ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⵙⵙⴰⵡⴻⵍ " ⵉ ⵜⵉⴼⵔⴰⵜⵉⵏ ⵜⵉⵍⴻⴱⴷⴰⵏⵉⵏ" ⵉ ⵢⵉⵖⴻⴱⵍⴰⵏ ⵏ ⵢⵉⵣⵔⵓⵣⴰⵖ ⴷⴻⴳ ⵢⵉⵏⵉⴳ
ⵏⴻⵡ ⵢⵧⵔⴽ- ⵍⴻⵣⵣⴰⵢⴻⵔ ⵜⴻⵙⵙⴰⵡⴻⵍ ⴰⵙⵙ ⵏ ⵍⴰⵅⵎⵉⵙ ⴷⵉ ⵏⴻⵡ ⵢⵧⵔⴽ ⵉ ⵜⴻⴼⵔⴰⵜⵉⵏ ⵜⵉⵍⴻⴱⴷⴰⵏⵉⵏ ⵏ ⵢⵉⵖⴻⴱⵍⴰⵏ ⵜⵜⵉⴷⵉⵔⴻⵏ ⵢⴻⵣⵔⵓⵣⴰⵖ ⴰⴽⴽ ⴷ ⵢⴻⵎⵏⵉⴳⴻⵏ, ⵙ ⵓⵙⵃⵉⵙⵙⴻⴼ ⵖⴻⴼ ⵜⵙⴻⵔⵜⵉⵜ ⵜⴰⴷⴻⵔⵖⴰⵍⵜ ⵉⵎⴻⴷⵍⴻⵏ ⴰⵍⵍⴻⵏ ⵖⴻⴼ ⵜⴻⵣⵖⴻⵏⵜ-ⴰⴳⵉ ⴰⵎ ⵡⴰⴽⴽⴻⵏ ⵢⴻⵍⵍⴰ ⵍⴻⴱⵖⵉ ⵏ ⵜⵓⴼⴼⵔⴰ-ⵙ.
ⴷⴻⴳ ⵢⵉⵏⴰⵡ-ⵉⵏⴻ ⴰⵢ ⴷ-ⵢⴻⵏⵏⴰ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵜⵙⴻⵇⵇⴰⵎⵓⵜⵜ ⵜⴰⵎⴰⵜⵓⵜⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵧⵏⵓ), ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵄⵉⵡⴻⵏ ⴰⴳⴻⵔⴰⵖⵍⴰⵏ, ⵉⵡⴻⴽⴽⴻⴷ-ⴷ ⴱⴻⵍⵍⵉ « ⵜⵉⵎⵓⵔⴰ ⵏ ⴷⴷⵓⵏⵉⵜ ⵜⵜⵃⵓⵍⴼⵓⵏⵜ ⴷⴻⴳ ⵡⴻⴽⵙⵓⵎ-ⵏⵙⴻⵏⵜ ⵙ ⵜⵡⴰⵖⵉⵜ-ⴰⴳⵉ ⵜⴰⵎⵓⵇⵕⴰⵏⵜ ⵉⵄⴻⴷⴷⴰⵏ ⴰⴽⴽ ⵜⵉⵍⵉⵙⴰ ⵙⴻⴳ ⵡⴻⵎⴳⴰⵔⵓ ⴰⵎⴰⴹⵍⴰⵏ ⵡⵉⵙⵙⵉⵏ».
« ⵜⵉⵡⵍⴰⴼⵉⵏ-ⴰⴳⵉ ⴰⵢ ⵏⴻⵜⵜⵡⴰⵍⵉ ⴷ ⵜⵉⴷ ⵖ-ⵢⴻⵔⵡⵉⵏ. ⴷ ⵉⴳⵉⵎⴰⵏ ⵏ ⵢⴻⵎⴷⴰⵏⴻⵏ ⵢⴻⵜⵜⵓⵃⴻⵜⵜⵎⴻⵏ ⴰⴽⴽⴻⵏ ⴰⴷ ⵣⴻⴳⵔⴻⵏ ⵓⵔ ⵥⵕⵉⵏ ⵎⴰ ⴷ ⵉⴷⵉⵔⴻⵏ ⴰⵏⴷⴰ ⵓⵔ ⵏⴻⵣⵎⵉⵔ ⴰⴷ ⵏⴻⵎⴷⴻⵍ ⴰⵍⵍⴻⵏ ⵓ ⴰⴷ ⵜⴻⵏ-ⵏⴰⵃⵙⴻⴱ ⴱⴻⵍⵍⵉ ⴽⴰⵏ ⴷ ⵉⵎⵉⵏⵉⴳⴻⵏ ⵓⴼⴼⵉⵔⴻⵏ, ⴰⵏⴷⴰ ⵍⵍⴰⵏ ⵡⵉⴷ ⵢⴻⵏⵡⴰⵏ ⴱⴻⵍⵍⵉ ⵜⵉⴼⵔⴰⵜ ⴰⴷ ⵜⵉⵍⵉ ⵙ ⵜⴻⴽⵜⵉⵡⵉⵏ ⵜⵉⵇⴱⵓⵕⵉⵏ»,ⵉⴷ-ⵢⴻⵏⵏⴰ ⵓⵏⴻⵖⵍⴰⴼ.
