Asebter amenzawi

Mestɣanem: beddu n lebni n lfirma n tarmit i tkessawt n yiselman

MESTɣANEM – Ur tettɛeḍḍil ad tebdu tesdawit n « Abdelhamid-Ibn-Badis » n Mestɣanem lebni n yiwet n lfirma tarmant (taǧribiyya) n tkessawt n yiselman d tesnudert tawlalt (baḥriyya) deg tɣiwant n Stidya (15 n yikilumitren deg utaram n Mestɣanem), ɣef wakken ay d-yenna unemhal n tesdawit-a.

Yenna-d wepṛufisur Mustapha Belhaken deg yiwen n wemyager d tɣemsa dakken asenfar-a ad d-iḥaz 4 n yiqeṭṭaren, yernu asmi ara ifak, ad d-ttilint deg-s tezrawin (dirasat) ɣef leṣnaf yemgerraden n yiɣersiwen n yilel, am wakken ara d-ssiliɣen deg-s inelmaden deg wenrar-a i lmend n wesnefli (tanmiya) n tkessawt n yiselman.

Lekwaɣeḍ ideblanen i tmesɣiwt n wakal d ttesriḥat n lebni wejden, yernu ur ttɛeḍḍilen ad fernen taṛmist (carika) ara d-yelhun s lebni.

Seg yidis niḍen, la ttkemmilen axeddim n lebni n wacḥal n yisenfaren deg yiɣiwnen (kulliyyat) yemgerraden n tesdawit-a, am lebni n snat n tzeɣwin n yisaragen d uheyyi n tzeɣɣa niḍen, dɣa d aya ara yessiwḍen tizemmar n tzeɣwin-a ɣer ujemmal n 900 n yimukan deg yiɣiwnen n tussniwin d tesnatwilin (asudu aqbur n tijjenyeṛt n tkerrazt) d uɣerbaz imineg n tkerrazt, am wakken ay la bennun iḥder i yinarmen (maxabir) d sin n yiḥedren isensegmanen.

Ur tɛeḍḍilen daɣ ad faken s lebni yiwet n tzeɣɣa takaddalt deg usudu (maɛhad) n ussegmi afekkan d waddalan, ɣef wakken ay aɣ-d-xebbren.