ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 243 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴰⵢ ⵢⴻⵔⵖⴰⵏ ⴷⴻⴳ ⵜⵙⴻⵎⵙⵉⵍⵜ

ⵜⵉⵙⴻⵎⵙⵉⵍⵜ – ⵔⵖⴰⵏ 243 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⴷⴻⴳ ⵜⵡⵉⵍⴰⵢⵜ ⵏ ⵜⵙⴻⵎⵙⵉⵍⵜ ⵙⴻⴳ ⵜⴻⵣⵡⴰⵔⴰ ⵏ ⵢⵓⵏⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⴰⵙⵙ ⵏ ⵜⵜⵍⴰⵜⴰ ⵜⴰⴳⴳⴰⵥⵜ ⵏ ⵜⵥⴻⴳⵡⴰ ⵏ ⵜⵡⵉⵍⴰⵢⵜ-ⴰ.

ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⵡⵉⵍⴰⵢⵜ, ⵢⴻⵏⵏⴰ-ⴷ ⵎⴰⵙⵙ ⵀⴻⵍⵍⴰⵍ ⴱⴻⵏⴳⵀⴰⵏⴻⵎ (ⴷ ⴰⴽⴰⵜⴰⵔ ⴷⴻⴳ ⵜⴰⴳⴳⴰⵥⵜ ⵏ ⵜⵥⴻⴳⵡⴰ) ⴷⴰⴽⴽⴻⵏ 44 ⵏ ⵜⵎⴻⵙⵙⵉⵡⵉⵏ ⵙⵅⴻⵚⵔⴻⵏⵜ 156 ⵏ ⵢⵉⵇⴻⵟⵟⴰⵔⴻⵏ ⵏ ⵜⵥⴻⴳⵡⴰ, 27 ⵏ ⵢⵉⵇⴻⵟⵟⴰⵔⴻⵏ ⵏ ⵢⵉⵎⵓⴷⴰⵖ, 18 ⵏ ⵢⵉⵇⴻⵟⵟⴰⵔⴻⵏ ⵏ ⵓⴼⴻⵔⵙⵓⵏ, 37,5 ⵏ ⵢⵉⵇⴻⵟⵟⴰⵔⴻⵏ ⵏ ⵢⵉⵙⴻⴽⵍⴰ ⵏ ⵢⵉⴳⵓⵎⵎⴰ, ⵏ ⵡⴻⵡⵔⵉ ⴷ ⵢⴻⵎⵖⴰⵏ ⵏⵉⴹⴻⵏ.

ⴱⴷⴰⵏⵜ-ⴷ ⵜⵎⴻⵙⵙⵉⵡⵉⵏ-ⴰ ⴷⴻⴳ ⵜⵥⴻⴳⵡⴰ ⵏ ⵡⵍⴰⴷ ⵍⴻⵕⴵⴻⵎ, ⴱⴰⴱ ⵍⴱⴻⴽⴽⵓⵛ, ⵇⵡⴰⵙⴻⵎ (ⵍⴻⵕⴵⴻⵎ) ⴷ ⵄⵉⵏ ⵍⴻⵍⵍⵓ ⴷⴻⴳ ⵍⴻⵣⵀⴰⵕⴻⵢⵢⴰ.

ⵜⴻⵙⵙⴻⴱⴳⴻⵙ ⵜⴰⴳⴳⴰⵥⵜ ⵏ ⵜⵥⴻⴳⵡⴰ, ⴰⵙⴻⴳⴳⴰⵙ-ⴰ, 14 ⵏ ⵜⴻⵖⵍⴰⵎⵉⵏ ⵜⵉⵣⵉⵔⴰⵣⵉⵏ, ⴰⴽⴽⴻⵏ ⴰⴷ ⵙⵙⴻⵖⵙⵉⵏ ⵜⵉⵎⴻⵙ ⵏ ⵜⵥⴻⴳⵡⴰ, ⴳⴰⵔ-ⴰⵙⴻⵏ 190 ⵏ ⵢⵉⴽⴰⵜⴰⵔⴻⵏ ⴷ ⵢⵉⵎⴻⴳⴳⵉⵢⴻⵏ ⴰⵢⴷⴻⴳ ⵍⵍⴰⵏ 70 ⵏ ⵢⵉⵅⴻⴷⴷⴰⵎⴻⵏ ⵉⵙⴻⵎⵀⵓⵢⴰⵏⴻⵏ ⴰⵢ ⵢⴻⵜⵜⵄⴰⵙⵙⴰⵏ ⵏⴻⵖ ⵜⵜⴳⴻⵏ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⵜⵓⵄⵊⵉⵍⵜ, ⴷ 678 ⵏ ⵢⵉⴽⴰⵜⴰⵔⴻⵏ ⴷ ⵢⵉⵎⴻⴳⴳⵉⵢⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ.

ⵏⵏⵉⴳ ⵡⴰⵢⴰ, 20 ⵏ ⵢⵉⴽⴰⵎⵢⵓⵏⴻⵏ ⵏ ⵜⵏⵓⵟⴼⵉ (ⵚⵉⵀⵔⵉⴵ), 8 ⵏ ⵢⴻⵎⵙⴻⴷⴷⴰⵢⴻⵏ ⵉⴽⴰⵏⵔⴰⵔⴻⵏ ⴷ 24 ⵏ ⵜⵎⴻⵏⴹⴰⵢⵉⵏ (ⵙⴰⵢⵢⴰⵔⴰⵜ ⵉⵙⵄⴰⴼ) ⴰⵢ ⴷ-ⵙⴱⴻⴳⵙⴻⵏ ⵉ ⵍⵎⴻⵏⴷ ⵏ ⵡⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵖⴻⵍⵍⵜⴻⵏ ⴰⴽⴽ ⵜⵉⵏⵇⵉⴹⵉⵏ ⵏ ⵡⴰⵎⴰⵏ ⵉⵡⴻⵊⴷⴻⵏ ⴷⴻⴳ ⵜⴻⵎⵏⴰⴹⵉⵏ ⵏ ⵜⵥⴻⴳⵡⴰ ⵏ ⵜⵡⵉⵍⴰⵢⵜ-ⴰ.

ⴷⴻⴳ ⵜⴻⵎⵍⵉⵍⵉⵜ-ⴰ, ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵓⵡⴰⵍⵉ ⴰⴱⴷⴻⵍⵀⴰⵎⵉⴷ ⴻⵍ ⴳⵀⴰⵣⵉ, ⴰⴽⴽⴻⵏ ⴰⴷ ⵙⵙⵓⴳⴳⵜⴻⵏ ⵜⵉⴳⴰⵡⵜ ⵜⵓⵇⵔⵉⴱⵜ ⴷ ⵡⴻⵙⵃⵓⵍⴼⵓ ⵏ ⵢⵉⵎⴻⵣⴷⴰⵖⴻⵏ ⴰⵢ ⵉⵣⴻⴷⵖⴻⵏ ⵙⴷⴰⵜ ⵜⵥⴻⴳⵡⴰ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⴻⵃⵔⴰⵣ-ⵏⵙⴻⵏⵜ ⵎⴳⴰⵍ ⵜⵎⴻⵙ.