ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴽⵉⴽⴷⴰ: ⵜⵓⵇⵇⵏⴰ ⵏ 4.000 ⵏ ⵢⴻⵅⵅⴰⵎⴻⵏ ⵖⴻⵔ ⵓⵥⴻⴹⴹⴰ ⵏ ⵍⴳⴰⵣ ⴰⴳⴰⵎⴰⵏ ⴷⴻⴳ ⵜⵎⴰⵍⵓⵙⵜ

ⵙⴽⵉⴽⴷⴰ, – ⵙ ⵓⵊⴻⵎⵎⴰⵍ, 4.000 ⵏ ⵢⴻⵅⵅⴰⵎⴻⵏ ⵏ ⵜⵖⵉⵡⴰⵏⵜ ⵏ ⵜⵎⴰⵍⵓⵙⵜ (ⴰⵜⴰⵔⴰⵎ ⵏ ⵙⴽⵉⴽⴷⴰ) ⴰⵢ ⵢⴻⵜⵜⵡⴰⵇⵇⵏⴻⵏ, ⴰⵙⵙ ⵏ ⵍⴰⵕⴻⴱⵄⴰ, ⵖⴻⵔ ⵓⵥⴻⴹⴹⴰ ⵏ ⵍⴳⴰⵣ ⴰⴳⴰⵎⴰⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⴳⵏⵉⵜ ⵏ ⵜⵓⵎⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵢⴻⵍⵍⴰ-ⴷ ⵛⵛⵖⴻⵍ-ⴰ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ 5 ⵏ ⵢⵉⵙⴻⴳⴳⴰⵙⴻⵏ ⵏ 2010-2014, ⵢⴻⵔⵏⵓ ⵢⴻⵙⵙⴻⵍⵡⵉ-ⵜⵜ ⵓⵡⴰⵍⵉ ⴼⴰⵧⵓⵣⵉ ⴱⴻⵏⵀⴰⵙⵙⵉⵏⴻ. ⵃⴰⵣⴻⵏ-ⴷ ⵉ ⵛⵛⵖⴻⵍ-ⴰ ⵜⴰⵊⴻⵍⵍⴰⴱⵜ ⵏ 450 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⴷⴻⴳ ⵜⴼⵓⴳⵍⴰ-ⴰ, ⵉⴳⴻⵔ-ⴷ ⵓⵡⴰⵍⵉ ⵜⵉⵖⵔⵉ ⵉ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⵀⴻⵢⵢⵉⵏ, ⵡⴰⵔ ⵍⴻⵄⴹⵉⵍ, ⴰⵀⵉⵍ ⵏ ⵜⵓⵇⵇⵏⴰ ⵏ ⵜⵓⴷⴷⴰⵔ ⵏ ⵜⴷⴰⵢⵕⴰ ⵏ ⵜⵎⴰⵍⵓⵙⵜ ⵖⴻⵔ ⵍⴳⴰⵣ ⴰⴳⴰⵎⴰⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵏⵏⴰⵏ-ⴷ ⵢⵉⵎⴻⵣⴷⴰⵖⴻⵏ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵓⵎⴻⵥⵍⵓ-ⴰ (ⵅⵉⴷⵎⴰ) ⴷⴰⴽⴽⴻⵏ ⵓⵎⴰⵔⴻⵏ ⵙ ⵡⴰⵟⴰⵙ ⵙ ⵓⵙⴻⵏⴼⴰⵔ-ⴰ, ⵍⴰⴷⵖⴰ ⵉⵎⵉ ⴰⵢ ⴽⴽⴰⵏ ⴰⵛⵃⴰⵍ ⴷ ⵉⵙⴻⴳⴳⴰⵙⴻⵏ ⵏⵉⵜⵏⵉ ⵉⵅⵓⵚⵚ-ⵉⵜⴻⵏ ⵍⴳⴰⵣ ⴷⴻⴳ ⵜⴻⴳⵔⴻⵙⵜ.

ⴰⵥⴻⴹⴹⴰ ⵏ ⵍⴳⴰⵣ ⵉⵃⵓⵣⴰ-ⴷ 70% ⵙⴻⴳ ⵜⵡⵉⵍⴰⵢⵜ ⵏ ⵙⴽⵉⴽⴷⴰ, ⵢⴻⵔⵏⵓ ⵎⴰⵣⴰⵍ ⴰⴷ ⵔⵏⵓⵏ ⴰⴷ ⴷ-ⴼⴰⴽⴻⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⴰⵔⴰ ⵢⴻⵙⵎⴻⵖⵔⴻⵏ ⴰⴼⵎⵉⴹⵉ-ⴰ (ⵏⵉⵙⴱⴰ).