ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴻⵙⵜⵖⴰⵏⴻⵎ: ⵜⵓⴽⵛⵉ ⵏ ⵡⴰⵔⵔⴰⵣ ⵏ « ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ » ⵉ ⵡⴻⵙⵎⴰⵍ ⵏ ⵜⵓⴷⴻⵔⵜ ⴷⴷⵓⴽⴽⵍⵉ
ⵎⴻⵙⵜⵖⴰⵏⴻⵎ– ⵢⴻⵜⵜⵓⵏⴻⴼⴽ « ⵡⴰⵔⵔⴰⵣ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ ⵉ ⵡⴻⵙⵎⴰⵍ ⵏ ⵜⵓⴷⴻⵔⵜ ⴷⴷⵓⴽⴽⵍⵉ, ⵏ ⵜⵓⴷⴻⵔⵜ ⴷⴻⴳ ⵜⴰⵍⵡⵉⵜ ⴷⴻⴳ ⵡⴻⴳⵔⴰⴽⴰⵍ ⴷ ⵓⵎⴰⴹⴰⵍ » ⵢⴻⵜⵜⵓⵏⴻⴼⴽ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵎⴻⵙⵜⵖⴰⵏⴻⵎ, ⵉ 3 ⵏ ⵡⵓⴷⵎⴰⵡⴻⵏ ⵉⴳⵔⴰⵖⵍⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ ⵙ ⵡⴰⵟⴰⵙ ⴷⴻⴳ ⵜⴻⵎⵙⴰⵍ-ⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ.
ⴽⵔⴰⴹ ⵏ ⵡⵓⴷⵎⴰⵡⴻⵏ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴰⴽⴽⴻⵏ ⴰⴷ ⴰⵡⵉⵏ ⴰⵔⵔⴰⵣ-ⴰ ⵏⵉⵜⵏⵉ ⴷ ⴰⵏⴻⵖⵍⴰⴼ ⴰⵇⴱⵓⵔ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵍⴰⴽⵀⴷⴰⵔ ⴱⵔⴰⵀⵉⵎⵉ, ⴰⵢ ⵉⵅⴻⴷⵎⴻⵏ ⴷⴰⵖ ⴷ ⴰⴱⴷⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵅⴷⴻⵎ ⴷ ⴰⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵜⵓ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ. ⴰⴷⵉⵒⵍⵓⵎⴰⵜⵉ-ⴰ ⵢⴻⵔⴱⴻⵃ-ⴷ ⵜⵜⴻⵊⵕⵉⴱⴰ ⵎⴻⵖⵖⵔⴻⵏ ⵎⵍⵉⵃ ⴷⴻⴳ ⵓⴼⴻⵔⵔⵓ ⵏ ⵜⵍⵓⴼⴰ ⵏ ⵓⵎⴰⴹⴰⵍ, ⴷⴻⴳ ⵄⵉⵔⴰⵇ, ⴷⴻⴳ ⴰⴼⵖⴰⵏⵉⵙⵜⴰⵏ, ⴷⴻⴳ ⵜⴻⴼⵔⵉⵇⵜ ⵏ ⵡⴻⵏⵥⵓⵍ, ⴷⴻⴳ ⵍⵓⴱⵏⴰⵏ ⵏⴻⵖ ⴷⴻⴳ ⵙⵓⵔⵢⴰ.
ⵙⵉⵏ ⵏ ⵡⵓⴷⵎⴰⵡⴻⵏ ⵏⵉⴹⴻⵏ ⴰⵢ ⵢⴻⵡⵡⵉⵏ ⴰⵔⵔⴰⵣ-ⴰ ⴷ ⴰⵙⵒⴻⵏⵢⵓⵍⵉ ⴼⵔⴻⴷⴻⵔⵉⵛⵧ ⵎⴰⵢⵧⵔ, ⴷ ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵓⵏⴻⵙⵛⵧ ⵢⴻⵔⵏⵓ ⴷ ⵉⵎⵙⴻⴱⴷⴻⴷ ⵏ ⵜⴻⵎⵙⵉⵙⵉⵜ ⵏ ⵜⵖⴻⵔⵎⵉⵡⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⴷ ⴰⵙⴻⵍⵡⴰⵢ ⵏ ⵜⴻⵙⴱⴻⴷⴷⵉⵜ ⵉ ⵢⴻⴷⵍⴻⵙ ⵏ ⵜⴰⵍⵡⵉⵜ, ⵎⴰ ⴷ ⵡⴰⵢⴻⴹ ⴷ ⵔⴰⵢⵎⵧⵏⴷ ⵛⵀⵔⴻⵜⵉⴻⵏ, ⴷ ⴰⵏⵎⴰⵀⴰⵍ (ⵙⴰⴼⵉⵔ) ⴰⵇⴱⵓⵔ ⵢⴻⵔⵏⵓ ⴷ ⴰⵙⴻⵍⵡⴰⵢ ⵓⵙⴰⵏⴰⵢ (ⵎⴰⵔⵚⴰⴷ) ⴰⴳⵔⴰⵖⵍⴰⵏ ⵏ ⵢⵉⵎⴻⵙⵖⵉⵡⴰⵏⴻⵏ ⵉ ⵍⵎⴻⵏⴷ ⵏ ⵜⵓⴷⴻⵔⵜ ⴷⴷⵓⴽⴽⵍⵉ.
