ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴱⴻⵙⴽⴻⵔⵜ: ⵜⴰⵊⵎⵉⵍⵜ ⵉ ⵓⵎⴻⵣⵔⵓⵢ ⴷ ⵜⵥⵓⵔⵉ-ⵏⵏⴻⵙ ⴷⴻⴳ ⵓⵙⵓⴷⵓ ⵏ ⵓⵎⴰⴹⴰⵍ ⴰⵄⵕⴰⴱ

ⵒⴰⵔⵉⵙ – ⵜⴰⵣⵉⴽⴽⴻⵏⵜ ⵏ « ⵜⴱⴻⵙⴽⴻⵔⵜ, ⴰⵎⴷⴰ ⵢⴻⵜⵜⵙⴻⵃⵃⵉⵔⴻⵏ: 1844-2014 », ⴰⵢ ⵢⴻⵜⵜⵡⴰⵔⴻⵥⵎⴻⵏ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵓⵙⵓⴷⵓ ⵏ ⵓⵎⴰⴹⴰⵍ ⴰⵄⵕⴰⴱ ⵏ ⵒⴰⵔⵉⵙ ⵢⴻⵍⵍⴰ-ⴷ ⴷ ⵜⴰⵡⵡⵓⵔⵜ ⵉⵔⴻⵥⵎⴻⵏ ⵉ (ⵡⴰⵍⵍⵓⵙ ⵏ) ⵜⵎⵓⵙⵙⵏⵉ ⵏ ⵓⵏⴻⵥⵔⵓⴼ ⴰⴷⵣⴰⵢⵔⵉ ⴰⵢⵙⴻⴳ ⴷ-ⵓⴳⵎⴻⵏ ⴰⵟⴰⵙ ⵏ ⵢⵉⵏⴰⵥⵓⵔⴻⵏ, ⵉⵎⵓⵔⴰ ⴷ ⵢⵉⵙⴻⵡⵍⴰⴼⴻⵏ ⵉⵡⴻⵔⴷⴰⵏⵉⵢⴻⵏ ⴷⴻⴳ ⵙⵉⵏ-ⴰ ⵏ ⵍⴻⵇⵔⵓⵏ ⵉⵏⴻⴳⴳⵓⵔⴰ.

ⴰⵎⵎⴰⴳⴻⵔ ⵏ ⵜⵣⵉⴽⴽⴻⵏⵜ-ⴰ ⵢⴻⵍⵍⴰ-ⴷ ⵙ ⵡⴻⵃⴷⴰⵕ ⵏ ⵡⴻⵎⵏⴰⴷⵉ ⵓⵙⵜⵕⴰⵍⵉ ⵔⵧⴳⴻⵔ ⴱⴻⵏⵊⴰⵎⵉⵏ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵡⴻⵎⵄⴰⵡⴻⵏ ⴷ ⵢⵉⵡⴻⵏ ⵏ ⵎⴻⵎⵎⵉ-ⵙ ⵏ ⵜⴱⴻⵙⴽⴻⵔⵜ ⴰⵢ ⵉⵅⴻⴷⴷⵎⴻⵏ ⴷⴻⴳ ⵡⴻⵍⴽⴻⵏⵙⵉ ⵏ ⵜⵖⴰⵡⵙⵉⵡⵉⵏ ⵜⵉⴷⴻⵍⵙⴰⵏⵉⵏ, ⵙⴰⵍⵉⵎ ⴱⴻⵛⵀⴰ, ⴰⵎ ⵡⴰⴽⴽⴻⵏ ⴰⵢ ⵃⴻⴷⵕⴻⵏ ⴷⴰⵖ ⵊⴰⵛⴽ ⵍⴰⵏⴳ, ⴰⵙⴻⵍⵡⴰⵢ ⵏ ⵓⵙⵓⴷⵓ ⵏ ⵓⵎⴰⴹⴰⵍ ⴰⵄⵕⴰⴱ, ⴷ ⵡⴻⵏⵎⴰⵀⴰⵍ (ⵙⴰⴼⵉⵔ) ⵏ ⵍⴷⵣⴰⵢⴻⵔ ⴷⴻⴳ ⴼⵕⴰⵏⵙⴰ, ⴰⵎⴰⵔ ⴱⴻⵏⴷⵊⴰⵎⴰ, ⴰⴳⴳⴻⵏⵙⴻⵙ ⴰⴷⵉⵒⵍⵓⵎⴰⵜⵉ ⵏ ⵓⵙⵜⵕⴰⵍⵢⴰ, ⵜⴰⵏⴻⵖⵍⴰⴼⵜ ⵜⴰⴼⵕⴻⵏⵙⵉⵙⵜ ⵜⴰⵇⴱⵓⵔⵜ ⵏ ⵜⴻⵖⴷⴻⵎⵜ, ⵛⵀⵔⵉⵙⵜⵉⴰⵏⴻ ⵜⴰⵓⴱⵉⵔⴰ, ⴷ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵢⴻⴷⵍⴻⵙ ⴷ ⵡⴰⵟⴰⵙ ⵏ ⵍⵖⴰⵛⵉ.

