ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵉⵍⴻⵖ ⴷⴻⴳ ⵟⵟⴰⵔⴻⴼ: ⴰⵙⵜⴻⵏⵢⵉ ⵏ 3 ⵏ ⵢⴻⵎⵜⴰⵡⴰⵢⴻⵏ ⵉ ⵓⵙⵙⴻⵊⵀⴻⴷ ⵏ ⵓⵙⵙⵉⴷⴻⴼ ⵏ ⵢⵉⵍⴻⵎⵥⵉⵢⴻⵏ ⵖⴻⵔ ⵓⵅⴻⴷⴷⵉⵎ

ⵟⵟⴰⵔⴻⴼ – 3 ⵏ ⵢⴻⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⴰⵢ ⵢⴻⵜⵜⵡⴰⵙⵜⴻⵏⵢⴰⵏ, ⴰⵙⵙ ⵏ ⵍⵃⴻⴷⴷ ⴷⴻⴳ ⵟⵟⴰⵔⴻⴼ, ⴳⴰⵔ ⵡⴻⵃⵔⵉⵛ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵡⴰⵛⵃⴰⵍ ⵏ ⵜⵙⵓⴷⴰ ⴷ ⵡⵓⴷⵓⵙⴻⵏ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵓⵙⵙⵉⴷⴻⴼ ⵏ ⵢⵉⵍⴻⵎⵥⵉⵢⴻⵏ ⵖⴻⵔ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵜⵜⵡⴰⵙⵜⴻⵏⵢⴰⵏ ⵢⴻⵎⵜⴰⵡⴰⵢⴻⵏ-ⴰ ⴷⴻⴳ ⵓⵙⵓⴷⵓ ⴰⵖⴻⵍⵏⴰⵡ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ (ⵉⵏⵙⴼⵒ) ⵏ ⴱⵓⵃⴵⴻⵕ, ⵢⴻⵔⵏⵓ ⵜⵜⵡⴰⵙⵜⴻⵏⵢⴰⵏ ⴳⴰⵔ ⵡⴻⵃⵔⵉⵛ ⵏ ⵓⵙⵙⵉⵍⴻⵖ, ⵜⴰⵎⴻⵀⵍⴰ ⵏ ⵢⴻⵎⵊⴰⵀⴷⴻⵏ, ⵜⴰⵎⵜⵓⵣⵜ ⵏ ⵡⴰⵎⵎⴰⵙ ⵏ ⵓⵙⵙⴻⴼⵇⴻⴷ ⴰⵜⵡⵉⵍⴰⵏ ⴷ ⵍⴻⴱⵏⵉ (ⵛⵜⵛ) ⴷ ⵓⵏⴰⵔⴻⵎ ⴰⵖⴻⵍⵏⴰⵡ ⵏ ⵓⵙⵙⴻⴼⵇⴻⴷ ⵏ ⵍⴻⴱⵏⵉ ⴷ ⵜⵏⴻⵣⴷⵓⵖⵜ (ⵍⵏⵀⵛ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ ⵏ ⵓⵙⵓⴷⵓ-ⴰ ⵏ ⴱⵓⵃⴵⴻⵕ, ⵀⴰⴱⵉⴱⴰ ⵙⵎⵉⵛⵀⴻⵜ.

ⴰⵙⵓⴷⵓ ⵏ ⴱⵓⵃⴵⴻⵕ ⵍⵍⴰⵏ ⴷⴻⴳ-ⵙ 180 ⵏ ⵢⵉⵏⴻⵍⵎⴰⴷⴻⵏ, ⵢⴻⵔⵏⵓ ⵢⴻⵙⵙⵉⵍⵉⵖ-ⴷ ⴷⴻⴳ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵢⴻⵎⴳⴻⵔⵔⴰⴷⴻⵏ ⵢⴻⵇⵇⵏⴻⵏ ⵖⴻⵔ ⵜⴽⴻⵔⵔⴰⵣⵜ, ⵉⵎⵉ ⴷ ⵡⴰ ⴰⵢ ⴷ ⴰⵃⵔⵉⵛ ⵏ ⵓⵅⴻⴷⴷⵉⵎ ⵉⵛⴰⵄⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⵔⴻⵥⵎⴻⵏ 230 ⵏ ⵢⵉⵎⵓⴽⴰⵏ ⵉ ⵓⵙⵙⵉⵍⴻⵖ ⵏ ⵢⵉⵎⴻⵃⴱⴰⵙ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⵡⵉⵍⵜ ⵜⴰⵎⴰⵢⵏⵓⵜ ⵏ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ (ⵎⵉⵀⴰⵏⵉ), ⵎⵎⴻⵕⴽⴰⵏ-ⴷ ⴰⵙⴻⴳⴳⴰⵙ-ⴰ 2337 ⵏ ⵢⵉⵏⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ, ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⴰⵎⴹⴰⵏ ⵓⵖⵔⵉⴷ ⵏ ⵢⵉⵎⴰⵏⵓⵏⴻⵏ (ⵎⵓⵜⴰⵔⴰⴱⴱⵉⵚⵉⵏ) ⵖⴻⵔ 8.859.

ⵔⴻⵥⵎⴻⵏ 3.380 ⵏ ⵢⵉⵎⵓⴽⴰⵏ ⵏ ⵓⵙⵙⵉⵍⴻⵖ ⴷⴻⴳ 86 ⵏ ⵢⵉⴼⵓⵔⴽⴰⵡⴻⵏ ⵏ ⵓⵅⴻⴷⴷⵉⵎ ⵉ ⵢⵉⵍⴻⵎⵥⵉⵢⴻⵏ ⵏ ⵟⵟⴰⵔⴻⴼ.

ⴷⴻⴳ ⵜⵙⴻⵖⵔⵓⵜ-ⵏⵏⴻⵙ (ⵜⴰⵚⵔⵉⵃ) ⵉ ⵍⵎⴻⵏⴷ ⵏ ⵡⴻⵔⵥⴰⵎ ⵏ ⵓⵙⴻⴳⴳⴰⵙ ⴰⵙⴰⴷⵓⵔⴰⵏ, ⵢⴻⵏⵏⴰ-ⴷ ⵓⵡⴰⵍⵉ ⵏ ⵟⵟⴰⵔⴻⴼ, ⵎⵧⵀⴰⵎⴻⴷ ⵍⴻⴱⴽⴰ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵓⵙⵙⵉⵍⴻⵖ ⴷⴻⴳ ⵡⴻⵃⵔⵉⵛ ⵏ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴷ ⴼⴰⵕⵙⴻⵏ ⵙⴻⴳ ⵓⵙⵙⵉⵍⴻⵖ ⴰⵔⴰ ⴰⵙⴻⵏ-ⵉⴹⴻⵎⵏⴻⵏ ⴰⵅⴻⴷⴷⵉⵎ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵢⴻⵃⵡⴰⵊ ⵙⵙⵓⵇ ⵏ ⵓⵅⴻⴷⴷⵉⵎ.