ⵉⵎⵉ ⴰⵢ ⵉⵖⴰⴱ ⴼⵔⴻⴷⴻⵔⵉⵛⵧ ⵎⴰⵢⵧⵔ, ⴷ ⴰⵏⵎⴰⵀⴰⵍ ⵏ ⵙⵒⴻⵏⵢⵓⵍ ⴷⴻⴳ ⵍⴻⵣⵣⴰⵢⴻⵔ, ⴰⵍⴻⵊⴰⵏⴷⵔⵧ ⵒⵧⵍⴰⵏⵛⴰ ⵎⴰⵜⴰⵙ, ⴰⵢ ⴷ-ⵢⴻⴹⴹⴼⴻⵏ ⴰⵔⵔⴰⵣ-ⵏⵏⵉ.
ⵜⴰⴼⵓⴳⵍⴰ (ⵃⴰⴼⵍ) ⵏ ⵜⵓⴽⵛⵉ ⵏ ⵡⴰⵔⵔⴰⵣ-ⴰ ⵜⴻⵜⵜⵡⴰⵙⵙⵓⴷⴷⴻⵙ ⴷⴻⴳ ⵜⴻⵙⵖⵉⵎⵜ ⵏ « ⵜⴻⵙⴱⴻⴷⴷⵉⵜ ⵏ ⴷⵊⴻⵏⴰⵜⵓ ⴻⵍ ⴰⵔⵉⴼ » ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵢⵉⴷⵉⵙⴰⵏ ⴰⵢ ⴷ-ⵉⵊⴻⴱⴷⴻⵏ ⵕⵕⴰⵢ ⵏ ⵡⴰⵔⵔⴰⵣ-ⴰ ⵙ ⵡⴻⵎⵄⴰⵡⴻⵏ ⴷ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⵜⴰⴳⵔⴰⵖⴰⵏⵜ ⵏ ⴰⵉⵙⴰ ⴷ ⵡⴰⵀⵉⵍ ⵏ ⵎⴻⴷ 21. ⴷ ⴰⵏⵎⴰⵀⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷⵔⵉⵙⵙ ⴻⵍ ⴷⵊⴰⵣⴰⵉⵔⵉ, ⵢⵉⵡⴻⵏ ⵙⴻⴳ ⵡⴰⵔⵔⴰⵡ ⵏ ⵡⴰⵔⵔⴰⵡ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ, ⴰⵢ ⵢⴻⵙⵙⴻⵍⵡⵉⵏ ⵜⴰⴼⵓⴳⵍⴰ-ⴰ ⵖⴻⵔ ⵢⵉⴷⵉⵙ ⵏ ⵎⴰⵙⵙⴰ ⴼⴰⴷⵉⵍⴰ ⵍⴰⴰⵏⴰⵏ ⴰⵢ ⵢⴻⴹⴹⴼⴻⵏ ⴰⵎⴽⴰⵏ ⵏ ⵜⵎⴰⵔⵓⵜ ⵏ ⵓⵡⴰⵏⴰⴽ ⵢⴻⵔⵏⵓ ⴷ ⵜⴰⵏⴻⵖⵍⴰⴼⵜ-ⵜⴰⵙⴻⵍⵡⴰⵢⵜ ⵏ ⵓⵏⴰⴱⴰⴹ ⴰⴼⵕⴰⵏⴽⵓⴼⵓⵏⵉ ⵏ ⴱⵔⵓⵅⴻⵍⵍⴻⵙ.
