Asebter amenzawi

Ugar n 243 n yiqeṭṭaren n wakal ay yerɣan deg Tsemsilt

TISEMSILT – Rɣan 243 n yiqeṭṭaren n wakal deg twilayt n Tsemsilt seg tezwara n Yunyu, ɣef wakken ay aɣ-d-txebber ass n ttlata taggaẓt n tẓegwa n twilayt-a.

Deg temlilit n useqqamu aslekman n twilayt, yenna-d Mass Hellal Benghanem (d akatar deg taggaẓt n tẓegwa) dakken 44 n tmessiwin sxeṣrent 156 n yiqeṭṭaren n tẓegwa, 27 n yiqeṭṭaren n yimudaɣ, 18 n yiqeṭṭaren n ufersun, 37,5 n yiqeṭṭaren n yisekla n yigumma, n wewri d yemɣan niḍen.

Bdant-d tmessiwin-a deg tẓegwa n Wlad Leṛǧem, Bab Lbekkuc, Qwasem (Leṛǧem) d Ɛin Lellu deg Lezhaṛeyya.

Tessebges taggaẓt n tẓegwa, aseggas-a, 14 n teɣlamin tizirazin, akken ad sseɣsin times n tẓegwa, gar-asen 190 n yikataren d yimeggiyen aydeg llan 70 n yixeddamen isemhuyanen ay yettɛassan neɣ ttgen tagermant (tadaxxul) tuɛjilt, d 678 n yikataren d yimeggiyen n uḥuddu aɣarim.

Nnig waya, 20 n yikamyunen n tnuṭfi (ṣihriǧ), 8 n yemseddayen ikanraren d 24 n tmenḍayin (sayyarat isɛaf) ay d-sbegsen i lmend n waya, am wakken ay ɣellten akk tinqiḍin n waman iwejden deg temnaḍin n tẓegwa n twilayt-a.

Deg temlilit-a, iger-d daɣ tiɣri uwali Abdelhamid El Ghazi, akken ad ssuggten tigawt tuqribt d wesḥulfu n yimezdaɣen ay izedɣen sdat tẓegwa akken ad ttekkin deg weḥraz-nsent mgal tmes.