ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵎⴰⵎⵔⴰ ⵉⴳⴻⵔ-ⴷ ⵜⵉⵖⵔⵉ ⵉ ⵡⴻⵙⵎⴻⵙⴽⴻⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵏⴻⵡ ⵢⵧⵔⴽ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵏⴻⵡ ⵢⵧⵔⴽ, ⵉ ⵡⴻⵙⵎⴻⵙⴽⴻⵍ (ⵉⵚⵍⴰⵃ) ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴷ ⴰⵡⴻⵣⵖⵉ ⴰⴷ ⵢⴻⵜⵜⵡⴰⵙⵡⴻⵅⵅⴻⵔ ⵡⴻⵙⵎⴰⵔ (ⵜⴰⵃⴷⵉⵜ) ⵏ ⵜⵜⴰⵡⵉⵍⴰⵜ ⵏ ⵜⵓⴷⴷⵙⴰ-ⴰ.
ⴷⴻⴳ ⵢⵉⵏⴰⵡ ⴰⵢ ⴷ-ⵢⴻⵖⵔⴰ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵡⴻⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⴰⵎⵙⴰⵍⵜ ⵏ ⵡⴻⵙⵎⴻⵙⴽⴻⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⴱⴷⴰ ⵍⴰ ⵜⵙⴻⵄⵄⵓ ⴰⵣⴰⵍ ⴷ ⴰⵎⴻⵇⵔⴰⵏ ».
« ⵏⴻⴽⴽⵏⵉ ⵏⴻⵜⵜⵡⴰⵍⵉ-ⵜⵜ ⴷ ⵜⴰⵎⵙⴰⵍⵜ ⵏ ⵜⵔⵉⵔⵉⵜ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵜⴰⵃⴻⵔⴼⵉⵜ: ⵜⵜⴰⵡⵉⵍⴰⵜ ⴰⵢ ⴷ-ⵅⵓⵢⵍⴻⵏ ⵢⴻⵔⵏⵓ ⵙⵙⴻⴼⵔⴰⵏ ⴰⴷ ⵜⴻⵏ-ⴳⴻⵏ ⴰⴽⴽⴻⵏ ⴽⴰⵏ ⴰⵢ ⵉⴼⵓⴽ ⵡⴻⵎⴳⴰⵔⵓ ⴰⵏⵎⴰⴹⴰⵍ ⵡⵉⵙ ⵙⵉⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵖⴻⵔⴼⴰⵏ ⵏ ⵜⴰⵍⵙⴰ ⵍⵍⴰⵏ ⵎⴰⵣⴰⵍ-ⵉⵜⴻⵏ ⴷⴷⵔⴻⵏ ⴷⴷⴰⵡ ⵡⴻⵖⵎⴰⵔ ⴰⵡⴻⵔⴷⴰⵏⵉ, ⵎⴰⵣⴰⵍ-ⵉⵜⴻⵏ ⵚⴻⵍⵃⴻⵏ ⴰⵙⵙ-ⴰ ⵏⴻⵖ ⵓⵀⵓ? », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵜⵉⵔⵉⵔⵉⵜ ⵏ ⵜⵉⴷⴻⵜ ⴰⵢ ⴷ-ⵉⵃⴻⵜⵜⵎⴻⵏ ⵉⵎⴰⵏ-ⵏⵏⴻⵙ ⴷⴻⴳ ⵜⴻⵎⵙⴰⵍⵜ-ⴰ ⵏⴻⵜⵜⴰⵜ ⴷⴰⴽⴽⴻⵏ ⴰⵏⴱⴰⴹ ⴰⵏⵎⴰⴹⴰⵍ, ⴰⵙⴻⵔⵜⴰⵏ, ⴰⴷⴰⵎⵙⴰⵏ, ⴰⵖⴻⵍⵍⵉⵙⴰⵏ ⴷ ⵡⴻⵏⵡⴻⵏⵏⴰⴹ ⴰⵢ ⵢⴻⵍⵍⴰⵏ ⴰⵙⵙ-ⴰ ⵢⴻⵙⵙⴻⴼⴽ ⴰⴷ ⵉⵄⴰⵡⴻⴷ ⴰⴷ ⴷ-ⵢⴻⵜⵜⵡⴰⵎⵙⴻⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⴷⴷⵙⴰ « ⵓⵔ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⴹⵍⴻⵎ ⵖⴻⴼ ⵍⴻⵅⵚⴰⵚ ⴰⵎⴻⵇⵔⴰⵏ ⴰⵢⵖⴻⴼ ⴷ-ⵜⵜⴻⵣⵣⵎⴻⵏ ⴼⴻⵍⵍ-ⴰⵙ ⵢⵉⵡⴰⵏⴰⴽⴻⵏ-ⵏⵏⴻⵙ ⵉⵎⴰⵙⵍⴰⴹⴻⵏ », ⵉⵎⵉ ⵍⴻⵅⵚⴰⵚⴰⵜ-ⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ ⵢⴻⴽⴽⴰ-ⴷ ⵙⴻⴳ ⵡⴻⵙⵜⴻⵀⵣⵉ ⵏ ⵢⵉⵎⴰⵙⵍⴰⴹⴻⵏ-ⵏⵏⴻⵙ.
