ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵎⴰⵙ ⴰⵙⴷⴰⵡⴰⵏ ⵏ ⴰⴱⴷⴻⵍⵀⴰⴷⵉⴼ ⴱⵧⵓⵙⵙⵧⵓⴼ ⵏ ⵎⵉⵍⴰ: ⴰⵡⵊⴰⴷ ⵏ 2000 ⵏ ⵢⵉⵎⵓⴽⴰⵏ ⵉ ⵢⵉⵏⴻⵍⵎⴰⴷⴻⵏ

ⵎⵉⵍⴰ – ⵉⵅⴻⴱⴱⴻⵔ-ⴰⵖ-ⴷ ⵓⵏⴻⵎⵀⴰⵍ ⵏ ⵡⴰⵎⵎⴰⵙ ⴰⵙⴷⴰⵡⴰⵏ ⵏ ⴰⴱⴷⴻⵍⵀⴰⴼⵉⴷ-ⴱⵧⵓⵙⵙⵧⵓⴼ ⵏ ⵎⵉⵍⴰ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⵜⴰⵙⵡⴰⵡⵉⵜ-ⴰ ⵡⴻⵊⴷⴻⵏ-ⴷ ⴷⴻⴳ-ⵙ 2000 ⵏ ⵢⵉⵎⵓⴽⴰⵏ ⵉⵙⴻⵏⵙⴻⴳⵎⴰⵏⴻⵏ (ⴱⵉⴷⴰⵖⵓⴵⵉⵢⵢⴰ) ⵉⵎⴰⵢⵏⵓⵜⴻⵏ ⵉ ⵍⵎⴻⵏⴷ ⵏ ⵓⵙⴻⴳⴳⴰⵙ ⴰⵙⴷⴰⵡⴰⵏ ⵏ 2016-2017.

ⵙ ⵡⴰⵢⴰ, ⵜⴻⵔⵏⴰ ⵜⴻⵣⵎⴻⵔⵜ ⵏ ⵓⵎⵎⴰⴳⴻⵔ ⵏ ⵡⴰⵎⵎⴰⵙ-ⴰ ⴰⵙⴷⴰⵡⴰⵏ ⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ 8.000 ⵏ ⵢⵉⵎⵓⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⵧⵓⴰⵀⴰⴱ ⵛⵀⴻⵎⴰⵎ ⴷⴻⴳ ⵜⴼⵓⴳⵍⴰ (ⵃⴰⴼⵍ) ⵏ ⵡⴻⵔⵥⴰⵎ ⵏ ⵓⵙⴻⴳⴳⴰⵙ ⴰⵙⴷⴰⵡⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⴻⵡⵊⴻⴷ-ⴷ ⴷⴰⵖ ⵜⴻⵎⴽⴰⵔⴹⵉⵜ ⵏ 800 ⵏ ⵢⵉⵎⵓⴽⴰⵏ ⴷ ⵢⴻⵃⴷⴻⵔ ⴰⴷⴻⴱⵍⴰⵏ ⴰⵎⴰⵢⵏⵓ ⴷⴻⴳ ⵡⴰⵎⵎⴰⵙ-ⴰ.

ⴰⵎⵎⴰⵙ ⴰⵙⴷⴰⵡⴰⵏ ⵏ ⵎⵉⵍⴰ ⴰⴷ ⵉⵍⵉⵏ ⴷⴻⴳ-ⵙ, ⴰⵙⴻⴳⴳⴰⵙ-ⴰ, 11.000 ⵏ ⵢⵉⵏⴻⵍⵎⴰⴷⴻⵏ, ⴳⴰⵔ-ⴰⵙⴻⵏ 3.600 ⵏ ⵢⵉⵎⴰⵢⵏⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵔⵏⴰⵏ, ⵢⴻⵔⵏⵓ ⵉⵙⵡⵉ ⴰⴳⴻⵊⴷⴰⵏ ⵏ ⵡⴰⵎⵎⴰⵙ-ⴰ ⵏⴻⵜⵜⴰ ⴷ ⴰⴽⵙⴰⴱ ⵏ ⵓⵥⴰⵢⴻⵔ (ⵡⴰⴹⵄ) ⵏ ⵜⴻⵙⴷⴰⵡⵉⵜ ⴰⵙⵎⵉ ⴰⵔⴰ ⵜⴰⵡⴻⴹ ⵖⴻⵔ 12.000 ⵏ ⵢⵉⵏⴻⵍⵎⴰⴷⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴳⵔⴻⵔ (ⵜⴰ’ⵟⵉⵔ) ⴰⵙⴻⵏⵙⴻⴳⵎⴰⵏ, ⴰⴷ ⵔⵏⵓⵏ ⴰⴷ ⵔⴻⵥⵎⴻⵏ ⴷⴻⴳ ⵡⴰⵎⵎⴰⵙ-ⴰ ⵜⵉⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵜⵉⵎⴰⵢⵏⵓⵜⵉⵏ ⵏ ⵓⴷⵓⴽⵜⵓⵕⴰ ⴷⴻⴳ ⵜⵓⵙⵏⴰⴽⵜ, ⵜⴰⵙⵏⵓⴷⴻⵔⵜ (ⴱⵢⵓⵍⵓⴵⵢⴰ) ⴷ ⵜⵙⴻⴽⵍⴰ ⵜⴰⵄⵕⴰⴱⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵛⵀⴻⵎⴰⵎ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵜⵉⵎⵙⵉⵣⴻⵡⵔⵉⵏ ⵏ ⵡⴰⴷⴰⴼ ⵖⴻⵔ ⵓⴷⵓⴽⵜⵓⵕⴰ ⴷⴻⴳ ⵜⵎⴻⵣⵣⵓⴳⵉⵏ-ⴰ ⴰⴷ ⴷ-ⵉⵍⵉⵏⵜ ⴷⴻⴳ ⵡⴰⵢⵢⵓⵔ ⵏ ⵜⵓⴱⴻⵕ.

ⴰⵡⴰⵍⵉ ⴰⴱⴷⴻⵔⵔⴰⵀⵎⴻⵏⴻ ⵎⴰⴷⴰⵏⵉ ⴼⵧⵓⴰⵜⵉ, ⴰⵢ ⵉⵃⴻⴷⵕⴻⵏ ⴷⴻⴳ ⵜⴼⵓⴳⵍⴰ-ⴰ, ⵉⵡⴻⴽⴽⴻⴷ-ⴷ ⵖⴻⴼ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵡⴻⵍⵎⵓⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵜⴻⵡⵊⴻⴷ-ⴷ ⴷⴰⵖ ⵜⵏⴻⵣⴷⵓⵖⵜ ⵜⴰⵙⴷⴰⵡⴰⵏⵜ ⵏ 1000 ⵏ ⵡⵓⵙⵓⵜⴻⵏ ⴷⴻⴳ ⵜⵡⵉⵍⴰⵢⵜ-ⴰ.