ⴷⴻⴳ ⵜⵣⵉⴽⴽⴻⵏⵜ-ⴰ ⴰⵢⴷⴻⴳ ⵎⴳⴻⵔⵔⴰⴷⴻⵏⵜ ⵜⵥⵓⵔⵉⵢⵉⵏ ⴷ ⵜⵙⵓⵍⴰⵍ (ⵜⵉⴼⴻⵍⵡⵉⵢⵉⵏ, ⵜⵉⵡⵍⴰⴼⵉⵏ, ⵜⵉⴽⴰⵔⴹⵉⵡⵉⵏ ⵏ ⵜⵏⴰⵣⴻⵏⵜ, ⵉⵖⴰⵡⴰⵙⴻⵏ, ⵉⴷⵍⵉⵙⴻⵏ ⵉⵎⵉⴷⵔⵓⵙⴻⵏ ⴷ ⵜⴻⴼⵜⴰⵔⵉⵏ ⵜⵉⵙⵍⴰⵥⵔⵉⵢⵉⵏ), ⵢⴻⵜⵜⵡⴰⴼⵙⴻⵔ-ⴷ ⵓⵎⴻⵣⵔⵓⵢ ⵏ ⵜⴱⴻⵙⴽⴻⵔⵜ ⴰⴽⴽⴻⵏ ⴰⴷ ⵜ-ⵙⵙⵏⴻⵏ ⵎⴻⴷⴷⴻⵏ ⵙⴻⴳ ⵜⵎⵓⵖⵍⵉ ⵏ ⵢⵉⵏⴰⵥⵓⵔⴻⵏ, ⵢⴻⵔⵏⵓ ⵜⴻⵜⵜⵡⴻⴽⴽⵉⴷ-ⴷ ⵜⵣⵉⴽⴽⴻⵏⵜ-ⴰ ⵜⴰⴱⴰⵖⵓⵔⵜ ⵏ ⵜⴻⵎⵏⴰⴹⵜ-ⴰ.

