅⵜⴰⵜⴰⵙⵉⵏ ⴷ ⵜⵥⵓⵔⵉⵢⵉⵏ ⵜⵉⵙⵙⵉⵍⵖⴰⵏⵉⵏ (ⴱⵍⴰⵙⵜⵉⴽⵉⵢⵢⴰ) ⴰⵔⴰ ⴷ-ⴳⴻⵏ ⵢⵉⵎⴰⵣⵣⴰⴳⴻⵏ (ⴰⵅⵉⵚⵚⴰ’ⵉⵢⵢⵉⵏ), ⴰⴷ ⴷ-ⵉⵍⵉⵏⵜ ⴷⴰⵖ ⵜⵙⴻⵎⵙⴰⵍ ⵉ ⵓⵙⵙⴻⵍⵎⴻⴷ ⵏ ⵜⴻⵜⵡⵉⵍⵉⵏ ⵏ ⵜⴻⴽⵍⵓⵜ ⴷⴻⴳ ⵡⴰⵀⵉⵍ ⵏ ⵜⴼⴰⵙⴽⴰ-ⴰ, ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉ ⵍⵎⴻⵏⴷ ⵏ ⵡⴰⵢⴰ, ⵡⵉⴷ ⴰⵔⴰ ⴷ-ⵢⴻⵔⵣⵓⵏ ⵖⴻⴼ ⵜⵣⵉⴽⴽⴻⵏⵜ-ⴰ ⴰⴷ ⵣⴻⵎⵔⴻⵏ ⴰⴷ ⵥⵔⴻⵏ ⵉⵅⴻⴷⴷⵉⵎⴻⵏ ⵏ ⵡⵓⴳⴰⵔ ⵏ 120 ⵏ ⵢⵉⵏⴰⵥⵓⵔⴻⵏ, ⵢⴻⵔⵏⵓ ⵉⵅⴻⴷⴷⵉⵎⴻⵏ ⴰⵔⴰ ⵢⴰⵡⵉⵏ ⴰⵔⵔⴰⵣⴻⵏ ⴰⴷ ⵔⵙⴻⵏ ⴷⴻⴳ ⵢⵉⵙⴰⵍⴰⵢⴻⵏ (ⵎⴰⵜⴰⵃⵉⴼ) ⵉⴷⵣⴰⵢⵔⵉⵢⴻⵏ.

ⵢⴻⵛⴽⴻⵕ-ⴷ ⴷⴰⵖ ⵎⴰⵙⵙ ⴽⴻⵛⵀⴽⴻⵛⵀⴻ ⵜⴰⵥⵔⵉⴳⵜ ⴰⵢ ⵢⴻⵣⵔⵉⵏ, ⴷ ⵜⵉⵏ ⴰⵢ ⴷ-ⵢⴻⵔⵔⴰⵏ ⵜⵓⴷⴻⵔⵜ ⵉ ⵜⵥⵓⵔⵉ-ⴰ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⵓ ⵜⴻⴼⴽⴰ ⵜⴰⴳⵏⵉⵜ ⵉ ⵢⵉⵏⴰⵥⵓⵔⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵎⴱⴰⴷⴷⴰⵍⴻⵏ ⵜⵉⵎⵓⵖⵍⵉⵡⵉⵏ ⴷ ⴽⵔⴰ ⵏ ⵢⵉⵏⴰⵥⵓⵔⴻⵏ ⵎⴻⵛⵀⵓⵕⴻⵏ ⴷⴻⴳ ⵓⵎⴰⴹⴰⵍ.