Asebter amenzawi

Skikda: tuqqna n 4.000 n yexxamen ɣer uẓeḍḍa n lgaz agaman deg Tmalust

SKIKDA, – S ujemmal, 4.000 n yexxamen n tɣiwant n Tmalust (ataram n Skikda) ay yettwaqqnen, ass n laṛebɛa, ɣer uẓeḍḍa n lgaz agaman, yernu yella-d waya deg tegnit n tumert, ɣef wakken ay d-nwala.

Yella-d ccɣel-a deg ukatar n wahil n 5 n yiseggasen n 2010-2014, yernu yesselwi-tt uwali Faouzi Benhassine. Ḥazen-d i ccɣel-a tajellabt n 450 n yimelyunen n yidinaṛen, ɣef wakken ay d-nnan.

Deg tfugla-a, iger-d uwali tiɣri i yimasayen (mas’ulin) ay terza temsalt akken ad d-heyyin, war leɛḍil, ahil n tuqqna n tuddar n tdayṛa n Tmalust ɣer lgaz agaman.

Seg yidis niḍen, nnan-d yimezdaɣen ay d-yesfaydin seg umeẓlu-a (xidma) dakken umaren s waṭas s usenfar-a, ladɣa imi ay kkan acḥal d iseggasen nitni ixuṣṣ-iten lgaz deg tegrest.

Aẓeḍḍa n lgaz iḥuza-d 70% seg twilayt n Skikda, yernu mazal ad rnun ad d-faken yisenfaren niḍen ara yesmeɣren afmiḍi-a (nisba).