ⵉⴹⵔⵉⵙⴻⵏ ⴰⵢ ⴷ-ⵢⴻⵜⵜⵡⴰⴼⴻⵙⵔⴻⵏ ⴷ ⵡⵉⴷ ⴰⵢ ⴷ-ⵓⵔⴰⵏ ⵢⴻⵎⴷⴰⵏⴻⵏ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⵉⴱⵏ ⵅⴻⵍⴷⵓⵏ (1332-1406), ⴰⵎⴻⴽⵍⴰ ⴷ ⵓⵎⴰⵔⵓ ⴰⴼⵕⴻⵏⵙⵉⵙ ⴻⵓⴳⴻⵏⴻ ⴼⵔⵧⵎⴻⵏⵜⵉⵏ (1820-1876), ⴰⵙⴻⵔⵜⴰⵢ ⴰⵏⴳⵍⵉⵣⵉ ⵙⵉⵔ ⴰⵍⴼⵔⴻⴷ ⴻⴷⵡⴰⵔⴷ ⵒⴻⴰⵙⴻ (1857-1939), ⴰⵎⴰⵔⵓ ⴰⴼⵕⴻⵏⵙⵉⵙ ⵜⵀⴻⵧⵒⵀⵉⵍⴻ ⴳⴰⵓⵜⵉⴻⵔ (1811-1872), ⴰⴷⵉⵒⵍⵓⵎⴰⵜⵉ ⴰⴼⵕⴻⵏⵙⵉⵙ ⴷ ⵓⵎⴻⵣⵖⴰⵏ ⵏ ⵜⵥⵓⵔⵉ ⴳⴰⵙⵜⵧⵏ ⵙⵛⵀⴻⴼⴻⵔ (1850-1921), ⴰⵎⴰⵜⵓ ⴷ ⵓⵎⴻⴽⵍⴰ ⵓⵜⵔⵉⵛⵉ ⵧⵙⴽⴰⵔ ⴽⵧⴽⵧⵙⵛⵀⴽⴰ (1886-1980) ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⴻⵖⵡⴰⵍⵜ ⵏ ⵡⴰⵙⵙ-ⴰ, ⵀⴰⵎⵉⴷ ⴳⵔⵉⵏⴻ, ⵢⴻⵍⵍⴰⵏ ⵙⴻⴳ ⵜⴻⵎⵏⴰⴹⵜ ⵏ ⵜⴱⴻⵙⴽⴻⵔⵜ.

ⵙⴻⴳ ⵢⵉⴷⵉⵙ ⵏ ⵜⵥⵓⵔⵉ, ⵔⵙⴻⵏ-ⴷ ⵢⵉⵅⴻⴷⴷⵉⵎⴻⵏ ⵏ ⴽⵔⴰ ⵙⴻⴳ ⵢⵉⵎⴻⴽⵍⴰⵜⴻⵏ ⵉⵎⴻⵇⵔⴰⵏⴻⵏ ⵏ ⵍⵇⴻⵔⵏ ⵡⵉⵙ 19 ⴰⵎ ⴳⵓⵙⵜⴰⵠⴻ ⴳⵓⵉⵍⵍⴰⵓⵎⴻⵜ ⵙ ⵜⴼⴻⵍⵡⵉⵜ-ⵏⵏⴻⵙ ⵏ « ⵜⴰⵏⴻⵣⴷⵓⵖⵜ ⵜⴰⵏⴻⵥⵔⵓⴼⴰⵏⵜ, ⵜⴰⵡⵉⵏⴻⵙⵜ ⵏ ⵜⴱⴻⵙⴽⴻⵔⵜ » (1882) ⵏⴻⵖ ⵀⴻⵏⵔⵉ ⵎⴰⵜⵉⵙⵙⴻ, ⵢⴻⵔⵏⵓ ⵡⵉ ⴰⴽⴽ ⴷ ⵉⵅⴻⴷⴷⵉⵎⴻⵏ ⴰⵢ ⵢⴻⵜⵜⴰⴵⴵⴰⵏ ⵉⵏⴻⵔⵣⴰⴼⴻⵏ ⴰⴷ ⵙⵙⵏⴻⵏ ⵜⴰⵎⴷⵉⵏⵜ-ⴰ ⵜⴰⴷⵣⴰⵢⵔⵉⵜ ⴰⵢ ⴷ-ⵉⴽⴻⵛⵛⴼⴻⵏ ⵍⴻⵙⵔⴰⵔ ⵏ ⵜⵏⴻⴼⴼⵓⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵊⴰⵛⴽ ⵍⴰⵏⴳ.